بۇل تۋرالى وڭىرلىك كوممۋنيكاتسيالار قىزمەتى الاڭىندا وتكەن ونلاين-بريفينگ بارىسىندا الماتى قالاسى قالالىق جوسپارلاۋ جانە ۋربانيستيكا باسقارماسىنىڭ باسشىسى الماسحان احمەدجانوۆ تولىعىراق ايتىپ بەردى.
"بۇعان دەيىن الماتى اكىمى باقىتجان ساعىنتاەۆ اتاپ وتكەندەي, مەملەكەت باسشىسىنىڭ تاپسىرماسىن ورىنداۋ ماقساتىندا قالادا تۇرعىن ءۇي قۇرىلىسىنىڭ قارقىنى كارانتين مەن ەپيدەميولوگيالىق جاعدايعا قاراماستان, جوسپارلانعان دەڭگەيدە قالدى. سونىمەن قاتار, ولار وتكەن جىلعى كورسەتكىشتەردەن اسىپ ءتۇستى", دەپ مالىمدەدى ا.احمەدجانوۆ.
باسقارمانىڭ دەرەكتەرىنە سايكەس, 2020 جىلى 2 396 مىڭ شارشى مەتر تۇرعىن ءۇيدى پايدالانۋعا بەرۋ جوسپارلانعان, ونىڭ ىشىندە:
- كوممەرتسيالىق قۇرىلىس - 1 591 مىڭ شارشى مەتر نەمەسە 17 420 پاتەر;
- جەكە تۇرعىن ۇيلەر - 510 مىڭ شارشى مەتر نەمەسە 2 062 ءۇي;
- مەملەكەتتىك بيۋدجەت قاراجاتى ەسەبىنەن - 290 مىڭ شارشى مەتر نەمەسە 5 206 پاتەر;
– جاتاقحانالار - 4,6 مىڭ شارشى مەتر.
2020 جىلعى قاڭتار – قازان كەزەڭىندە پايدالانۋعا بەرگەن تۇرعىن ءۇي سانى 1 609 مىڭ شارشى مەتردى نەمەسە 12 925 پاتەردى جانە 1 722 جەكە تۇرعىن ءۇيدى قۇرادى. مەملەكەتتىك بيۋدجەت قاراجاتى ەسەبىنەن – 8,6 مىڭ شارشى مەتر نەمەسە 120 پاتەر (2019 جىلدىڭ ۇقساس كەزەڭىمەن سالىستىرعاندا 103,6% - 1 552 مىڭ م2).
2020 جىلدىڭ سوڭىنا دەيىن 785 مىڭ شارشى مەتر نەمەسە 8,5 مىڭ شارشى مەتردەن استام اۋماقتى پايدالانۋعا بەرۋ جوسپارلانۋدا, ونىڭ ىشىندە:
- كوممەرتسيالىق قۇرىلىس-421 مىڭ م2 نەمەسە 4 615 پاتەر;
- جەكە تۇرعىن ۇيلەر-83 مىڭ شارشى مەتر نەمەسە 332 ءۇي;
- مەملەكەتتىك بيۋدجەت قاراجاتى ەسەبىنەن - 281 مىڭ شارشى مەتر نەمەسە 3 849 پاتەر.سونداي-اق, اعىمداعى جىلدىڭ سوڭىنا دەيىن قوسىمشا 208,6 مىڭ شارشى مەتر نەمەسە 2 384 پاتەر مەن 56 جەكە تۇرعىن ءۇيدى ەنگىزۋ جوسپارلانعان, ونىڭ ىشىندە:
- كوممەرتسيالىق قۇرىلىس (9 تك) – 194 مىڭ شارشى مەتر نەمەسە 2 384 پاتەر;
- جەكە تۇرعىن ۇيلەر-14 مىڭ شارشى مەتر نەمەسە 56 ءۇي.
جالپى العاندا, جىل سوڭىنا قاراي 2 604,9 مىڭ شارشى مەتر نەمەسە 25 007 پاتەر جانە 2 110 جەكە تۇرعىن ءۇي پايدالانۋعا بەرىلەدى (2019 جىلعى ۇقساس كەزەڭگە قاراعاندا ءوسىم 124%).
