اتالعان شارانى دۇنيەجۇزىلىك بانك, بۇۇ بالالار قورى (يۋنيسەف), يۋنەسكو, دۇنيەجۇزىلىك دەنساۋلىق ساقتاۋ ۇيىمى مەن ءبىلىم جانە عىلىم مينيسترلىگى بىرلەسىپ ۇيىمداستىردى.
حالىقارالىق ساراپشىلار پاندەميا كەزىندە مەكتەپتەردىڭ جابىلۋى الەم بويىنشا وقۋشىلاردىڭ ۇلگەرىمىنە جانە مەكتەپ باعدارلاماسىن مەڭگەرۋ دەڭگەيىنە اسەر ەتكەنىن ايتتى. ء«بىلىم بەرۋدەگى تۋىنداعان ماسەلەلەردى قالپىنا كەلتىرۋ ءۇشىن ءتيىمدى شارالار قابىلداۋ قاجەت», دەيدى ساراپشىلار.
ءبىلىم جانە عىلىم ۆيتسە-ءمينيسترى شولپان كارينوۆا كارانتين كەزەڭىندە قاشىقتان وقىتۋ فورماتىنا كوشۋ بارىسىندا تەك سىن-قاتەرلەر عانا ەمەس, جاڭا مۇمكىندىكتەر دە پايدا بولعانىن ايتتى.
«وسى كەزەڭدە بالالاردى وقىتۋعا مۇددەلى تاراپتاردىڭ ءبارى ءوزارا جاقىنداي ءتۇستى. اتا-انالار وقۋ پروتسەسىنە بەلسەندى ارالاسىپ, جاعدايدى نازاردا ۇستاپ وتىر. ودان بولەك ءبىلىم بەرۋ ينتەرنەت-پلاتفورمالارىنىڭ جۇمىسى جاڭعىرعانىن, تسيفرلى ساۋاتتىلىقتىڭ ارتقانىن, كومپيۋتەرلەندىرۋ مەن كەرى بايلانىستىڭ كۇشەيگەنىن ايتا كەتكەن ءجون», دەدى ۆيتسە-مينيستر.
ۆيتسە-ءمينيستردىڭ ايتۋىنشا, قاشىقتان ءبىلىم بەرۋ ءداستۇرلى ءبىلىم بەرۋدى الماستىرا المايدى. ويتكەنى وقۋ پروتسەسىن ۇيىمداستىرۋ – بۇل جاي عانا وقۋ ءۇردىسى عانا ەمەس, سونداي-اق بالالاردىڭ ورتاعا بەيىمدەلۋى مەن ءوزارا قارىم-قاتىناس جاساۋىنا, ولاردى دامىتۋعا باعىتتالعان جۇمىس.
پاندەميا جانە كارانتيندىك شەكتەۋلەر كەزىندە وقۋ پروتسەسىن رەتتەۋ ءۇشىن بىرقاتار نورماتيۆتىك قۇقىقتىق قۇجات قابىلداندى, باعالاۋ جۇيەسى بەيىمدەلىپ, ءبىلىم بەرۋدىڭ مەملەكەتتىك ستاندارتى مەن سانيتارلىق ەرەجەلەرگە وزگەرىستەر ەنگىزىلدى.
ء«بىز بۇل باعىتتا ساراپشىلارمەن بەلسەندى جۇمىس ىستەپ, قولدانىستاعى جۇمىس تاجىريبەسىنە تالداۋ جاساپ جاتىرمىز. بۇل ءبىر كۇندىك جۇمىس ەمەس, قالپىنا كەلتىرۋ پروتسەسى ۇزاق ءۇردىس ەكەنىن تۇسىنەمىز. قازىرگى تاڭدا مەكتەپتەردىڭ 50%-ى, تەك 1 ميلليون وقۋشى ءداستۇرلى فورماتتا ءبىلىم الىپ جاتىر. ءبىز ءۇشىن بارلىق ءبىلىم بەرۋ ۇيىمىنىڭ اشىلعانى ماڭىزدى. بۇل ءۇشىن ەپيدەميالىق جاعدايدىڭ جاقسارىپ, سانيتار دارىگەرلەردىڭ رۇقسات بەرۋىن كۇتەمىز», دەدى شولپان كارينوۆا.
حالىقارالىق ساراپشىلار پاندەميا كەزىندەگى ءبىلىم جانە عىلىم مينيسترلىگىنىڭ قىزمەتىنە وڭ باعا بەردى.
«قيىن-قىستاۋ كەزەڭدە تەك پروبلەمالارعا عانا باسا نازار اۋدارماي, سونىمەن قاتار وسى جاعدايدا اشىلعان جاڭا مۇمكىندىكتەرگە دە ءمان بەرىپ وتىرعاندارىڭىزدى قۇپتايمىن. قازاقستاننىڭ ءبىلىم سالاسىندا جاقسى ناتيجەلەرگە جەتكەنىن اتاپ وتكىم كەلەدى. بۇل كەزەڭدە مينيسترلىك اتا-انالارمەن, مۇعالىمدەرمەن جانە وقۋشىلارمەن اشىق ديالوگ جۇرگىزدى, بۇل وتە ماڭىزدى ءارى قۋانارلىق جاعداي», دەدى ءبىلىم سالاسىنداعى جەتەكشى ساراپشى, دۇنيەجۇزىلىك بانكتىڭ وكىلى ايشا ۆاۋدا.
يۋنيسەف-ءتىڭ قازاقستانداعى وكىلى ارتۋر ۆان ديرەن مۇعالىمدەردىڭ پاندەميا كەزىندەگى جۇمىسىن ەرەكشە اتاپ ءوتىپ, العىسىن ءبىلدىردى.
«قازىرگى تاڭدا كورىنبەيتىن ەرلىك ءىس جاساپ جاتقان باتىرلارىمىز – مۇعالىمدەر. قاشىقتان وقىتۋ فورماتىنا تەز كوشۋ وڭاي شارۋا ەمەس. وسى رەتتە مۇعالىمدەر قىرۋار جۇمىس اتقارعانىن اتاپ وتكەن ءجون», دەدى قازاقستانداعى بۇۇ بالالار قورىنىڭ وكىلى.
