قاتتى بوراننىڭ سالدارىنان جولدى قار باسىپ, كولىكتەر قوزعالىستى جالعاستىرا المادى. ساعات 21.09-دا اقشي اۋىلىنداعى جەدەل-قۇتقارۋ جاساعى قىزمەتكەرلەرىنىڭ كۇشىمەن اتالعان اۆتوكولىكتەر جولدىڭ تازارتىلعان ءجۇرىس بولىگىنە سۇيرەپ شىعارىلدى جانە ولار ءارى قاراي ءوز جۇرىسىمەن قوزعالىستارىن جالعاستىردى.
ساعات 13.14-تە ء«ۇشارال-دوستىق» اۆتوجولىنىڭ 45-ءشى شاقىرىمىندا جالاڭاشكول ۋچاسكەسىندە DAF ماركالى جۇك كولىگى قار قۇرساۋىندا قالىپ قويدى. ساعات 22.22-دە دوستىق ست. 20-ءوسب قىزمەتكەرلەرى اتالعان اۆتوكولىكتەن 2 ادامدى ەۆاكۋاتسيالاپ, دوستىق ستانتسياسىنا جەتكىزدى.
ساعات 22.22-دە «الماتى – وسكەمەن»- قاپال اراسان شيپاجايى» اۆتوجولىنىڭ 35 شاقىرىمىندا جەڭىل اۆتوكولىك قار قۇرساۋىندا قالىپ قويدى. سالوندا جالعىز جۇرگىزۋشى عانا بولدى. تالدىقورعان ق. جقج قۇتقارۋشىلارى شاقىرتۋ ورنىنا كەلگەن بويدا اتالعان اۆتوكولىكتە بەنزين تاۋسىلعانىن انىقتادى. ساعات 23.58-دە قۇتقارۋشىلار جۇرگىزۋشىنى تالدىقورعان قالاسىنا ەۆاكۋاتسيالادى.
قۇتقارىلعانداردىڭ بارلىعى مەديتسينالىق كومەككە مۇقتاج ەمەس.
قىسقى كەزەڭدە جولداردا توتەنشە جاعدايلاردى بولدىرماۋ ءۇشىن الماتى وبلىسىنىڭ تجد اۋا رايىنىڭ وزگەرۋىن, مەتەورولوگيالىق مالىمەتتەردى قاداعالاۋدى, 112 قىزمەتىنىڭ سمس حابارلامالارىن ەسكەرمەۋدى جانە اۋا رايىنىڭ ناشارلاۋى جانە اۆتوجولداردا اۆتوكولىك قوزعالىسىنا شەكتەۋ ەنگىزۋ كەزىندە جولعا شىقپاۋدى سۇرايدى.
قىسقى ساپارعا شىقپاس بۇرىن, ماشينانى توتەنشە جاعدايدا سىزگە كومەكتەسەتىن قوسىمشا, بىراق وتە قاجەت جۇكپەن, سونداي-اق جانارمايمەن قامتاماسىز ەتۋ كەرەك. ەگەر قوزعالۋ مۇمكىندىگى بولماسا جانە كومەكسىز شىعۋعا بولمايتىنىن تۇسىنسەڭىز, ۇرەيلەنبەڭىز, دەرەۋ جەدەل قىزمەت تەلەفوندارىنا قوڭىراۋ شالىڭىز «112», «101», «102». ءسىزدىڭ كوورديناتتارىڭىزدى, اينالاڭىزدا بولىپ جاتقان وقيعالار تۋرالى اقپاراتتى, وتىن قورىن جانە ت.ب. بەرىڭىز. كومەك مىندەتتى تۇردە كەلەدى.
