اتاپ ايتقاندا, ەندى حقو مەنەدجەرىنىڭ زاڭدى تۇلعالاردىڭ كەڭسەسىنە بارىپ, مەملەكەتتىك قىزمەتتەردى كورسەتۋ مۇمكىندىگى قاراستىرىلعان.
بۇل جاڭاشىلدىقتى پايدالانۋ ءۇشىن مەملەكەتتىك كورپوراتسيا مەن زاڭدى تۇلعا اراسىندا بەلگىلى ءبىر كەلىسىمشارت جاسالۋى ءتيىس. حقو مامانى زاڭدى تۇلعالاردىڭ كەرەكتى انىقتامالارى مەن قىزمەت ەتۋىنە قاجەتتى قۇجاتتار مەن وتىنىشتەردى راسىمدەۋگە كومەكتەسەدى. وسىلايشا ءىرى بيزنەس وكىلدەرى, ەكىنشى دەڭگەيلى بانكتەر, قۇرىلىس كومپانيالارى سياقتى مەكەمەلەر حالىققا قىزمەت كورسەتۋ ورتالىعىنا بارماي-اق, مەملەكەتتىك قىزمەتتەردى الا الاتىنبولادى.
«جەكە مەنەدجەر – كليەنتكە ساپالى قىزمەت كورسەتىپ, ءتيىمدى ۇسىنىس جاسايتىن مامان. ول كومپانيانىڭ مەملەكەتتىك قىزمەتتەرگە كەتەتىن ۋاقىتىن ۇنەمدەيدى. بۇل حقو-داعى قىزمەتكەرلەردىڭ جۇكتەمەسىن دە ازايتىپ, جەكە تۇلعالارعا مەملەكەتتىك قىزمەت كورسەتۋ ءۇردىسىن ىڭعايلى ەتە تۇسەدى. ءبىز ءاردايىم قىزمەت كورسەتۋ پروتسەسىن جاقسارتۋعا تىرىسامىز», – دەيدى مەملەكەتتىك كورپوراتسيانىڭ باسقارما ءتورايىمى اسەمگۇل بالتاشەۆا.
بۇگىندە مەملەكەتتىك كورپوراتسيا كليەنت قالاۋىنا باعدارلانعان ءىس-شارالاردى قاراستىرىپ جاتىر. وسى رەتتە, جاڭادان كولىك ساتىپ العان ازاماتتار حقو-عا بارماي-اق, كولىكتىڭ تەحنيكالىق پاسپورتى مەن مەملەكەتتىك تىركەۋ ءنومىرى بەلگىسىن ۇيلەرىنە جەتكىزىپ بەرۋ قىزمەتىن پايدالانا الادى. ول ءۇشىن كولىكتى ونلاين راسىمدەگەننەن كەيىن پورتالداعى «كولىك جانە كوممۋنيكاتسيالار» بولىمىنەن ءتيىستى قىزمەتتى تاڭداۋ قاجەت. قىزمەت اقىسى تولەنگەننەن كەيىن, اۆتوحقو كۋرەرى قۇجات پەن تىركەۋ ءنومىرىن ءبىر كۇن ىشىندە جەتكىزىپ بەرەدى.
كەلەسى جىلدان باستاپ قازاقستاندىقتار ءدال وسىلايشا ۇيلەرىنە جەكە كۋالىك, بالانىڭ تۋ تۋرالى كۋالىگى سياقتى قۇجاتتاردى جەتكىزۋگە تاپسىرىس بەرە الاتىن بولادى. بۇگىندە ول ءۇشىن ارنايى سەرۆيستەردى ىسكە قوسۋ جۇمىسى پىسىقتالىپ جاتىر.
