جۇيكە جۇيەسىنىڭ زاقىمدانۋىنا ءتان بەلگىلەردىڭ ءبىرى – ابىرجۋ. كوروناۆيرۋستىق ينفەكتسياسىن جۇقتىرعان ناۋقاستاردىڭ نەۆرولوگيالىق جانە پسيحيكالىق پروبلەمالارى تۋرالى اقپارات ەپيدەميا باستالعاننان باستاپ تىركەلگەن. دارىگەرلەر ۆيرۋس ميعا ەنەتىنىن انىقتاعان, بىراق قانداي جولمەن ەنەتىندىگى بەلگىسىز بولعان.
يتاليالىق عالىم دجۋزەپپە دە سانتيس SARS-CoV-2 ءيىس بۋىلتىعى ارقىلى ەنەتىندىگىن – ميدىڭ ءيىس سەزىگە جاۋاپ بەرەتىن بولىگى ارقىلى ميدىڭ وزەگىنە جەتىپ, نەيرونداردى ولتىرەدى دەگەن تەوريا جاساعان. سوندىقتان ۋاقىت وتە كەلە ءيىس سەزۋىن جوعالتقان COVID-19 جۇقتىرعان پاتسيەنتتەردىڭ جاعدايى ناشارلايدى.
ونىڭ بولجامدارىن نەمىس عالىمدارى راستادى. ولار قايتىس بولعان ناۋقاستاردىڭ سىنامالارىن الا وتىرىپ, جۇيكە تىندەرىنە زەرتتەۋ جۇرگىزگەن. كەيبىر ادامداردا اۋرۋ كەزىندە ابىرجۋ, باسسۇيەك ىشىنە قان قۇيىلۋ, باس اۋرۋى, مىنەز-ق ۇلىقتىڭ وزگەرۋى, جەدەل تسەرەبرالدى يشەميا بايقالعان.
