باعدارلاما ورتالىق ازيا مەن اۋعانستاندا ايەلدەر مەن قىزدارعا قاتىستى جىنىستىق جانە گەندەرلىك زورلىق-زومبىلىقتى توقتاتۋ بويىنشا كۇرەستى نىعايتۋعا باعىتتالعان, سونىمەن بىرگە ايەلدەر مەن قىزداردىڭ دامۋىنا كەدەرگى كەلتىرەتىن توسقاۋىلدارعا باسا نازار اۋدارادى.
بۇۇ باس حاتشىسىنىڭ ورىنباسارى امينا موحاممەد باستامانىڭ رەسمي تۇساۋكەسەرىندە سويلەگەن سوزىندە «COVID-19 تارالعاننان بەرى بۇكىل الەمدە گەندەرلىك جانە تۇرمىستىق زورلىق-زومبىلىق كۇشەيگەنىن, ورتالىق ازيا مەن اۋعانستان ەلدەرى دە بۇل ماسەلەدەن تىس قالمايتىنىن» اتاپ ءوتتى.
ورتالىق ازيا مەن اۋعانستانداعى Spotlight باعدارلاماسىنىڭ تۇپكى ماقساتى – ۇلتتىق مۇددەلى تاراپتار مەن ورتالىق ازيانىڭ بەس ەلى مەن اۋعانستانداعى 35 ميلليونعا جۋىق ايەلدەر مەن قىزداردىڭ قولداۋىمەن جىنىستىق جانە گەندەرلىك زورلىق-زومبىلىققا جانە زياندى ارەكەتتەرگە مۇلدەم توزبەۋشىلىك ورتاسىن قۇرۋ.
قازاقستانداعى ەۋروپالىق وداق ەلشىسى سۆەن-ولوۆ كارلسسون مىرزا: «مەن Spotlight باستاماسى ايماقتاعى ۇكىمەتتەر, ينستيتۋتتار مەن ازاماتتىق قوعام ۇيىمدارىنىڭ باسشىلىعى مەن بەلسەندى قولداۋىنان پايدا كورەتىنىنە سەنىمدىمىن. ۇكىمەتتەر مەن مەكەمەلەر گەندەرلىك تەڭدىكتى ىلگەرىلەتۋگە ۇمتىلاتىندىعى قۋانتادى. سوندىقتان ءبىز ءتيىستى زاڭدار مەن ساياساتتىڭ قارقىندى جۇزەگە اسىرىلۋىن كۇتەمىز».
نەگىزگى ينستيتۋتتارمەن جانە ءار ءتۇرلى سەرىكتەستەرمەن بىرگە جۇمىس ىستەي وتىرىپ, «Spotlight» باستاماسى زاڭنامانى رەفورمالاۋ, ينستيتۋتتاردى نىعايتۋ, الەۋمەتتىك نورمالار مەن كوزقاراستاردى ەڭسەرۋ, ازاماتتىق قوعام مەن ايەلدەردى اياققا تۇرعىزۋ سياقتى سالالاردا وزىق تاجىريبەنى دامىتۋعا جانە وداقتاستىق قۇرۋعا باعىتتالادى. بۇل شارالار ساندىق ساۋاتتىلىققا وقىتۋدى جانە ايەلدەر مەن قىزداردىڭ قۇقىقتارىن قۇرمەتتەۋ مەن قورعاۋعا مۇددەلى تاراپتاردى تارتۋدى قامتيدى. باستامانى قازاقستانداعى بۇۇ تۇراقتى ۇيلەستىرۋشىسى كەڭسەسى قاداعالايدى جانە بۇۇ دامۋ باعدارلاماسى (بۇۇدب), بۇۇ حالىقتى قونىستاندىرۋ قورى (يۋنفپا) جانە بۇۇ-ايەلدەر اگەنتتىكتەرى ارقىلى جۇزەگە اسىرىلادى.
سەرىكتەستەر مەن ءىس-شارا قوناقتارىنا ارناعان سوزىندە قازاقستانداعى بۇۇ تۇراقتى ۇيلەستىرۋشىسى ميكاەلا فريبەرگ-ستوري حانىم: «Spotlight باستاماسى بىرىككەن ۇلتتار ۇيىمى ءۇشىن جەكەلەگەن ادامداردىڭ, وتباسىلاردىڭ, قاۋىمداستىقتاردىڭ دەنساۋلىعى مەن تۇتاستىعىنا قاتەر توندىرەتىن زورلىق-زومبىلىق ىندەتىمەن كۇرەستە ەلدەردى قولداۋ جانە وسى وڭىردەگى تۇراقتى دامۋ ماقساتتارىنا قول جەتكىزۋ جونىندەگى جاھاندىق كۇش-جىگەر ءۇشىن ماڭىزدى تۇعىرنامانى قامتاماسىز ەتەدى», - دەپ اتاپ كورسەتتى.
ءىس-شارا بارىسىندا قاتىسۋشىلار ايەلدەر مەن قىزدارعا قاتىستى زورلىق-زومبىلىق ماسەلەلەرىن شەشۋمەن بايلانىستى ءوز جۇمىستارى مەن وسى توڭىرەكتەگى ماسەلەلەردى تالقىلادى. بۇۇ, ەو, ۇكىمەتتەر, باسشىلار, ايەلدەر مەن ەرلەر, قىزدار مەن ۇلداردى قامتيتىن بارلىق مۇددەلى تاراپتار قاتىسۋى كەرەك جانە زورلىق-زومبىلىقتىڭ كەز-كەلگەن تۇرىمەن كۇرەسۋ ءۇشىن مىنەز-ق ۇلىق پەن ويلاۋدى وزگەرتۋ كەرەك دەگەن ۇجىمدىق كەلىسىم جاسالدى.
Spotlight باستاماسى ۇكىمەت, قىزمەت كورسەتۋشىلەر, ازاماتتىق قوعام جانە باسقا دا نەگىزگى تاراپتار ارقىلى ارەكەت ەتەتىن ايەلدەر مەن قىزدارعا قاتىستى زورلىق-زومبىلىق ماسەلەسىن شەشۋگە كوپ سالالى, ۇيلەستىرىلگەن جانە تۇتاس كوزقاراستى قولدانۋعا مۇمكىندىك بەرەدى. بەيجىڭ دەكلاراتسياسى مەن ءىس-قيمىل تۇعىرناماسىنىڭ 25 جىلدىعىندا, سونداي-اق بىرىككەن ۇلتتار ۇيىمىنىڭ 75 جىلدىعىن مەرەكەلەۋدىڭ ايتۋلى جىلىندا باستاۋ العان Spotlight باعدارلاماسى ايەلدەردىڭ زورلىق-زومبىلىقسىز ءومىر ءسۇرۋ قۇقىعىن قامتاماسىز ەتۋگە مۇمكىندىك بەرەدى.
