ايماقتار • 08 جەلتوقسان، 2020

قىزىلوردادا ساۋدا ۇيلەرى مەن كينوتەاترلار جەكسەنبى كۇنى جۇمىس ىستەيدى

30 رەت كورسەتىلدى

بۇگىن قىزىلوردا وبلىسىنىڭ باس مەملەكەتتىك سانيتاريالىق دارىگەرى د. جاڭابەرگەنوۆا № 28 قاۋلىعا قول قويدى. جاڭا قاۋلىدا 31 قازانداعى №25 قاۋلىعا وزگەرىستەر ەنگىزىلگەن. قاۋلى 2020 جىلدىڭ 11 جەلتوقسانىنان باستاپ كۇشىنە ەنەدى، دەپ حابارلايدى Egemen.kz

مۇرات جەتپىسباەۆ

وزگەرىستەرگە ساي ەندى ساۋدا ۇيلەرى جەكسەنبى جانە مەرەكە كۇندەرى جۇمىس جاسايتىن بولدى. بۇل جونىندە قاۋلىدا بىلاي دەپ جازىلعان:

"ساۋدا-ويىن-ساۋىق ورتالىقتارىنىڭ، ساۋدا ۇيلەرىنىڭ، ساۋدا جەلىلەرى، ازىق-ت ۇلىك ەمەس جانە جابىق ازىق-ت ۇلىك بازارلارىنىڭ، ساۋدا ورتالىقتارىنىڭ جۇمىسىن كۇشەيتىلگەن سانيتاريالىق-ەپيدەمياعا قارسى، سانيتاريالىق-پروفيلاكتيكالىق ءىس-شارالاردى ساقتاي وتىرىپ، ءبىر كەلۋشىگە 4 م2 ەسەبىنەن تولتىرىلۋىن 30 %-تەن اسىرماي، رەكرەاتسيا جانە دەمالىس ايماقتارىندا ساتىپ الۋشىلاردىڭ بولۋىنا جول بەرمەي جانە بالالار ويىن الاڭدارى، ويىن ورتالىقتارىنىڭ جانە اتتراكتسيوندارىنىڭ جۇمىسىنا قاتاڭ تىيىم سالۋمەن، جۇمىس جانە سەنبى كۇندەرى ساعات 10.00-دەن 23.00-گە دەيىن جانە جەكسەنبى مەن مەرەكە كۇندەرى ساعات جۇمىس ۋاقىتى ساعات 10.00-دەن 17.00-گە دەيىن بەلگىلەنسىن. كۇشەيتىلگەن سانيتاريالىق-دەزينفەكتسيالىق، ماسكا رەجيمدەرىن قاتاڭ ساقتاي وتىرىپ، فۋدكورتتاردىڭ جۇمىسى تەك تاماقتى جەتكىزۋ قاعيداسىمەن جۇرگىزىلسىن".

سونداي-اق وسىعان دەيىن قوعامدىق تاماقتانۋ سالاسىنداعى كاسىپكەرلەردىڭ كوتەرگەن ماسەلەسى دە وڭىرلىك كەڭەس توراعاسى مەن پالاتا باسشىلىعىنىڭ جەرگىلىكتى اتقارۋشى ورگانمەن بىرلەسە اتقارعان جۇمىسى نەگىزىندە شەشىمىن تاپتى. بۇل سالاداعى نىساندار ەندى تۇنگى ساعات 23.00-گە دەيىن جۇمىسىن جالعاستىرا الادى.

سونىمەن بىرگە كينوتەاترلار دا جەكسەنبى جانە مەرەكە كۇندەرى جۇمىس ىستەيتىن بولدى.

كۇننىڭ ماڭىزدى جانە وزەكتى جاڭالىقتارىن «ەگەمەن قازاقستان» تەلەگرام كانالىنان وقىڭىز