الماتى قالاسىنا جۇمىس ساپارى اياسىندا قازاقستان رەسپۋبليكاسى پرەمەر-ءمينيسترىنىڭ ورىنباسارى ەرالى توعجانوۆ بيىل قازان ايىندا پايدالانۋعا بەرىلگەن قالالىق كلينيكالىق بالالار ينفەكتسيالىق اۋرۋحاناسىنىڭ مودۋلدىك فيليالىنا باردى.
مودۋلدىك اۋرۋحانانىڭ جۇمىسى مىسالى نەگىزىندە ۆيتسە-پرەمەر مەگاپوليستە اۋرۋدى باسقارۋ مودەلىنىڭ ىسكە اسىرىلۋىمەن تانىستى.
الماتى قالاسى اكىمىنىڭ ورىنباسارى ەرجان باباقۇماروۆ COVID-19 جاعدايىندا جۇمىس ىستەۋ ءۇشىن دەنساۋلىق ساقتاۋ جۇيەسى ينفراقۇرىلىمىنىڭ دايىندىعى تۋرالى حابارلادى. الماتىدا بۇگىندە 7 011 توسەك-ورىنعا ارنالعان 23 ستاتسيونار, 74 ەمحانا جۇمىس ىستەيدى, ولاردىڭ بازاسىندا پاتسيەنتتەردى كوشپەلى (جىلجىمالى تۇردە) مونيتورينگتەۋ ءۇشىن 298 ءموبيلدى بريگادا جۇمىس ىستەيدى, سونداي-اق جەدەل مەديتسينالىق جاردەم جۇمىسى مەن ناۋقاستاردى باعىتتاۋ جاڭا الگوريتمدەرگە اۋىستىرىلدى.
سونىمەن قاتار, كلينيكالاردىڭ ماتەريالدىق-تەحنيكالىق بازاسى نىعايتىلدى. الماتى قالاسى قوعامدىق دەنساۋلىق باسقارماسى باسشىسىنىڭ ورىنباسارى جانار مادەەۆانىڭ ايتۋىنشا, ۇيىمداردى مەديتسينالىق جابدىقپەن جابدىقتاۋدى جاڭعىرتۋ باعدارلاماسى اياسىندا 74 ستاتسيونار مەن كلينيكا ءۇشىن 4200-دەن استام جابدىق ساتىپ الىندى. سونداي-اق, ءبىرىنشى ەشەلونداعى ستاتسيونارلاردى مەديتسينالىق گازداردىڭ, ونىڭ ىشىندە وتتەگىنىڭ ورتالىقتاندىرىلعان جۇيەسىمەن قامتاماسىز ەتۋ جونىندەگى جالپىقالالىق باعدارلاما ىسكە اسىرىلۋدا. قالانىڭ مەديتسينالىق ۇيىمدارىنىڭ كارىز سۋلارىنىڭ بيولوگيالىق قاۋىپسىزدىك رەجيمى ەنگىزىلدى. مەديتسينالىق قالدىقتاردى كادەگە جاراتۋ باقىلاۋى كۇشەيتىلدى.
ۆيتسە-پرەمەرگە جاڭا مودۋلدىك ينفەكتسيالىق ستاتسيونار 300 توسەككە ەسەپتەلگەندىگى باياندالدى. الماتى قالاسىنىڭ ينفەكتسيالىق بالالار اۋرۋحاناسىنىڭ باس دارىگەرى ەرجان سەرالين ستاتسيوناردا بارلىعى 320 مەديتسينا قىزمەتكەرى جۇمىس ىستەيتىنىن حابارلادى. 8 بولىمشە, ونىڭ ىشىندە بوكستالعان پالاتالارى بار 2 بلوك قاراستىرىلعان. جانساقتاۋ بولىمىندە-30 توسەك, پتر-زەرتحاناسى بار بولىمشە. سونىمەن قاتار, ءار پالاتادا ىلعالداندىرىلعان وتتەگى بار (16 توننا سۇيىق وتتەگى, 8 توننادان قۇيىلعانى تۇر). جانساقتاۋ جانە قابىلداۋ بولىمشەسىندە گازدىڭ 3 ءتۇرى جۇرگىزىلگەن.
ءوز كەزەگىندە "رەسپۋبليكالىق ەلەكتروندىق دەنساۋلىق ساقتاۋ ورتالىعى" شجق رمك الماتى قالالىق فيليالىنىڭ ديرەكتورى گۇلنار ىسقاقوۆا جەدەل ارەكەت ەتۋ جانە باسقارۋ ءۇشىن قالاداعى ەپيدەميالىق جاعدايعا ونلاين مونيتورينگ جۇرگىزۋگە باعىتتالعان تسيفرلىق اكىمشىلەندىرۋدىڭ جاڭا قۇرالدارىن ۇسىندى. ولاردىڭ اراسىندا - موبيلدىك بايلانىس وپەراتورلارىنىڭ يەسىزدەندىرىلگەن دەرەكتەرى نەگىزىندە كارانتين رەجيمىن تالداۋ جۇيەسى, جەدەل جاردەم ماشينالارىنىڭ شاقىرۋلارىن تالداۋ جۇيەسى, دەنساۋلىق ساقتاۋ وبەكتىلەرىن وقشاۋلاۋدى تالداۋ جانە امسك-ءتىڭ جاقىن جەردەگى قولجەتىمدىلىگىن ايقىنداۋ جۇيەسى, سونداي-اق قالالىق ستاتسيونارلار ءۇشىن تىكەلەي قولجەتىمدىلىگى بار كت -, مرت -, رەنتگەن-كەسىندەرىنىڭ بىرىڭعاي بانكى بار.
نىساندى ارالاپ شىققان قر پرەمەر-ءمينيسترىنىڭ ورىنباسارى ەرالى توعجانوۆ تاۋەكەل توبىنداعى ادامدارمەن جۇمىس جەكە جۇرگىزىلۋى ءتيىس ەكەنىن اتاپ ءوتتى. ولاردى اۋرۋحاناعا جاتقىزۋ ءبىرىنشى كەزەكتە جۇزەگە اسىرىلادى. سونىمەن قاتار, تەستىلەۋ جانە ۆاكتسيناتسيا ماسەلەلەرىنە نازار اۋدارىلدى. اۋرۋحانانىڭ مودۋلدىك فيليالىنىڭ اۋماعىندا زەرتحانا بولىمشەسى بار, وندا COVID-19-عا 2 مىڭعا دەيىن پتر زەرتتەۋ جۇزەگە اسىرىلادى. 5 مىڭعا دەيىن ۇلعايتۋ جوسپارلانۋدا.
ەرالى توعجانوۆ جۇمىس ساپارى اياسىندا قازاقستاندىق ۆاكتسينانىڭ كلينيكالىق زەرتتەۋلەرىنىڭ I كەزەڭى اياقتالعانىن اتاپ ءوتتى. ءوز كەزەگىندە, زەرتتەۋدىڭ II كەزەڭى بويىنشا ارالىق ەسەپكە سايكەس ۆاكتسينا جوعارى تيىمدىلىكتى كورسەتتى.
قازىرگى ۋاقىتتا قر ءبىلىم مينيسترلىگىنىڭ بيولوگيالىق قاۋىپسىزدىك پروبلەمالارىنىڭ عىلىمي-زەرتتەۋ ينستيتۋتى قر دەنساۋلىق ساقتاۋ مينيسترلىگىمەن بىرلەسىپ زەرتتەۋدىڭ III كەزەڭى ءۇشىن دايىندىق جۇمىستارىنا كىرىستى.
