ىنتىماقتاستىقتىڭ ماقساتى – سىبايلاس جەمقورلىققا قارسى ساياساتتى ىسكە اسىرۋ, سىبايلاس جەمقورلىققا قارسى ءىس-قيمىل بويىنشا قابىلداناتىن شارالاردىڭ تيىمدىلىگىن ارتتىرۋعا, پاراساتتىلىق يدەولوگياسىن ىلگەرىلەتۋ, سىبايلاس جەمقورلىق قۇقىق بۇزۋشىلىقتار جاساۋعا ىقپال ەتەتىن سەبەپتەر مەن جاعدايلاردى جويۋعا باعىتتالعان ءىس-قيمىلداردى ازىرلەۋ جانە ىسكە اسىرۋ.
ا.شپەكباەۆ اتاپ وتكەندەي, «سىبايلاس جەمقورلىققا قارسى قىزمەتكە قوعامدى كەڭىنەن تارتۋ ەل باسشىلىعى مەن اگەنتتىكتىڭ نەگىزگى باسىمدىعى بولىپ وتىر.
بۇل – ازاماتتاردىڭ تالاپتارىنا جانە جالپى قابىلدانعان حالىقارالىق ستاندارتتارعا جاۋاپ بەرەتىن قازىرگى زامانعى سىبايلاس جەمقورلىققا قارسى ساياساتتىڭ نەگىزگى العىشارتى. جەمقورلىق – ىندەت, ونى جويۋ بارىمىزگە ورتاق مىندەت».
سىبايلاس جەمقورلىققا قارسى قىزمەت بۇگىندە ازاماتتىق قوعاممەن سىندارلى ارىپتەستىكتىڭ ۇزدىك تاجىريبەسىن كورسەتىپ وتىر. بۇعان «ادالدىق الاڭى», ارنايى مونيتورينگتىك توپتار, اقپاراتتىق-اعارتۋ شتابتارى, «ادال كومەك» جوباسى مەن جاستاردىڭ سىبايلاس جەمقورلىققا قارسى قوزعالىستارى سياقتى سىبايلاس جەمقورلىققا قارسى جوبالارعا تارتىلعان 100 مىڭعا جۋىق قوعام وكىلدەرى – ەرىكتىلەردىڭ قولداۋى دالەل بولدى.
ءوز كەزەگىندە يسلامبەك سالجانوۆ: «سىبايلاس جەمقورلىق ءبىزدىڭ مورالدىق نەگىزدەرىمىزگە كەرى اسەرىن تيگىزىپ, الەۋمەتتىك ادىلەتتىلىگىمىزگە نۇقسان كەلتىرەتىن جانە ەلىمىزدىڭ الەۋمەتتىك-ەكونوميكالىق دامۋىن تەجەيتىن قوعام دەرتى. الەمدىك تاجىريبە كورسەتىپ وتىرعانداي, سىبايلاس جەمقورلىقپەن كۇرەسۋدىڭ نەگىزى سىبايلاس جەمقورلىق ورىن الىپ جاتقان وقيعالارعا ازاماتتاردىڭ سالعىرت قاراماۋىندا», – دەدى.
سونداي-اق, سىبايلاس جەمقورلىقتى جويۋ جولىندا ءار قازاقستاندىقتىڭ قوسقان ۇلەسىنىڭ ماڭىزدىلىعىن اتاپ ءوتتى.
شارا سوڭىندا قاتىسۋشىلار بارشا ازاماتتى ەلىمىزدىڭ ءال-اۋقاتىن كوتەرىپ, گۇلدەندىرۋ ماقساتىندا سىبايلاس جەمقورلىقپەن بىرگە كۇرەسۋگە شاقىردى.
