قازاقستان رەسپۋبليكاسىنىڭ اباي اتىنداعى ادەبيەت پەن ونەر سالاسىنداعى 2020 جىلعى مەملەكەتتىك سىيلىعىن بەرۋ تۋرالى قازاقستان رەسپۋبليكاسىنىڭ اباي اتىنداعى ادەبيەت پەن ونەر سالاسىنداعى مەملەكەتتىك سىيلىعىن بەرۋ جونىندەگى كوميسسيانىڭ ۇسىنىمدارىن قاراپ, قاۋلى ەتەمىن:
1.قازاقستان رەسپۋبليكاسىنىڭ اباي اتىنداعى ادەبيەت پەن ونەر سالاسىنداعى 2020 جىلعى مەملەكەتتىك سىيلىعى:
- ابدراحمانوۆ ساۋىتبەك ابدراحمان ۇلىنا, مادەنيەتتانۋشى – "ابىز ءابىش" زەرتتەۋى ءۇشىن;
- اقسۇڭقار سەرىككە, اقىن – "كوكەيىمدە كۇلتەگىننىڭ جازۋى" ولەڭدەر جيناعى ءۇشىن;
- ەسىم عاريفوللاعا, جازۋشى – "عۇلاما-نامە" تريلوگياسى ءۇشىن;
- جولداسبەكوۆ مىرزاتايعا, ادەبيەتتانۋشى – " ۇلى دالا ادەبيەتى" تاريحي-ادەبي زەرتتەۋلەر جيناعى ءۇشىن;
- قاناپيانوۆ باقىتجان مۇساحان ۇلىنا, اقىن – "دوستويانيە دۋشي" ولەڭدەر جيناعى ءۇشىن;
- مۇقانوۆا روزا قاجىعالىمقىزىنا, دراماتۋرگ – "ساررا" دراماتۋرگيالىق شىعارمالار جيناعى ءۇشىن;
- نۇرماعانبەتوۆ تىنىمباي نۇرماعانبەت ۇلىنا, جازۋشى – "پەرىشتەلەردىڭ ءولىمى" پروزالىق شىعارمالار جيناعى ءۇشىن بەرىلسىن.
- وسى جارلىق رەسمي جاريالانعان كۇنىنەن باستاپ قولدانىسقا ەنگىزىلەدى.
قازاقستان رەسپۋبليكاسىنىڭ
پرەزيدەنتى ق.توقاەۆ
نۇر-سۇلتان, اقوردا, 2020 جىلعى 7 جەلتوقسان
№ 466
