"گاز جانە گازبەن جابدىقتاۋ تۋرالى" تالاپقا سايكەس ەكىنشى قاباتتان بيىكتە گاز باللوندارىن پايدالانۋعا بولمايدى. بىراق, امالدىڭ جوقتىعىنان تۇرعىندار تالاپتى بۇزۋعا ءماجبۇر. گاز قۇرىلعىلارىنىڭ قاۋىپسىزدىگىنە جاۋاپ بەرەتىن قۇزىرلى مەكەمە – ەنەرگەتيكا باسقارماسىنداعىلار مۇنداي تۇرعىن ۇيلەردىڭ سانىن تاپ باسىپ ايتا المايدى. سەبەبى ونىڭ ەسەبىن جۇرگىزىپ وتىرعان ەشكىم جوق.
قازىر 240 گاز تاراتۋ قوندىرعىسىنىڭ 99-ى جۇمىس ىستەمەيدى. مىنە وسىنىڭ بارلىعىندا گاز باللوندارىن پايدالانىپ وتىرعاندارى انىق.
ء"بىر كەزدە يەسىز قالعان قۇبىرلار بولاتىن. ءبىز قالپىنا كەلتىرىپ, قۇجاتتارىن دايىنداپ, ادىلەت ورگاندارىندا تىركەپ, مەملەكەتتىك ساتىپ الۋ ءراسىمىن دايىنداۋدامىز", – دەيدى كوكشەتاۋ قالاسى اكىمىنىڭ ورىنباسارى ەربول تولەۋوۆ.
جەرگىلىكتى بيلىك قامدانعانىمەن, تەندەردىڭ ءبىرىنشى كەزەڭىنە بىردە ءبىر ۇمىتكەر قاتىسپاعان. تاياۋدا مەملەكەتتىك ساتىپ الۋ ءراسىمى قايتادان وتكىزىلمەك. ونىڭ وزىندە دە مەردىگەر انىقتالسا عانا قاراۋسىز قالعان گاز قۇبىرلارى جوندەلمەك. وعان شەيىن قانشاما قالا تۇرعىنى قاۋىپتى جاعدايدا كۇن كەشەدى.
