وقيعا • 10 جەلتوقسان، 2020

قىزىلوردا وبلىسىنىڭ ەكس-اكىمى تۇتقىندالدى

1890 رەت كورسەتىلدى

قىزىلوردا وبلىسىنىڭ بۇرىنعى اكىمى قۋانىشبەك ىسقاقوۆقا قاتىستى ۇكىم شىعارىلدى. سوتتىڭ شەشىمىنە سايكەس ول جازاسىن تۇرمەدە وتەۋى ءتيىس، دەپ حابارلايدى Egemen.kz

ۇكىم №2 قىزىلوردا قالالىق سوتىندا جاريا ەتىلدى، ءسويتىپ سوت ق.ىسقاقوۆتى جەتى جىلعا باس بوستاندىعىنان ايىردى. ول جازاسىن ورتاشا قاۋىپسىزدىك كولونياسىندا وتەۋى كەرەك. ودان وزگە، ونى مەملەكەتتىك، ۇلتتىق جانە كۆازيمەملەكەتتىك ۇيىمداردا قىزمەت اتقارۋ قۇقىعىنان ايىردى.

ايتا كەتەيىك، بۇعان دەيىن پروكۋرور قىزىلوردا وبلىسىنىڭ بۇرىنعى اكىمىن سەگىز جىلعا باس بوستاندىعىنان ايىرىپ، مەملەكەتتىك ايىپتاۋشى ق.ىسقاقوۆتى "اسا ءىرى كولەمدەگى الاياقتىق" ءۇشىن كىنالى دەپ تانۋدى سۇراعان ەدى.

ەسكە سالايىق، قۋانىشبەك ىسقاقوۆ وسى جىلدىڭ ناۋرىز ايىنىڭ سوڭىنان باستاپ ۇيقاماقتا بولدى. وعان قىلمىستىق كودەكستىڭ 190-بابى 4-بولىگىنىڭ 2-تارماعى بويىنشا ايىپ تاعىلدى. تەرگەۋ بارىسىندا ونىڭ تاعى 4 سىبايلاستىنا دا سوت مالىمدەمەسى شىقتى.ء ىستىڭ فيگۋرانتتارى قىزىلوردا وبلىسى اكىمىنىڭ بۇرىنعى ورىنباسارى مۇرات يماندوسوۆ جانە اكىمنىڭ باسقا ەكس-ورىنباسارى مارات دەلمۇحانوۆ. سونىمەن قاتار، ايىپتاۋ اكتىسىنىڭ كوشىرمەسى بيزنەسمەن جەڭىسبەك ىسقاقوۆ پەن ازات دوسمايىلوۆقا بەرىلدى.

سوڭعى جاڭالىقتار

ۇكىمەت شيكى مۇناي باعاسىن بەكىتتى

ەكونوميكا • 24 قىركۇيەك، 2021

قىتاي مەن قازاقستان جۇك تاسىمالى ارتقان

ەكونوميكا • 24 قىركۇيەك، 2021

ۇقساس جاڭالىقتار