قىزمەتتىڭ مىندەتى وتباسىلىق قۇندىلىقتار مەن مورالدىق-پسيحولوگيالىق احۋالدى نىعايتۋ, اسكەري قىزمەتشىلەر وتباسىلارىنىڭ رۋحاني-ادامگەرشىلىك پەن مادەني-تۇرمىستىق قاجەتتىلىكتەرىن زەردەلەۋ جانە قاناعاتتاندىرۋ بولىپ تابىلادى.
2020 جىل تەك اسكەري قىزمەتشىلەرگە عانا ەمەس, ولاردىڭ وتباسى مۇشەلەرىنە دە سىناق بولدى. توتەنشە جاعداي كەزىندە بارلىق گارنيزونداردا اسكەري قىزمەتشىلەردىڭ وتباسىلارىن قولداۋ جۇمىستارى ۇيىمداستىرىلدى.
اسكەري قىزمەتشىلەردىڭ بالالارىن قاشىقتىقتان وقىتۋ ماسەلەلەرى ەرەكشە نازارعا الىندى. كوپ بالالى وتباسىلاردان شىققان بالالار ءۇشىن قوسىمشا online-ساباقتار وتكىزىلدى.
ەسەپتىك كەزەڭدە 114 اسكەري قىزمەتشىنىڭ جۇبايىنىڭ جۇمىسقا ورنالاسۋىنا, 301 اسكەري قىزمەتشىگە قىزمەتتىك تۇرعىن ءۇي الۋعا جانە ولاردى كەڭەيتۋگە كومەك كورسەتىلدى, 462 قايىرىمدىلىق اكتسياسى ۇيىمداستىرىلدى. اسكەري قىزمەتشىلەردىڭ بالالارى ءۇشىن 474 ۇيىرمە مەن سپورت سەكتسياسى جۇمىس ىستەيدى. وعان 5 مىڭنان استام بالالار مەن جاسوسپىرىمدەر قاتىسۋدا.
ونلاين-فورماتتا وتكەن جيىن بارىسىندا پسيحولوگتاردىڭ جۇمىسىن جەتىلدىرۋ ماسەلەلەرى تالقىلاندى, تۇلعا ارالىق قاتىناستار سالاسىنداعى ساراپشىمەن شەبەرلىك سىنىبى مەن ترەنينگ وتكىزىلدى. شارا ۇزدىك قىزمەت باسشىلارىن ماراپاتتاۋمەن اياقتالدى.
"مەن قىزمەت اتىنان قورعانىس مينيسترلىگىنىڭ باسشىلىعىنا ءبىزدىڭ جۇمىسىمىزعا بەرگەن جوعارى باعاسى ءۇشىن العىس ايتقىم كەلەدى. بارشاڭىزعا اشىق اسپان, جاقسىلىق تىلەيمىن", دەپ تىل باستىعى جانە قارۋ-جاراق باسقارماسىنا قاراستى اسكەري قىزمەتشىلەردىڭ وتباسى مۇشەلەرىمەن جۇمىس جونىندەگى باسشىنىڭ كومەكشىسى سۆەتلانا كارتاۆتسەۆا العان اسەرىمەن ءبولىستى.
