ەكى قۇراما اراسىنداعى باسەكە جۋىردا عانا داڭقتى بالۋان, ماسكەۋ وليمپياداسىنىڭ چەمپيونى جاقسىلىق ۇشكەمپىروۆتىڭ ەسىمى بەرىلگەن ەلورداداعى جەكپە-جەك سارايىندا ءوتتى. ويىندا قازاقستان قۇراماسى تولىقتاي باسىمدىققا يە بولىپ, قارسىلاسىنىڭ قاقپاسىنا جاۋاپسىز بەس گول سوقتى. اتاپ ايتار بولساق, ويىن بaرىسىندa ارنولد كناۋب, داۋرەن نۇرعوجين, البەرت اقبالىقوۆ, داۋرەن تۇرساعۇلوۆ مەرگەندىگىمەن كوزگە ءتۇستى.
ەندى جەرلەستەرىمىز كەلەسى ويىنىن 2021 جىلدىڭ 28 قاڭتارىندا سىرت الاڭدا يزرايلمەن وتكىزەدى. ايتا كەتەيىك, قازاقستان قۇراماسى ەۋرو-2022 ءتۋرنيرىنىڭ ىرىكتەۋىندە 5-توپتا ونەر كورسەتۋدە. ءبىزدىڭ توپتا ماجارستان مەن يزرايلدەن بولەك, بەلارۋس قۇراماسى دا بار. ەۋروپا چەمپيوناتىنىڭ فينالدىق كەزەڭىنىڭ جالاۋى 2022 جىلدىڭ 9 قاڭتارى مەن 3 اقپانى ارالىعىندا نيدەرلاندتا جەلبىرەيدى.
