الەم كۋبوگى الماتىدا

قازاق فۋتبولى ءۇشىن قادامى قۇتتى, جەڭىستەر جۇعىستى بولعاي تاعاتسىزدانا كۇتكەن ءسات تە كەلىپ جەتتى– كەشە الماتىعا اۋە كەمەسىمەن الەمدىك دەڭگەيدەگى تەڭبىل دوپ دوداسىنىڭ  باس جۇلدەسى –    ءFىFA الەم كۋبوگى اكەلىندى. قالاي دەسەك تە, جارقىن كەلەشەكتە الەمدىك ماتچتارعا قاتىسۋدان كۇدەرىن ۇزبەگەن قازاق فۋتبولى ءۇشىن بۇل جاقسى ىرىم. فۋتبولدىڭ باستى تروفەيىنىڭ قازاقستانعا كەلگەن قادامى قۇتتى بولىپ, جەڭىستەر ءبىزدىڭ جىگىتتەرگە جۇعىستى بولسا, قانەكەي. الەم كۋبوگى الماتىدا ءۇش كۇن تۇراقتايدى. الەم كۋبوگىن حالىقارالىق الماتى اۋەجايىنان كۇتىپ الۋعا اسىققان, باستى تروفەيدى قول سوزىم جەردەن تاماشالاۋعا تال­پىن­عانداردىڭ باسىم بولىگىن باق وكىلدەرى قۇرادى. جاقسى وقيعانى جارنامالاۋعا اسىققان جۋرناليس­تەر بۇيىرىندە ءFىFA  تاڭباسى مەن­مۇندالاعان ۇشاقتان  ءبىرىنشى بولىپ كۋبوكتى كۇتىپ الدى. ءوز تاريحىندا توعىز ايلىق سا­پارعا شىققان الەم كۋبوگىن قول­دى ەتىپ الماۋ شارالارى جوعارى دەڭگەيدە ۇيىمداستىرىلعانىن بۇعان دەيىن دە حابارلاعانبىز. سەبەبى, سوم التىننان قۇيىلعان,  جالپى سالماعى 6 كيلو 175 گرامم  تار­تاتىن تروفەي 1966 جىلى ان­گليادا كۋبوكتىڭ اشىق شەرۋى كەزىندە ۇرلانعانى بەلگىلى. وسى ورىن­سىز وقيعا  1983 جىلى برازي­ليا­دا قايتالانادى. العاش ان­گليا­دا قولدى بولعان باس جۇلدە تا­بىلىپ, يەلەرىنە قايتارىلسا, وكى­نىشكە وراي, ەكىنشى جولى كۋبوك ءىزىم-قايىم جوعالادى. – كۋبوكتى ۇدايى ءFىFA-نىڭ ارناۋلى كۇزەت قىزمەتىنىڭ ادام­دارى الىپ جۇرەدى. ونىڭ قازاق­ستان­داعى قاۋىپسىزدىگىن قامتاماسىز ەتۋ ءۇشىن ءبىز دە قوسىمشا كۇزەت اگەنتتىگىنىڭ قىزمەتكەرلەرىن جال­دا­دىق. سول سياقتى كۋبوكتىڭ 86 مەملەكەتتەگى ساپارى تۇگەلدەي قاۋىپسىزدىك شارالارىمەن قامتاما­سىز ەتىلگەن, – دەيدى جوبانىڭ ءۇي­لەستىرۋشىسى ارىستانبەك نۇرماحا­نوۆ. سونىمەن, جۇمادا جەتكەن كۋ­بوك الماتىداعى “ينتەركونتينەن­تال” قوناقۇيىندە تۇنەپ, سەنبى كۇنى  الدىن الا جاسالىنعان ءتىزىم­گە كىرگەن كوپشىلىك نازارىنا ۇسى­نىلادى. ونداي تاڭداۋلىلاردىڭ قاتارىندا – بالالار ۇيلەرىنىڭ تاربيەلەنۋشىلەرى, “بىلعارى دوپ” جالپىۇلتتىق بالالار مەن جاس­وسپىرىمدەر فۋتبولدىق تۋرنيرلەرى­نىڭ جەڭىمپازدارى, ۇكىمەتتتىك ەمەس ۇيىمداردىڭ مۇشەلەرى بار. ال جەكسەنبى كۇنى الەم كۋ­بو­گىن “Coca Cola” كومپانياسىنىڭ الماتىداعى زاۋىتىندا 5 مىڭداي ادام قول سوزىم جەردەن تاماشا­لاپ, سۋرەتكە تۇسە الادى دەپ كۇتىلۋ­دە. قازىرگە ساتىلعان بيلەتتەر سانى وسىنداي. باستى تروفەيدىڭ كوشىرمەسىن ەمەس, ءداپ ءوزىن كورۋدىڭ اسەرى عاجايىپ. مۇنداي سيرەك ءسات­تەر ءبىزدىڭ فۋتبول جانكۇيەرلەرىنە ايتا-ايتا جۇرەرلىكتەي قۇلشىنىس­تى قۋانىش سىيلارى ءسوزسىز. دۇنيەجۇزىلىك فۋتبول دوداسى­نىڭ ەڭ  باستى جۇلدەسىنىڭ  قازاق­ستانعا ات باسىن تىرەۋگە “Coca Cola” كومپانياسى ىقپال ەتىپ وتىر­عانىنان وقىرمان حاباردار. اتالمىش كومپانيا 60 جىلدان بەرى الەمدىك تەڭبىل دوپ دودا­لارىندا جارناما جاساپ قانا قوي­ماي, اۋەسقوي فۋتبولدان باستاپ بار­لىق دەڭگەيدە وتەتىن جارىس­تاردىڭ باستى دەمەۋشىسى بولىپ تابىلادى. ال ءFىFA-نىڭ شتاب-پاتەرىنەن باستالعان الەم كۋبوگىنىڭ بۇل جولعى ساياحاتى 134 017 شاقى­رىم­عا سوزىلىپ, جەر شارىن ءۇش رەت اينالىپ شىعۋعا بولاتىنداي ءوز تاريحىنداعى  ەڭ الىس ساپارعا شىعىپ وتىر. سونىمەن ءFىFA الەم كۋبوگى­نىڭ تۇپنۇسقاسى كەزەكتى رەت الدا وڭتۇستىك افريكانىڭ يوحاننەس­بۋرگ قالاسىنداعى “Soccer ءCىty” ستاديونىندا وتكەن دودادا جەڭىپ شىققان ەلدىڭ قۇراماسىنا تاپ­سىرىلعانعا دەيىن تاعى بىرقاتار مەملەكەتتەردى ارالايدى. كۋبوك قازاقستاننان كەيىن وڭتۇستىك كورەياعا اتتانادى. فۋتبول دەسە ىشكەن اسىن جەرگە قوياتىن جانكۇيەر تابانىنا ەكى قابات مالاحيت سالىنعان تروفەيدىڭ تۇبىنە 1974 جىلدان بەرى فۋت­بول­دىڭ الەم كۋبوگىنا يە بولعان ەلدەردىڭ اتتارى مەن جىلدارى ويىپ جازىلعانىن بىلەدى. ال بيىل اقتىق سىنعا جولداما العان 32 كوماندا تۇڭعىش رەت افريكا قۇرلىعىندا باس تروفەي ءۇشىن بارلارىن سالاتىن بولادى. ايناش ەسالي. الماتى.