ۇلتتىق بانكىنىڭ توراعاسى ەربولات دوساەۆ ۇلتتىق تولەم جۇيەسىن دامىتۋ باعدارلاماسى 2025 جىلعا دەيىن قالاي جۇزەگە اسىرىلاتىنىن ايتتى. دوساەۆتىڭ ايتۋىنشا, مەملەكەت باسشىسىنىڭ 30 قاراشاداعى تاپسىرماسىنا سايكەس ۇلتتىق بانك قازاقستان رەسپۋبليكاسىنىڭ ۇلتتىق تولەم جۇيەسىن دامىتۋدىڭ 2025 جىلعا دەيىنگى باعدارلاماسىن قابىلدادى.
«2021 جىلى ءبىرىنشى كەزەڭدە جەدەل تولەم جۇيەسىن دامىتۋ جانە بانكارالىق تولەم كارتوچكالارى جۇيەسىنىڭ قۇرىلىسى جۇزەگە اسىرىلادى. 2022-2023 جىلدارى جاڭا قىزمەتتەردى قوسۋعا باسا نازار اۋدارىلاتىن بولادى», دەدى ول.
وسىلايشا, ISO 20022 قارجىلىق حابارلامالارىنىڭ حالىقارالىق ستاندارتىنىڭ فورماتىنا كوشۋ, قاشىقتىقتان سايكەستەندىرۋ قىزمەتىن دامىتۋ, Open API جانە Open Banking-كە قويىلاتىن تالاپتاردى تۇجىرىمداۋ, قارجى نارىعىنداعى يننوۆاتسيالاردى قولداۋدىڭ نورماتيۆتىك-قۇقىقتىق بازاسىن جەتىلدىرۋ, ەاەو مەن تسيفرلىق ۆاليۋتاداعى ۇيلەستىرۋ ماسەلەلەرىنە ەرەكشە نازار اۋدارىلاتىن بولادى.
2024-2025 جىلدارى ۇلتتىق تولەم ينفراقۇرىلىمىن جانە جاڭا قىزمەتتەردى دامىتۋ جۇمىستارى جالعاسادى. باعدارلاماعا ەنگىزىلگەن ءىس-شارالاردىڭ ءساتتى جۇزەگە اسىرىلۋى قولما-قول اقشاسىز تولەمدەر شىعىندارىنىڭ 2 ەسەگە تومەندەۋىنە, تولەمدەردى ەل ىشىندە ەكى كۇننەن ءبىر مينۋتقا دەيىن جەدەلدەتۋگە اكەلەدى.
قولما-قول اقشاسىز تولەمدەردى قولدانۋ اياسى كەڭەيەدى. سونداي-اق ۇلتتىق تولەم جۇيەسى شەتەلدىك وپەراتورلارعا تاۋەلدىلىكتى جويادى, دەپ تۇيىندەدى ۇلتتىق بانك باسشىسى.
