قارجى نارىعىن رەتتەۋ جانە دامىتۋ اگەنتتىگىنىڭ كيبەرقاۋىپسىزدىك دەپارتامەنتىنىڭ باستىعى رومان پەرمينوۆ ادىستەمەنى ەنگىزۋدىڭ ماقساتى قارجى ۇيىمدارىنداعى اقپاراتتىق قاۋىپسىزدىك تاۋەكەلدەرىن وڭدەۋ پروتسەسىن وڭتايلاندىرۋ بولىپ تابىلاتىنىن ايتتى. قاراپايىم تىلمەن ايتقاندا, ادىستەمە وسى ۋاقىتقا دەيىن اقپاراتتىق قاۋىپسىزدىك تاۋەكەلدەرىن باعالاۋ كەزدەيسوق جۇرگىزىلىپ كەلگەن قارجى ينستيتۋتتارى ءۇشىن نەگىز بولۋعا, سونداي-اق بارلىق قارجى ينستيتۋتتارىنا وسى پروتسەستى مەيلىنشە اشىق جانە قۇرىلىمدى ەتۋگە كومەكتەسەدى.
"بولاشاقتا ءبىز قارجىلىق ۇيىمداردىڭ باسقا تۇرلەرىنە: ساقتاندىرۋ ۇيىمدارىنا, باعالى قاعازدار نارىعىنا قاتىستى اقپاراتتىق قاۋىپسىزدىك تاۋەكەلدەرىن باعالاۋعا قويىلاتىن تالاپتاردى كەڭەيتۋدى جوسپارلاپ وتىرمىز", دەدى ول.
بۇكىل پروتسەسس ەكى نەگىزگى كەزەڭگە بولىنەدى.
اقپاراتتىق اكتيۆتەر – ۇيىمنىڭ تۇتىنۋشىلارى تۋرالى اقپاراتتى ساقتايتىن سەرۆەر اقپاراتتىق اكتيۆ جۇمىس بارىسىندا قولدانادى. ونىڭ كەز-كەلگەن اكتيۆ سياقتى قۇندىلىعى بار, ويتكەنى ونىڭ جوعالۋى نەمەسە بۇزىلۋى ۇيىم جۇمىسىنا كەرى اسەر ەتەدى. ءبىرىنشى كەزەڭدە ۇيىمدار وزدەرىنىڭ بارلىق اقپاراتتىق اكتيۆتەرىن انىقتاپ, ولاردىڭ قۇنىن انىقتاپ, قانداي اكتيۆتەر وتە ماڭىزدى جانە ولاردى قورعاۋ كەرەك ەكەنىن شەشۋى كەرەك.
ەكىنشى كەزەڭدە ۇيىم ماماندارى اقپاراتتىق قاۋىپسىزدىككە قاتىستى وسالدىقتار مەن قاتەرلەردى انىقتايدى. وسى مالىمەتتەر نەگىزىندە قاۋىپتىڭ ىقتيمالدىعى جانە قاۋىپ دەڭگەيى باعالانادى. مۇنىڭ ءبارى ادىستەمەدە جازىلعان. اگەنتتىك بولسا وسى ادىستەمەنىڭ ىسكە اسىرىلۋىن باقىلايدى. سەبەبى قارجى ۇيىمدارىنداعى اقپاراتتىق قاۋىپسىزدىك تاۋەكەلىن باعالاۋ پروتسەسىن قاراستىرادى.
– اگەنتتىك تاۋەكەلدى باعالاۋدىڭ بارلىق كەزەڭدەرىنىڭ قۇجاتتىق دالەلدەرىن سۇراۋعا قۇقىلى. جەدەل ناتيجە كۇتۋگە بولمايدى دەپ ايتۋ كەرەك, ويتكەنى تاۋەكەلدى باعالاۋ ءوزى ۇلكەن ۇيىمدار ءۇشىن وتە اۋىر جانە ۇزاق پروتسەسس. وسى ادىستەمەنى قولدانۋ پروتسەسكە اقپاراتتىق قاۋىپسىزدىك پەن تاۋەكەل بويىنشا مامانداردى عانا ەمەس, سونىمەن قاتار ۇيىمنىڭ, سونىڭ ىشىندە مەنەدجمەنتتىڭ نەگىزگى "ىسكەرلىك" باعىتتارىن دا تارتۋدى قاجەت ەتەدى, – دەپ قورىتىندىلادى رومان پەرمينوۆ.
ر.پەرمينوۆتىڭ ايتۋىنشا, بۇل ادىستەمەنى ەنگىزۋدىڭ نەگىزگى پايداسى قارجى ينستيتۋتتارىنىڭ قاۋىپسىزدىگىن جانە ولاردىڭ اقپاراتتىق قاۋىپسىزدىك قاتەرلەرىنە قارسى تۇرۋ تۇراقتىلىعىن ارتتىرۋمەن باعالانادى.
