2020 جىلدىڭ 16-31 جەلتوقسان ارالىعىندا سانكت-پەتەربۋرگ قالاسىنىڭ مۋزىكالىق كومەديا تەاترىنىڭ ساحناسىندا فرانتسۋز كومپوزيتورى كلود-ميشەل شەنبەرگتىڭ "ميسس سايگون" ميۋزيكلى وتەدى.
قويىلىممەن كەزىندە اتى اڭىزعا اينالعان "بال ۆامپيروۆ" ميۋزيكلىنىڭ رەسەيلىك نۇسقاسىمەن جۇمىس جاساعان گوللاندىق رەجيسسەر كورنەليۋس بالتۋستىڭ جەتەكشىلىگىندەگى حالىقارالىق توپ اينالىسادى.
تەاتر ۇجىمىنىڭ ايتۋىنشا, ۇلتتىق كولوريتتى كورسەتۋ ماقساتىندا كوپ كەزەڭدى كاستينگتەن ارتىستەردىڭ ەڭ مىقتى قۇرامى جينالدى.
ولاردىڭ كوبى پەتەربۋگتىك كورەرمەننىڭ الدىندا العاش رەت ونەر كورسەتپەك. سولاردىڭ ءبىرى – تانىمال كينو جانە تەاتر اكتەرى, "ساحناگەر-2019" ۇلتتىق تەاتر جۇلدەسىنىڭ لاۋرەاتى, نۇر-سۇلتان قالاسىندا العاش اشىلعان مۋزىكالىق جاس كورەرمەن تەاترىنىڭ جەتەكشى اكتەرى راسۋل ۋسمانوۆ. راسۋل نەگىزگى قۇرامداعى باستى رولدەردىڭ بىرىندە (تۋي) وينايدى.
نۇر-سۇلتان قالاسى اكىمدىگىنىڭ مۋزىكالىق جاس كورەرمەن تەاترىنىڭ باسشىلىعى مەن ۇجىمى جوبا ۇيىمداستىرۋشىلارىنا جانە قويىلىمنىڭ بارلىق اكتەرلەرىنە ساتتىلىك تىلەدى.
