ەلوردا • 08 جەلتوقسان، 2020

ەلوردادا "Nur-Sultan snowpark" اشىلادى

105 رەت كورسەتىلدى

20 جەلتوقساندا اتاتۇرىك ساياباعىندا تاۋ شاڭعىسى مەن سنوۋبوردقا ارنالعان جاساندى توبەشىك پايدا بولادى. نىسان قازاقستاندا العاش رەت قىسقى قوعامدىق كەڭىستىكتى دامىتۋ اياسىندا ورناتىلعان، دەپ حابارلايدى Egemen.kz

قۇرىلىستىڭ جالپى اۋدانى 720 م2-دەن اسادى. ۇزىندىعى – 40 م، ەنى – 18 م. ەلوردالىق ۋربانيستيكا ورتالىعىنىڭ باسشىسى ەلنار بازىكەننىڭ ايتۋىنشا، ساياباق كوپتەگەن پلاستيك، مەتالل جانە اعاش ەلەمەنتتەردەن جاسالعان.

"بۇل قىزىقتى سپورت ءتۇرى تۇرعىندار مەن ەلوردا قوناقتارىنىڭ قىسقى دەمالىسىن تۇرلەندىرە تۇسەتىنىنە سەنىمدىمىن".

سنوۋپارك اۋماعىندا جاڭادان باستاۋشىلارعا قاجەتتى جابدىقتى جالعا بەرۋدى ۇيىمداستىرۋ جوسپارلانۋدا، نۇسقاۋشىلار اۋەسقويلارعا ساباق بەرەدى. كەشكە سنوۋپارك شامدارمەن جارىقتاندىرىلادى. وسىلايشا، ەكسترەمالدى سپورت تۇرلەرىنە اۋەسقويلار ءۇشىن كۇندىزگى عانا ەمەس، تۇنگى شاڭعى تەبۋدى دە ۇيىمداستىرۋ جوسپارلانىپ وتىر.

"نۇر-سۇلتان – جايلى قالا" باس جوسپارىنا سايكەس بۇقارالىق سپورتتى كەڭىنەن ناسيحاتتاۋ ءۇشىن قوعامدىق ورىندار سالىنادى. قىزىقتى جەرلەر تەك جازدا عانا ەمەس، سونىمەن قاتار قىس مەزگىلىندە دە بولۋى كەرەك. بۇل مىندەتتى ۋربانيستەر اۋدان اكىمدىكتەرىمەن بىرگە جۇزەگە اسىرادى. مۇنداي ورىنداردى بۇكىل قالا بويىنشا قۇرۋ جوسپارلانىپ وتىر"، دەدى نۇر-سۇلتان قالالىق ساۋلەت، قالا قۇرىلىسى جانە جەر قاتىناستارى باسقارماسى باسشىسى نۇرلان ۋرانحاەۆ.

اتاتۇرك اتىنداعى ساياباقتا سنوۋبوردشىلار مەن شاڭعىشىلارعا ارنالعان سنوۋپاركپەن بىرگە مۇز ايدىنى، كونكيمەن سىرعاناۋعا ارنالعان مۇز ايدىنى جانە انيماتورلارى بار اياز اتا ءۇيى سالىنادى. جىلى ورىندار مەن كوفەحانالار دا ۇيىمداستىرىلادى.

سوڭعى جاڭالىقتار

دوستىق بەسىگى

ايماقتار • بۇگىن، 08:43

ەل كۋبوگى ءۇشىن تالاسادى

فۋتبول • بۇگىن، 08:40

شيرەك فينالدا ۇتىلدى

تەننيس • بۇگىن، 08:39

دايارلىقتارىن پىسىقتادى

حوككەي • بۇگىن، 08:37

ازىرگە بەسىنشى ورىندامىز

سپورت • بۇگىن، 08:30

ون جىلعا سوتتالدى

قوعام • بۇگىن، 08:25

41 جوباعا – 11،2 ملرد تەڭگە

ايماقتار • بۇگىن، 08:20

732،5 ملرد تەڭگە تارتىلادى

ايماقتار • بۇگىن، 08:15

ۇقساس جاڭالىقتار