ەمدەلىپ شىققان ناۋقاستاردا وڭ وزگەرىستەر بايقالادى. ەكى تاۋلىك ىشىندە 8 جەلتوقسان مەن 9 جەلتوقسان ارالىعىندا اۋرۋحانادان 418 ادام شىعارىلدى.
ەپيدەميولوگتاردىڭ ايتۋىنشا, قوستانايلىقتار كارانتين رەجىمىن قاتاڭ ساقتاپ وتىر. ەگەر بۇرىن مونيتورينگتىك توپ كۇنىنە كارانتيندىك جانە ەپيدەمياعا قارسى تالاپتاردىڭ 50-گە جۋىق بۇزۋشىلىقتى انىقتاسا, بۇگىندە بۇل سان بىرنەشە ەسە تومەندەگەن. ماسەلەن, 8 جەلتوقسان مەن 9 جەلتوقسان ارالىعىندا مونيتورينگتىك توپپەن 117 وبەكت تەكسەرىلدى, ولاردىڭ تەك 5-ىندە عانا بۇزۋشىلىقتار انىقتالدى.
سونىمەن قاتار, قوستاناي, رۋدنىي, جىتىقارا قالالاردىڭ پەريمەترى بويىنشا ورنالاسقان سانيتاريالىق بەكەتتەر الىنىپ تاستالدى. بۇرىن توقتاتىلعان وبەكتىلەردىڭ قىزمەتى قايتا جانداندى. ەگەر قوستاناي وبلىسىنىڭ تۇرعىندارى سانيتاريالىق تالاپتارعا جاۋاپكەرشىلىكپەن قاراۋدى ودان ءارى جالعاستىراتىن بولسا, وندا ءومىردىڭ ۇيرەنشىكتى قالپىنا تەز ورالادى.
