ايماقتار • 09 جەلتوقسان، 2020

تۇركىستاندا جاڭا ورتالىق اشىلدى

32 رەت كورسەتىلدى

تۇركىستان قالاسىندا "پاراساتتىلىق ورتالىعى" اشىلدى. جوبا وبلىستىڭ سىبايلاس جەمقورلىققا قارسى قىزمەت دەپارتامەنتى جانە تۇركىستان قالاسىنىڭ اكىمدىگىنىڭ باستاماسىمەن جۇزەگە استى، دەپ حابارلايدى Egemen.kz وبلىس اكىمدىگىنىڭ ءباسپاسوز قىزمەتىنە سىلتەمە جاساپ.

ورتالىقتىڭ اشىلۋ راسىمىنە وبلىس اكىمى ومىرزاق شوكەەۆ، تۇركىستان وبلىسى بويىنشا سىبايلاس جەمقورلىققا قارسى قىزمەت دەپارتامەنتىنىڭ باسشىسى حاكيم كوشقاليەۆ قاتىستى.

ورتالىقتىڭ باستى ماقساتى – حالىقتىڭ وزەكتى ماسەلەلەرىن شەشۋ بويىنشا شۇعىل ارەكەت ەتۋ جانە ازاماتتاردىڭ قۇقىعىن جۇزەگە اسىرۋدا مەملەكەتتىك ورگانداردىڭ ءوزارا بىرلەسە ارەكەتتەسۋىن قامتاماسىز ەتۋ.

"قازىرگى ۋاقىتتا "ادالدىق الاڭى" جوباسى اياسىندا وبلىستا مەملەكەتتىك قىزمەتتەردى الۋ بارىسىندا قولايلى جاعدايدى قامتاماسىز ەتەتىن، سونىمەن قاتار اكىمشىلىك كەدەرگىلەر مەن بيۋراكراتيالىق سوزبالاڭدى بولدىرماۋعا باعىتتالعان مەملەكەتتىك ورگانداردىڭ "سەرۆيستىك" ۇلگىگە كوشۋ پروتسەسى قارقىندى جۇرگىزىلۋدە"، - دەلىنگەن اكىمدىك تاراتقان اقپاراتتا. 

تۇركىستان وبلىسىنىڭ اكىمى ورتالىقتىڭ اشىلۋ ءراسىمى بارىسىندا تاعى ءبىر ەلەۋلى وقيعانىڭ ءوتىپ جاتقانىن باسا ايتتى. 

"تۇركىستاندا كوپتەگەن عيماراتتار اشىلىپ جاتىر. بىراق بۇل عيماراتتىڭ ورنى بولەك. ادالدىق ورتالىعىنا حالىق كەلىپ ءوز ماسەلەلەرىن ايتىپ، ءتيىستى قۇقىقتىق كەڭەستەر الادى. بۇل – ەلباسىمىزدىڭ تالابى، پرەزيدەنتىمىزدىڭ "حالىق ۇنىنە قۇلاق اساتىن مەملەكەت" تۇجىرىمداماسىنىڭ جۇزەگە اسۋى. بۇل مەملەكەتتىك قىزمەتتەردىڭ اشىقتىعىنا جاڭا قادام بولماق. سوندىقتان ءبىز ءۇشىن بۇل ۇلكەن وقيعا دەپ ويلايمىن"، - دەدى ومىرزاق شوكەەۆ.

ايتا كەتەيىك، ورتالىقتىڭ قىزمەتىنە ازاماتتاردىڭ ماسەلەلەرىن جەدەل ءارى بىرلەسە شەشۋ، وتىنىشتەردى قابىلداۋ، تەگىن قۇقىقتىق كەڭەس كورسەتۋ كىرەدى. سونداي-اق، حالىقتىڭ قۇقىقتىق ساۋاتتىلىعىن ارتتىرۋ بويىنشا كەشەندى شارالار قابىلداناتىن بولادى.   

سوڭعى جاڭالىقتار

اراق ساتىلمايتىن اۋدان

ايماقتار • كەشە

ۇقساس جاڭالىقتار