تۋريزم • 09 جەلتوقسان، 2020

ەرالى توعجانوۆ الماتىداعى تۋريستىك نىسانداردى ارالادى

15 رەت كورسەتىلدى

بۇگىن قازاقستان رەسپۋبليكاسى پرەمەر-ءمينيسترىنىڭ ورىنباسارى ەرالى توعجانوۆ جۇمىس ساپارىمەن الماتى قالاسىنىڭ تۋريستىك وبەكتىلەرىنە باردى. ساپار اياسىندا مادەنيەت جانە سپورت مينيسترلىگىنىڭ، الماتى قالاسى اكىمدىگىنىڭ، Kazakh Tourism ۇلتتىق كومپانياسىنىڭ وكىلدەرى كاسىپكەرلەرمەن بىرگە شىمبۇلاق تاۋلى كۋرورتىندا بىرقاتار تۋريستىك جوبالاردى تانىستىردى. «Tenir» شاڭعى جانە سنوۋبورد مەكتەبى مەن سونداي-اق «SNEG» ەكو-قوناقۇيلەر جەلىسىنىڭ تۇساۋكەسەرى بولدى.

مادەنيەت جانە سپورت ۆيتسە-ءمينيسترى ءو.بيساقاەۆ «مۇنداي جوبالار وتكەن جىلى قازاقستان رەسپۋبليكاسىنىڭ پرەمەر-ءمينيسترى اسقار ءماميننىڭ باستاۋىمەن قۇرىلعان، قۇرامىنا Kazakh Tourism وكىلدەرى مەن الماتى قالاسى جانە الماتى وبلىسىنىڭ اكىمدىكتەرى ەنگەن الماتى تاۋ كلاستەرىن دامىتۋ جونىندەگى بىرلەسكەن جوبالىق كەڭسە ارقىلى جۇزەگە اسىرىلادى»، دەپ مالىمدەدى.

دەلەگاتسيا الدىمەن تاۋلى كۋرورتتىڭ ەڭ تومەن جانە ەڭ بيىك نۇكتەلەرىندە ورنالاسقان ەكى جاڭا تۋريستىك ورتالىقتا بولدى. مۇندا تۋريستەرگە كۋرورت تۋرالى، الماتى قالاسى جانە الماتى وبلىسىنىڭ تۋريستىك مۇمكىندىكتەرى، كورىكتى جەرلەرى تۋرالى، سونداي-اق ەلىمىزدىڭ نەگىزگى تۋريستىك باعىتتارى تۋرالى ەگجەي-تەگجەيلى ايتىلادى. سونىمەن قاتار، ۆيزيت-ورتالىقتارىندا قاجەتتى قۇرال-جابدىقتاردى جالعا الۋعا، كادەسىيلار مەن ويىن-ساۋىق اتتراكتسيوندارىنا، بەلسەندى ءىس-شارالارعا بيلەتتەر ساتىپ الۋعا جانە تاۋ نۇسقاۋشىلارىنىڭ قىزمەتتەرىن پايدالانۋعا بولادى.

«حالىقارالىق تاجىريبەگە سايكەس، ۆيزيت ورتالىقتارى تۋريستەردى بەلگىلى ءبىر جەرمەن تانىستىرۋدىڭ العاشقى نۇكتەسى بولىپ تابىلادى، وندا كەلۋشىلەر العاشقى مينۋتتاردان باستاپ وزدەرىنە عانا ەمەس، قورشاعان ورتاعا دا قامقورلىق جاساۋ كەرەكتىگىن تۇسىنەدى. ءدال وسى تۇجىرىمدامانى باسشىلىققا الا وتىرىپ، ءبىز شىمبۇلاق تاۋلى كۋرورتىندا دا وسىعان ۇقساس ءتاسىل قولدانۋدى ۇسىندىق»، دەپ قوستى «Kazakh Tourism» ۇك باسقارما توراعاسىنىڭ ورىنباسارى ق.سادۋاقاسوۆ.

ەگەمەن

ەرالى توعجانوۆ قاتىسۋشىلاردى ۆيزيت-ورتالىقتىڭ اشىلۋىمەن قۇتتىقتاپ، اشىلعان نىسانداردىڭ ماڭىزىن اتاپ ءوتتى.

ءارى قاراي، دەلەگاتسيا كۋرورتتىڭ 3200 م بيىكتىكتە ورنالاسقان ەڭ بيىك نۇكتەسىندە، ىلە الاتاۋىنىڭ تاۋلارىمەن قورشالعان جانە الەمدەگى جەتىنشى بيىكتىكتە ورنالاسقان «تەڭىردى» ارالادى. بۇل وڭىرلەر تاۋلى ايماقتىڭ مۇمكىندەرىن كەڭەيتىپ، شەتەلدىك تۋريستەردىڭ قازاقستانعا قوسىمشا نازارىن اۋدارۋعا سەپ بولادى. كەشەننىڭ ءوزى حالىقارالىق ستاندارتتارعا سايكەس كەلەتىن جانە 30 توسەككە ارنالعان 10 ەكوۇيدەن تۇرادى.

«قازىرگى زاماناۋي وزگەرىستەر تۋريستەردى ەكولوگيالىق باعدارلانعان دەمالىس فورماتىنا كوبىرەك تارتۋدا. ەگەر مۇنداي ويىن-ساۋىقتى ادەتتەگى جايلى تۇرۋ ادىسىمەن ۇيلەستىرۋ مۇمكىن بولسا، وندا كوپتەگەن ساياحاتشىلاردىڭ ساپار شەگەتىن جەرىن تاڭداۋدا گلاممينگتەر شەشۋشى ءرول اتقارادى. ەكولوگيالىق تەحنولوگيالاردى قولدانۋدى ەسكەرە وتىرىپ، مۇنداي جوبالار بارلىعىنىڭ كوڭىلىنەن شىعۋى كەرەك»، دەيدى ينۆەستور ۆ.سارىبەكوۆ.

جۇمىس توبى سونىمەن قاتار 2021-22 جىلدارى الماتى وبلىسىنىڭ تۋريستىك قىزىعۋشىلىعى بار جەرلەردە جۇزەگە اسىرىلاتىن «S.N.E.G» قوناق ءۇي جەلىسىنىڭ جوباسىمەن تانىستى. سونىمەن بىرگە، ينۆەستور قازاقستان رەسپۋبليكاسى پرەمەر-ءمينيسترىنىڭ ورىنباسارىنا بۇگىندە قۇرىلىستىڭ ءبىرىنشى كەزەڭى ءۇش ءتۇرلى جەردە باستالاتىنىن حابارلادى.

سونىمەن قاتار، ەرالى توعجانوۆ ساپار بارىسىندا شاڭعى جانە سنوۋبورد مەكتەبىنىڭ بالالارىمەن جانە نۇسقاۋشىلارىمەن اڭگىمەلەستى. وتكەن جىلى تاۋ كۋرورتى كەشەنىندە قالالىق اكىمدىكتىڭ قولداۋىمەن 1200-دەن استام بالا اقىسىز جاتتىققان. سونداي-اق، جىل سايىن بەلسەندى دەمالىس تۇرلەرىنە، اتاپ ايتقاندا ۇزاق وتباسىلىق دەمالىستارعا قىزىعۋشىلىق ارتىپ كەلە جاتقاندىعىن اتاپ وتكەن ءجون.

ەگەمەن

مۇنىمەن قوسا، نارىقتاعى باسقا قاتىسۋشىلارمەن تاۋ شاڭعىسى كۋرورتتارىمەن، قوناق ۇيلەرمەن جانە تۋروپەراتورلارمەن جۇيەلى جۇمىس جۇرگىزىلىپ جاتقانى دا باسا ايتالدى.
«وزگە ەلدەردىڭ شەكارالارى جابىق بولۋى، ىشكى ءتۋريزمدى دامىتاتىن كەز كەلگەندىگىن دالەلدەدى. قازىر تۋريزم نارىعىنداعى ازاماتتار بىرىگۋگە كىرىستى، بۇل تۋريستىك ءونىم قول جەتىمدى بولا باستادى دەگەندى بىدىرەدى»، دەدى «شىمبۇلاق» دەمالىس ورنىنىڭ باس ديرەكتورى ر.ءابدىراحمانوۆ.

قورىتىندى بويىنشا قر پرەمەر-ءمينيسترىنىڭ ورىنباسارى ەرالى توعجانوۆ بىرىككەن جوبالىق كەڭسەنىڭ اتقارعان جۇمىسىنىڭ ماڭىزدىلىعىن اتاپ ءوتىپ، جۇزەگە اسىرىلىپ جاتقان جوبالار ءوڭىردىڭ تۋريستىك الەۋەتىن جاڭا دەڭگەيگە شىعاراتىنىنا سەنىم ءبىلدىردى.

«ۇسىنىلعان جوبالاردى قازاقستاندىق ينۆەستورلار وتە جوعارى دەڭگەيدە جۇزەگە اسىراتىنى قۋانتادى»، دەپ اتاپ ءوتتى مادەنيەت جانە سپورت ۆيتسە-ءمينيسترى ءو.بيساقاەۆ.

سوڭعى جاڭالىقتار

ەكى وڭىردە اۋا ساپاسى ناشارلايدى

ايماقتار • بۇگىن، 09:36

جەڭىسكە جەتكىزگەن «جۇمىر قىلىش»

رۋحانيات • بۇگىن، 08:18

«ناۋرىز-فيلوسوفيا» ناقىشتارى

رۋحانيات • بۇگىن، 08:17

رەيتينگتە جوعارىلادى

سپورت • بۇگىن، 08:15

شەشۋشى كەزەڭ باستالادى

سپورت • بۇگىن، 08:14

كارانتين قۇرساۋى سوگىلە باستادى

ايماقتار • بۇگىن، 08:10

زالال كولەمى – 1 ملرد تەڭگە

ەكولوگيا • بۇگىن، 08:08

ۇلاننان شىققان ۇلاعات يەسى

قوعام • بۇگىن، 08:00

قازاق ءۆالسىنىڭ كورولى

تەاتر • بۇگىن، 07:56

كوكسەرەك-عۇمىر

رۋحانيات • بۇگىن، 07:54

تەكتى تەرمەشى

رۋحانيات • بۇگىن، 07:53

ۇقساس جاڭالىقتار