وبلىستىق پوليتسيا دەپارتامەنتى كريمينالدىق پوليتسيا باسقارماسىنىڭ قىزمەتكەرلەرى وسكەمەن قالاسىنىڭ اۋماعىندا ينتيمدىك قىزمەت كورسەتىپ جۇرگەن 15 ايەلدى انىقتاعان. قىلمىستىق كودەكستىڭ 449-بابى, ياعني قوعامدىق ءتارتىپتى ساقتاۋ جانە قوعامدىق قاۋىپسىزدىكتى قامتاماسىز ەتۋ جونىندەگى قىزمەت اتقارۋ قاعيدالارىن بۇزۋ بويىنشا 25 اكىمشىلىك حاتتاما تولتىرىلدى. سونداي-اق كليەنتتەرگە جەڭىل ءجۇرىستى قىزداردى ۇسىنىپ, جەڭگەتايلىقپەن اينالىسقان 60, 43 جانە 20 جاستاعى ساۋنا اكىمشىلەرى ۇستالعان.
– اتالعان فاكتى نەگىزىندە قىلمىستىق كودەكستىڭ 309-بابى, 1-بولىگى بويىنشا سوتقا دەيىنگى تەرگەۋ امالدارى باستالدى, – دەيدى وبلىستىق پوليتسيا دەپارتامەنتىنىڭ باستىعى ساعات ماديەۆ.
بۇل اتالعان فاكتىلەر از بولعانداي, جەدەل الدىن الۋ شاراسى كەزىندە جەزوكشەلىكپەن اينالىسۋعا تارتۋ جاعدايى تىركەلدى. انىقتالعانداي, 22 جاستاعى كۇدىكتى قازان ايىنىڭ باسىندا 18 جاستاعى بويجەتكەندى ينتيمدىك قىزمەت كورسەتۋگە ۇگىتتەگەن. قازىرگى ۋاقىتتا وعان قاتىستى قىلمىستىق كودەكستىڭ 308-بابى, 1-بولىگىمەن تەرگەۋ امالدارى جۇرگىزىلۋدە. دەمەك, ءتان ساتۋ جولىنا شاقىرۋدىڭ ءوزى قىلمىس.
ەستەرىڭىزدە بولسا, كۇزدىڭ كۇنى سەمەيدە ينتيم قىزمەت كورسەتكەن 16 قىز ۇستالىپ, ايىپپۇل ارقالاعان بولاتىن.
شىعىس قازاقستان وبلىسى
