وتىرىستا الماتىدا ءمامس-ءتى ىسكە اسىرۋ بارىسى, حالىقتىڭ ساقتاندىرۋ مارتەبەسىن جانە جۇمىس بەرۋشىلەر مەن بيزنەس سۋبەكتىلەرى قىزمەتكەرلەرىنىڭ دەرەكتەرىن وزەكتەندىرۋ بويىنشا جۇرگىزىلىپ جاتقان جۇمىس قارالدى.
قالانىڭ دەنساۋلىق ساقتاۋ سالاسىن قارجىلاندىرۋ حالىقتىڭ ءوسىمىن جانە تەگىن مەديتسينالىق كومەكتىڭ كەپىلدىك بەرىلگەن كولەمى شەڭبەرىندە جانە ءمامس جۇيەسىندە حالىققا كورسەتىلەتىن مەديتسينالىق قىزمەتتەر كولەمىنىڭ قاجەتتىلىگىن ەسكەرە وتىرىپ قالىپتاستىرىلعان. ساقتاندىرىلعان حالىقتىڭ ۇلەسىن ارتتىرۋ ماسەلەلەرىنە ەرەكشە نازار اۋدارىلدى.
«الماتى قالاسى بويىنشا جىل سوڭىنا دەيىن ءمامس تولەۋدەن بوساتىلعان شاعىن جانە ورتا بيزنەس سۋبەكتىلەرىنىڭ سانى 116 604-ءتى قۇرايدى, ونىڭ 59 799-ى دەرەكتەردى جاڭارتتى. قازىر 137 ءىرى بيزنەس سۋبەكتىلەرىنىڭ 129-ى تىزىمدەردى جاڭارتتى نەمەسە اۋدارىمدار مەن جارنالاردى تولەدى, ەندى 8 ءىرى بيزنەس سۋبەكتىسى قالدى», - دەدى «الەۋمەتتىك مەديتسينالىق ساقتاندىرۋ قورى» الماتى قالاسى بويىنشا فيليالىنىڭ ديرەكتورى تىلەۋحان ابىلداەۆ.
ءوز قىزمەتكەرلەرىن ساقتاندىرۋ ءۇشىن جىل سوڭىنا دەيىن جەڭىلدىكتەر بەرىلگەن جۇمىس بەرۋشىلەر جارنالاردىڭ بولماۋىنا قاراماستان, قىزمەتكەرلەردىڭ دەرەكتەرىن msb.fms.kz. سايتىنا ەنگىزۋى ءتيىس. الداعى ۋاقىتتا بۇل قىزمەتكەرلەر ءمامس جۇيەسىندەگى بارلىق قىزمەتتى كەدەرگىسىز الا الادى.
سونداي-اق, ديسپانسەرلىك ەسەپتە تۇرعان پاتسيەنتتەردى امبۋلاتوريالىق ءدارى-دارىمەكپەن قامتاماسىز ەتۋ ماسەلەلەرى قارالدى.
ونلاين-وتىرىستىڭ قورىتىندىسى بويىنشا قالا اكىمىنىڭ ورىنباسارى ەرجان باباقۇماروۆ اۋدان اكىمدىكتەرىنە الماتى قالاسىنىڭ الەۋمەتتىك ءال-اۋقات, كاسىپكەرلىك جانە ينۆەستيتسيالار باسقارمالارىمەن بىرلەسىپ, ءوزىن-ءوزى جۇمىسپەن قامتىعان جانە جەڭىلدىكتى ساناتتارداعى حالىقتى وزەكتەندىرۋدى قامتاماسىز ەتۋدى, 2020 جىلدىڭ سوڭىنا دەيىن ءمامس ءۇشىن اۋدارىمدار مەن جارنالاردى تولەۋدەن بوساتىلعان شوب سۋبەكتىلەرىمەن جۇمىستى كۇشەيتۋدى تاپسىردى.
