- اندرەي ۆالەرەۆيچ, كارانتيندىك شەكتەۋلەر جاعدايىندا جوبا وسىنداي قىسقا مەرزىمدە قالاي جۇزەگە اسىرىلدى؟ ينۆەستيتسيالىق قاراجات ناقتى نەگە باعىتتالعان, ءسىز جوبانى جۇزەگە اسىرۋدا قانداي ساتتەردى ماقتان تۇتاسىز؟
- كەز كەلگەن جوبانىڭ نەگىزىندە قارجىلاندىرۋ ماسەلەسى جاتىر. Eurasian Foods Corporation حولدينگى نەگىزگى تاۋەكەلدەردى ءوز موينىنا الدى, جابدىققا, ءتيىستى سەرۆيستىك قىزمەتتەرگە باستاپقى ينۆەستيتسيالاردى جۇزەگە اسىردى, بۇل تەز باستالۋ سەبەپتەرىنىڭ ءبىرى بولدى. جابدىق جەتكىزۋشىلەرىن تاڭداۋ ماڭىزدى فاكتور بولىپ تابىلادى. ءبىز ءسۇت سالاسىنداعى تەحنولوگيالىق كوشباسشىلارمەن جۇمىس ىستەيمىز, ولار جاۋاپتى جانە تارتىپكە باعىنادى, گرافيكتى ساقتاي وتىرىپ قىزمەت ەتەدى. ادام فاكتورى دا ءوز ءرولىن اتقاردى. زاۋىت اكىمشىلىگى شەتەلدىك مامانداردىڭ قازاقستانعا تەز جانە ۋاقتىلى كەلىپ, بارلىق قاجەتتى ماسەلەلەردى مەملەكەتتىك ورگاندارمەن كەلىسۋى ءۇشىن ۇلكەن كۇش جۇمسادى.
تارتىلعان ينۆەستيتسيالارعا كەلەتىن بولساق, زاۋىتتى مودەرنيزاتسيالاۋعا $12 ملن باعىتتالدى, بۇل – جاڭا كاسىپورىندى اشۋعا سالىناتىن ينۆەستيتسيامەن سالىستىرىلاتىن ايتارلىقتاي سوما دەسەك, اسىرا ايتقاندىعىمىز ەمەس. نەگىزىندە, ءبىز ءىس جۇزىندە جاڭا زاۋىت سالدىق, كاسىپورىنداعى نەگىزگى ينجەنەرلىك قۇرىلىمدار مەن عيماراتتاردى قوسپاعاندا, بارلىعى دەرلىك وزگەردى. ينجەنەرلىك ينفراقۇرىلىم, كوممۋنيكاتسيالار, قوسالقى جابدىقتار, ارينە, بارلىق نەگىزگى جابدىقتار جاڭارتىلدى. اينالىم قاراجاتىن قارجىلاندىرۋ دا قاجەت بولدى, دەسەك تە از دارەجەدە نولدەن باستاپ بىرنەشە تاۋەلسىز بولىمشەلەر قۇرىلدى. تەحنيكالىق جابدىقتاۋ دەڭگەيى بويىنشا Eurasian Milk – ەلىمىزدەگى ەڭ زاماناۋي ءسۇت وندىرىستەرىنىڭ ءبىرى.
بۇگىندە زاۋىتتا سارى ماي, ىرىمشىك ءوندىرىسى ىسكە قوسىلادى. ىرىمشىك ءوندىرىسى العاش رەت وسىنداي جوعارى تەحنولوگيالىق دەڭگەيدە ىسكە اسىرىلدى; ءبىز پەتروپاۆل زاۋىتىندا قازاقستاندا العاش رەت ىرىمشىك ءوندىرۋ بويىنشا جوعارى ءونىمدى جەلىنىڭ پايدا بولعانىن ماقتان تۇتامىز. ماقتانۋدىڭ تاعى ءبىر سەبەبى – ءبىز ەكولوگياعا دەگەن قامقورلىقتى ەكونوميكالىق تيىمدىلىكپەن ۇيلەستىرە الدىق. كەز-كەلگەن ىرىمشىك ءوندىرىسىنىڭ ەرەكشەلىگى بۇل ەكولوگياعا قاۋىپ توندىرۋىندە. شەشىم رەتىندە ءبىز تازارتۋدىڭ زاماناۋي ادىستەرىن قولداندىق
سونداي-اق, جاقىن ارادا شيكىزاتتى تەرەڭ وڭدەۋ جوباسىن ىسكە اسىرۋدى جانە جالپى تيىمدىلىكتى ارتتىرۋدى جوسپارلاپ وتىرمىز.
- زاۋىت قانداي ءونىم شىعارادى, ءوندىرىستىڭ دامۋىنا قاراي سۇرىپتالىمدى قالايشا كەڭەيتۋ جوسپارلانۋدا؟ Eurasian Milk كەلەسى جىلى ەل نارىعىنداعى قانداي ۇلەستى الادى دەپ كۇتىلۋدە؟
- ءبىرىنشى كەزەڭنىڭ مىندەتى – ساپالى ىرىمشىكتەر مەن سارى مايلاردىڭ تۇراقتى ءوندىرىسىن جولعا قويۋ. ءدال وسى ازىق-ت ۇلىك ساناتتارى بويىنشا قازاقستاندىق نارىق يمپورتقا وتە تاۋەلدى: وتاندىق وندىرۋشىلەردىڭ سارى ماي ساناتىنداعى ءونىمىنىڭ ۇلەسى 33%-دان, ال ىرىمشىك ساناتىندا – 5%-دان اسپايدى. زاۋىت ىسكە قوسىلعاننان كەيىن جىلىنا 50 مىڭ توننا ءسۇت وڭدەيتىن بولادى, دايىن ءونىم ءوندىرىسىنىڭ كولەمى جىلىنا 14,5 مىڭ توننانى قۇرايدى, ونىڭ 3,5 مىڭ تونناسى – ىرىمشىك ءوندىرىسى. وندىرىستىك قۋاتقا شىققان كەزدە ءسۇتتى قايتا وڭدەۋ كولەمى جىلىنا 110 مىڭ توننانى قۇرايدى.
Eurasian Milk ەڭ الدىمەن جاپپاي تۇتىنۋ ونىمدەرىن شىعارۋعا باعىت الادى, ەگەر ءبىز ىرىمشىك تۋرالى ايتاتىن بولساق, وندا بۇل رەسەيلىك توپتىڭ ىرىمشىكتەرى, «سليۆوچنىي», «سمەتانكوۆىي», «س توپليونىم مولوكوم», ياعني, ادامداردىڭ كۇن سايىن ساتىپ الاتىن ونىمدەرى. بۇل – باستى ماقسات جانە ءبىزدىڭ وسى سەگمەنتتەگى نەگىزگى باسەكەلەستەرىمىز – ۋكراينا, رەسەي جانە بەلارۋس ەلدەرىنىڭ وندىرۋشىلەر. تەوريالىق تۇرعىدان ءبىز مىسالى, كامامبەر ءوندىرىسىن يگەرسەك, فرانتسيامەن جانە شۆەيتساريامەن باسەكەلەسىپ كورە الامىز, الايدا, ەكونوميكالىق جاعدايدى, حالىقتىڭ ساتىپ الۋ قابىلەتىنىڭ دەڭگەيىن جانە باسەكەلەستىك الاڭدى وبەكتيۆتى تۇردە باعالاۋىمىز كەرەك. ءبىزدىڭ نەگىزگى تۇتىنۋشىمىز ساپالى وتاندىق ءونىمدى قول جەتىمدى باعامەن ساتىپ الا الۋى كەرەك جانە ءبىزدىڭ مىندەتىمىز – وسىنداي ءونىمدى ءوندىرۋدى قامتاماسىز ەتۋ.
تاعى ءبىر ماڭىزدى نيۋانس بۇل – شىنايى دە ءدامدى ءسۇت ونىمدەرىن شىعارۋىمىز قاجەت, ياعني ونى ادامدار كوزىن جۇمىپ-اق ولاردى تاڭداۋى كەرەك. قازاقستاندا پاتريوتيزم دەڭگەيى جوعارى, ادامدار جاڭا ونىمدەرگە قىزىعۋشىلىق تانىتادى, ءبىزدىڭ مىندەتىمىز – ولاردىڭ ۇمىتتەرىن اقتاۋ. تەحنولوگيالىق تۇرعىدان ءبىز ول ءۇشىن قاجەتتىنىڭ ءبارىن جاسادىق: ەڭ ۇزدىك جابدىقتار ساتىپ الدىق, جاڭا ءونىمنىڭ رەتسەپتۋراسىن ازىرلەۋ ءۇشىن شۆەيتساريادان, اۆستريادان, بالتىق ەلدەرىنەن مامانداردى تارتتىق, «موتسارەللا» تۇرىندەگى ىرىمشىكتەردى ءوندىرۋ جونىندەگى جۇمىسقا يتاليالىق ساراپشىلار كومەكتەسىپ جاتىر, كاسىپورىننىڭ يننوۆاتسيالىق زەرتحاناسى ەڭ ۇزدىك رەتسەپتۋرالاردى ىرىكتەۋمەن اينالىسۋدا. ءسۇت ونىمدەرىنىڭ دامىنە ءسۇتتىڭ سيپاتتامالارى مەن ساپاسى اسەر ەتەدى, سوندىقتان بىزگە وسى باعىتتا بايىپتى جۇمىس قاجەت. ءبىز باسەكەلەستەردى «سوقىر» دەگۋستاتسيادا جەڭۋىمىز كەرەك, ال ونىڭ بارىسىندا تۇتىنۋشىلار قاي ءوندىرۋشىنىڭ ءونىمىن سىناپ كورەتىنىن بىلمەيدى. ءبىز وسىعان قول جەتكىزبەگەنشە, مىندەتىمىز شەشىلمەيدى.
نارىق ۇلەسىنە كەلەتىن بولساق, يمپورت باسىم بولعان جاعدايدا ءبىز بارىنشا ىقتيمال تاۋاشانى يەلەنۋگە نيەتتىمىز. مۇنى تەحنيكالىق تۇرعىدان جاساۋعا بولادى, بىراق كوپ نارسە شيكىزاتتىڭ ساپاسىنا, ەكونوميكالىق تيىمدىلىگىنە بايلانىستى. ىرىمشىك پەن سارى ماي سەگمەنتىندە ءبىز قازاقستاندىق نارىقتىڭ كەم دەگەندە 20%-ىن يەلەنۋدى جوسپارلاپ وتىرمىز, الايدا بۇل قاي ۋاقىتتا مۇمكىن بولاتىنىن ازىرگە ايتۋ قيىن.
- ۋاقىت وتە كەلە ايماق بيۋدجەتىنە اۋدارىلاتىن ءوندىرىس پەن سالىق كولەمىن ۇلعايتۋدى جوسپارلاپ وتىرسىز با؟
- Eurasian Foods Corporation حولدينگى ەلىمىزدىڭ ەڭ ءىرى سالىق تولەۋشىلەرى قاتارىنا كىرەدى, وتكەن جىلى ول مەملەكەت بيۋدجەتىنە 9 ملرد. تەڭگەدەن استام قارجى اۋداردى. ءبىز ءۇشىن باستى مىندەتتەردىڭ ءبىرى – جۇمىس ىستەيتىن بيزنەس, سەنىمدى ءوندىرىس قۇرۋ. ايماق پەن ەل ءۇشىن بۇل سالىق تۇسىمدەرىنىڭ ءوسۋىن جانە جاڭا جۇمىس ورىندارىنىڭ قۇرىلۋىن بىلدىرەدى. ءبىر كەزدەرى ءبىز كاسىپورىنعا ول بانكروتقا ۇشىراعان كەزدە كەلدىك, ال بۇگىندە مۇندا 150 ادام جۇمىس ىستەيدى. بۇعان قوسا, كەز كەلگەن تۇراقتى قىزمەت ەتەتىن كاسىپورىن ارالاس سالالاردا جۇمىسپەن قامتۋدىڭ ءوسۋىن ءاردايىم قامتاماسىز ەتەدى: تەحنيكاعا قىزمەت كورسەتۋ جونىندەگى ماماندار, شيكىزات جەتكىزۋشىلەر جانە ت.ب. سوندىقتان وسىنداي اۋقىمدى جوبانى ىسكە قوسۋ – ءوڭىر ەكونوميكاسىن تۇراقتاندىرۋعا قوماقتى ۇلەس.
- زاۋىتتا جۇمىسقا ورنالاسۋ ءۇشىن قانداي بىلىكتىلىككە يە بولۋ كەرەك؟ Eurasian Milk قىزمەتكەرلەرىنىڭ كاسىپورىندا قوسىمشا وقۋدان ءوتۋ مۇمكىندىگى بولا ما؟
- كاسىپورىن شتاتى تولىعىمەن جاڭا قىزمەتكەرلەردەن تۇرادى جانە جۇمىسقا ورنالاسۋعا نيەت بىلدىرۋشىلەر ءالى دە كوپ, بىراق بىلىكتى ماماندارعا دەگەن تاپشىلىق جوق ەمەس, ولار – رەتتەۋشىلەر, مەحانيكتەر, باقىلاۋ-ولشەۋ اسپاپتارى بويىنشا ماماندار. مۇنداي ماماندار نارىقتا بار, الايدا زاماناۋي جابدىقتا جۇمىس ىستەۋ ءۇشىن ولار بىلىكتىلىگىن ارتتىرىپ, قوسىمشا وقۋدان ءوتۋى كەرەك. ءتيىستى باعدارلامالار ءبىزدىڭ جابدىقتاردى جەتكىزۋشى سەرىكتەستەرىمىزدە دە, ەڭبەك ۇجىمدارىن قۇرۋدا باي تاجىريبەسى بار Eurasian Foods Corporation حولدينگىندە دە بار.
Eurasian Milk قىزمەتكەرلەرى ءوز تاجىريبەلەرىمەن ءبولىسىپ, جەرگىلىكتى ۋنيۆەرسيتەتتەردىڭ ءبىرىنىڭ ستۋدەنتتەرىنە ىرىمشىك جاساۋ كۋرسىن وقيدى, جوو بىتىرگەن سوڭ تۇلەكتەر العان بىلىمدەرىن ءبىزدىڭ زاۋىتتا دا قولدانا الادى. بولاشاقتا ءبىز ءبىلىم بەرۋ مەكەمەلەرىمەن ءوزارا ءىس-قيمىلدى كەڭەيتۋدى جوسپارلاپ وتىرمىز, ويتكەنى ادامداردىڭ كاسىپتى تەزىرەك يگەرۋى جانە ءوندىرىستى كورۋگە مۇمكىندىگى بولۋى ءۇشىن قولدان كەلەتىننىڭ ءبارىن جاساۋ ءبىزدىڭ مۇددەمىز ءۇشىن قاجەت.
ءسۇت فەرمالارىندا جۇمىس ىستەۋ ءۇشىن مامانداردى دايارلاۋ دا ماڭىزدى; مۇنداي مامانداردىڭ تاپشىلىعى قازىر بار جانە الداعى جىلدارى سەزىلەتىن بولادى. بولاشاقتا زاۋىتتىڭ قۋاتتىلىعى 6-8 زاماناۋي ءىرى فەرمالاردان شيكىزاتتى قابىلداۋ ءۇشىن جەتكىلىكتى بولادى. رەسەيلىك جانە بەلارۋستىك ستاندارتتارعا سايكەس, كەم دەگەندە 1200 ساۋىن سيىرى مەن جالپى تابىنداعى 3000 باس مال ونەركاسىپتىك ءسۇت ءوندىرىسى ءۇشىن قولايلى بولىپ سانالادى. ءبىر ءىرى فەرمانىڭ قۇرىلىسىنا 8-10 ميلليون ەۋرو كەتەدى, ال قازىر سولتۇستىك ايماقتا مۇنداي فەرمالار ءىس جۇزىندە جوقتىڭ قاسى. وتكەن جىلى مەملەكەت باسشىسى سولتۇستىك قازاقستانداعى وندىرۋشىلەردىڭ ءسۇت وڭدەۋ سالاسىنداعى ۇستانىمىن كۇشەيتۋدىڭ قاجەتتىلىگى تۋرالى ايتتى, بۇل باستامانى سقو اكىمدىگى دە, EFC حولدينگىنىڭ باسشىلىعى دا قولدادى. ەگەر ۋاقىت وتە كەلە وسى جۇمىستىڭ ناتيجەسىندە وڭىردە ءىرى ءسۇت فەرمالارى پايدا بولسا, ولار ءۇشىن قازىرگى زامانعى جابدىقتا جۇمىس ىستەي الاتىن ماماندارعا دەگەن سۇرانىس تا تۋىندايدى.
- ءسىز فەرمەرلەرمەن قارىم-قاتىناس ورناتۋدى قالاي جوسپارلاپ وتىرسىز؟ جەمشوپ بازاسىن دامىتۋ ءۇشىن قانداي قادامدار جاساۋ جوسپارلارىڭىزدا بار, ويتكەنى ءسۇتتىڭ ساپاسى دا وسىعان بايلانىستى ەمەس پە؟
- ءسۇتتىڭ وزىندىك قۇنىندا جەمشوپتىڭ ۇلەسىنە شامامەن 60% تيەسىلى (بۇل, ارينە, شامامەن الىنعان سان جانە بارلىعى ناقتى جاعدايلارعا بايلانىستى), سوندىقتان جالپى بيزنەس, ت ۇلىكتىڭ دەنساۋلىعى, شيكىزاتتىڭ سانى مەن ساپاسى جەمشوپتىڭ قانشالىقتى تەڭگەرىلەتىنىنە بايلانىستى. وڭىردە وسى باعىتتا تابىستى جۇمىس ىستەپ جاتقان فەرمەرلەر بار. ءبىز حالىقارالىق كومپانيالاردا جۇمىس تاجىريبەسى بار مامانداردى تارتتىق, ولار سقو, اقمولا, قوستاناي وبلىستارى جاعدايىندا وسىرۋگە بولاتىن جەمشوپتىڭ وڭتايلى كولەمى مەن ساپاسى انىقتالاتىن يدەالدى فەرمانىڭ شارتتى جوباسىن جاسايدى. ءبىز ساپالى ءسۇت الۋ ءۇشىن قولدانۋعا بولاتىن وسىمدىكتەردىڭ وڭتايلى تۇرلەرى مەن تەحنولوگيالارى تۋرالى مالىمەتتەر الامىز. سونىمەن قاتار, تاۋارلى ءسۇت وندىرۋگە باعىتتالعان مال تۇقىمدارى بار, بىراق كەز-كەلگەن تۇقىم وسى ايماقتا بەرىلۋى نەمەسە ەكونوميكالىق تۇرعىدان قامتاماسىز ەتىلۋى مۇمكىن جەمشوپكە سايكەس كەلە بەرمەيدى, ساپالى مال ساتىپ الۋدا دا پروبلەمالار بار. ءبىز تۇقىم, تابيعات جانە جەمشوپ ءوندىرۋدىڭ وڭتايلى وزىندىك قۇنى اراسىندا تەپە-تەڭدىك تابۋىمىز كەرەك. بۇل ماسەلەدە ءبىز فەرمەرلەرمەن ديالوگقا سەنەمىز. ءبىز بىرنەشە فەرمالارمەن بايلانىس ورناتتىق, جانە ولارمەن جۇمىس جاساۋدا ءبىز وڭتايلى شەشىم ىزدەيمىز, ال وڭ ناتيجەنى باسقا فەرمالارعا ناسيحاتتايمىز.
ساتىپ الۋشى اقشامەن داۋىس بەرەدى, ەگەر بىزدەگى باعا بەلارۋستەگىدەن ءبىر جارىم ەسە قىمبات بولسا, ءبىز ادامداردى ىرىمشىگىمىزدى الۋعا كوندىرە المايمىز. ناتيجەسىندە, ەلدەن وتە كوپ اقشا كەتەدى, وسى رەتتە ءبارى جەمشوپ بىرلىگى, دۇرىس تاڭدالعان مال باسى, ۆەتەرينارلىق قىزمەت كورسەتۋ قىزمەتى, دايىن ءونىمدى دۇرىس جيناۋ سياقتى اسا ماڭىزدى ەمەس ماسەلەلەردەن باستالادى. ءبىزدىڭ ءبىرىنشى كەزەكتەگى مىندەتتەرىمىزدىڭ ءبىرى – ءوندىرىستىڭ بارلىق كەزەڭدەرىندە وزىندىك قۇندى تومەندەتۋ جانە تەحنولوگيالىق تۇرعىدان العاندا, ءبىز ونى شەشۋ ءۇشىن بارلىعىن جاسادىق. فەرمەرلەر تاراپىنان قاراما-قارسى قوزعالىستار, ولاردىڭ وزگەرىستەر مەن جاقسارتۋلارعا مەنتالدى دايىندىعى, اشىقتىق, ازىقتاندىرۋ تاسىلدەرىن, ۆەتەرينارياداعى جاڭا قىزمەتتەردى تۇتىنۋداعى وزگەرىستەردىڭ قاجەتتىلىگىن ءتۇسىنۋ قاجەت. ەگەر فەرمەر مۇنىڭ ءبارىن قابىلداي السا, ال ءبىز وسىنىڭ ءبارىن سەرىكتەستىكتە جۇرگىزۋگە تىرىسساق, وسىنداي ءوزارا ارەكەتتەسۋدى كۇشەيتىپ, باسقالارعا ناسيحاتتاۋعا تىرىسامىز.
- ءسىزدىڭ ويىڭىزشا, ءسۇت سالاسى نەعۇرلىم ءتيىمدى جۇمىس ىستەۋى ءۇشىن مەملەكەت قانداي كومەك كورسەتۋى ءتيىس؟
- بۇگىنگى جاعدايدا مەملەكەت سالانى سۋبسيديالاۋ ارقىلى كوپ كومەكتەسەدى, بىراق مەنىڭ ويىمشا, بۇل – ۋاقىتشا شەشىم. مەملەكەت شەكسىز كومەكتەسۋگە ءتيىس ەمەس, ونىڭ مىندەتى – بيزنەستى بەلگىلى ءبىر دەڭگەيگە دەيىن كوتەرۋ. سوندىقتان مەن باستاپقى ينۆەستيتسياعا بايلانىستى ءبىر رەتتىك كومەكتىڭ جاقتاۋشىسىمىن. حالىقارالىق تاجىريبە كورسەتىپ وتىرعانداي, ەگەر مەملەكەت قاراجات سالۋمەن بايلانىستى باستاپقى تاۋەكەلدى وزىنە قابىلدايتىن بولسا, وندا بيزنەسكە كوبىرەك قىزىعۋشى ادامدار بارادى. ءوز كەزەگىندە, مەملەكەت سەنىمدى سەرىكتەسپەن جۇمىس جاسايتىنىنا, اقشا بوسقا اۋاعا كەتپەيتىنىنە سەنىمدى بولۋى كەرەك.
- ەگەر وڭتايلى شيكىزات بازاسىن قۇرۋ بويىنشا كۇش-جىگەر ناتيجە بەرىپ, قازاقستاندىق فەرمەرلەر كوپ مولشەردە جاقسى ءسۇت وندىرەتىن بولسا, ونى ءسىزدىڭ باسەكەلەستەرىڭىزگە ەمەس, ءدال Eurasian Milk-كە تاپسىراتىنىنا سەنىمدىسىز بە؟
- جوعارى ساپالى تەحنولوگيالىق وڭدەۋدىڭ بولۋى شيكىزاتقا, ياعني سۇتكە ۇزاق مەرزىمدى اقى تولەنەتىن سۇرانىستى تۋدىرادى, ناتيجەسىندە ساپالى ءسۇت ءوندىرۋ كولەمى ۇلعايادى. دۇرىس باسەكەلەستىك– وڭ جانە قاجەتتى دۇنيە, ول سالانىڭ دامۋىن ىنتالاندىرادى, نارىقتىق ەكونوميكانىڭ رەتتەلۋىن بەلگىلەيدى. باسەكەلەستىكتە تەحنولوگيا, ماركەتينگ جانە ساپا جەڭەدى. ەگەر دە سەن وسى قۇرامداستاردىڭ بارىندە مىقتى بولساڭ, ەگەر كاسىپورىندا جاقسى جابدىق ورناتىلعان بولسا, ەكونوميكا مەن نارىقتىق جاعدايلار اراسىندا تەڭگەرىم بولسا, ەگەر سەن جەتىستىكتەرىڭدى جوعالتپاساڭ, ءونىمنىڭ ءتۇر-ءتۇرىن كەڭەيتۋ جانە ساپاسىن جاقسارتۋ بويىنشا ۇنەمى جۇمىس ىستەسەڭ, وندا باسەكەلەستىكتە الدا بولۋ ابدەن مۇمكىن. ءبىز Eurasian Milk-تە الەمنىڭ كەز كەلگەن نۇكتەسىندەگى كومپانيالارمەن تەحنولوگيالىق سايكەستىك پەن باسەكەگە قابىلەتتىلىك ءۇشىن جاقسى نەگىز قۇردىق. ءۇش-ءتورت جىلدان كەيىن ءبىز شيكىزات جەتكىزۋشىلەرى مەن باسەكەلەستەردەن كومپانيانىڭ بۇكىل قۇرىلىمىنىڭ ۇيلەسىمدى جۇمىس ىستەۋىندە دە, ءونىمنىڭ دامىندە دە كەم تۇسپەيمىز دەپ ويلايمىن.
