ومىرزاق شوكەەۆ تۇركىستاننىڭ رۋحاني – مادەني ورتالىعىندا بوي كوتەرگەن عيماراتتار مەن الەۋمەتتىك نىسانداردىڭ قۇرىلىسىن ارالادى. مەردىگەرلەرگە كەلىسىمشارتتا كورسەتىلگەن ءتيىستى مىندەتتەردى بۇزعاندارعا, كەستەدەن كەشىككەن نە شارتتى بۇزعاندارعا شارا كورىلەتىنىن ەسكەرتتى.
«اقتالۋ ابىروي اكەلمەيدى. جۇكتەلگەن مىندەتتىڭ جۇگى اۋىر بولسا, الەك بولماۋ كەرەك. باسقالارعا جول بەرىلسىن. بۇل سالادا سەبەپ پەن سىلتاۋ ايتاتىندارعا ورىن جوق», - دەدى ومىرزاق شوكەەۆ.
وبلىس اكىمى ارالاعان عىلىمي-امبەباپ كىتاپحاناسىنىڭ سىرتقى جانە ىشكى ارلەۋ, ينجەنەرلىك جەلىلەرىن مونتاجداۋ جانە قۇرال-جابدىقتاردى ورناتۋ جۇمىستارى جۇرگىزىلۋدە. قۇرىلىس باسىندا 184 جۇمىسشى بار. نىساننىڭ كەستەگە سايكەس اياقتاۋ جانە قۇرال-جابدىقتارىن ورناتۋ كەزەڭى جەلتوقسان ايىنا جوسپارلانعان. سونداي-اق ءوڭىر باسشىسى قۇرىلىسى اياقتالعان دراما تەاتر مەن « ۇلى دالا ەلى» ورتالىعىندا بولدى.
تەاتردا ساحنالىق قۇرال-جابدىقتار مەن جيھازدارىن ورناتۋ, ينجەنەرلىك جەلىلەرىن مونتاجداۋ جۇمىستارى جۇرگىزىلۋدە. اۋماعى اباتتاندىرىلۋدا. ال « ۇلى دالا ەلى» ورتالىعىندا قۇرىلىس-مونتاجداۋ جۇمىستارى تولىعىمەن اياقتالعان. بۇگىنگى تاڭدا مەديا قۇرالدارىن ىسكە قوسۋ, ۇيرەتۋ جۇمىستارى اتقارىلۋدا. وسىدان ءبىر جىل بۇرىن ىرگەتاسى قالانعان 630 ورىندىق كوپسالالى اۋرۋحانانىڭ قۇرىلىسى مەملەكەت - جەكەمەنشىك ارىپتەستىك شەڭبەرىندە جۇزەگە اسىرىلۋدا.
«Sembol construction» تۇرىك كومپانياسىنىڭ قارجىلاندىرۋىمەن سالىنىپ جاتقان كەشەندى ەمدەۋ ورتالىعى كەلەر جىلى پايدالانۋعا بەرىلەدى دەپ جوسپارلانعان. جالپى اۋماعى 16 گەكتار جەردى الاتىن كوپسالالى اۋرۋحانادا دياگنوستيكالىق كەڭەس كورسەتۋدەن باستاپ نەيروحيرۋرگيا, ۋرولوگيا, جاراقات, قاتەرلى ىسىك اۋرۋلارى سىندى مەديتسينالىق كومەك كورسەتەتىن بولىمدەر جۇمىس ىستەيدى. عيمارات تولىقتاي زاماناۋي مەديتسينالىق قۇرال-جابدىقتارمەن قامتاماسىز ەتىلەدى.
