قازاقستاندا سەگىزىنشى جەلتوقساندا كوروناۆيرۋستان توعىز ادام قايتىس بولدى, پنەۆمونيادان كوز جۇمعاندار تىركەلگەن جوق. بۇل تۋرالى دەنساۋلىق ساقتاۋ مينيسترلىگى مالىمدەدى, دەپ حابارلايدى Egemen.kz.
ءبىر تاۋلىكتە 729 ادام كوروناۆيرۋس ينفەكتسياسىن جۇقتىردى, 215 ادامنىڭ پنەۆمونيامەن اۋىراتىنى انىقتالدى.
"قازىرگى ۋاقىتتا كوروناۆيرۋس ينفەكتسياسىنان 13 986 ادام ەم قابىلداپ جاتىر, ونىڭ اراسىندا 1 003 بالا بار. ستاتسيونارلاردا 3 747 ناۋقاس جاتىر. 10 239 ادام امبۋلاتوريالىق جاعدايدا ەمدەلۋدە", - دەلىنگەن مينيسترلىك تاراتقان اقپاراتتا.
جالپى ناۋقاستاردىڭ اراسىندا 231 ادامنىڭ جاعدايى اۋىر, ىشىندە 33 ناۋقاس اسا اۋىر جاعدايدا جاتىر. 38 ناۋقاس جاساندى تىنىس الۋ اپپاراتىنا قوسىلعان.
ايتا كەتەيىك, پاندەميا باستالعالى 138 382 ادام كوروناۆيرۋس ينفەكتسياسىن جۇقتىردى, 2 105 ادام قايتىس بولدى. ءبىرىنشى تامىزدان باستاپ 43 339 ادام پنەۆمونياعا شالدىقتى, 456 ادام قايتىس بولدى.
