مەگاپوليس اكىمى ب.ساعىنتاەۆ حابارلاعانداي, 1 جەلتوقسانداعى جاعداي بويىنشا الماتىدا 77,6 مىڭ جاڭا, سونىڭ ىشىندە 36,9 مىڭ تۇراقتى جۇمىس ورنى قۇرىلدى. كاسىپكەرلىك سۋبەكتىلەرىمەن 29,8 مىڭ جۇمىس ورنى اشىلدى.
«الماتى اكىمدىگىمەن جۇزەگە اسىرىلعان داعدارىسقا قارسى شارالار پاكەتى ازاماتتاردىڭ جۇمىس ورىندارى مەن كىرىستەرىن ساقتاۋعا, شوب قولداۋعا, وندىرىستىك تىزبەكتەگى جاڭا تاپسىرىستاردى ىنتالاندىرۋعا باعىتتالعان», - دەپ اتاپ ءوتتى الماتى اكىمى باقىتجان ساعىنتاەۆ.
بارلىق مەملەكەتتىك باعدارلامالار اياسىندا 47,8 مىڭ جۇمىس ورنى قۇرىلدى. ونىڭ ىشىندە «ەڭبەك» مەملەكەتتىك باعدارلاماسى بويىنشا – 18 648 ورىن, «جۇمىسپەن قامتۋدىڭ جول كارتاسى-2020» – 21 689, «بيزنەستىڭ جول كارتاسى-2025» – 3 540, «قاراپايىم زاتتار ەكونوميكاسى» – 1 419, وڭىرلەردى دامىتۋ – 824, «نۇرلى جەر» – 455, يندۋستريالدى-يننوۆاتسيالىق دامۋ – 869, ءبىلىم مەن عىلىمدى دامىتۋ – 70.
«بيزنەستىڭ جول كارتاسى-2025» مەملەكەتتىك باعدارلاماسى بويىنشا 102 ملرد تەڭگەگە 556 جوباعا قولداۋ كورسەتىلدى. «قاراپايىم زاتتار ەكونوميكاسى» باعدارلاماسى بويىنشا 1,4 مىڭ تۇراقتى جۇمىس ورنىن قۇرۋ ارقىلى 121,2 ملرد تەڭگەگە 66 جوبا ماقۇلداندى.
«جۇمىسپەن قامتۋدىڭ جول كارتاسى» بويىنشا اعىمداعى جىلى 21,7 مىڭ جۇمىس ورنىن قۇرۋ ارقىلى 228 جوبا جۇزەگە اسىرىلۋدا. سونىڭ ىشىندە جۇمىسپەن قامتۋ ورتالىعى ارقىلى شامامەن 10,7 مىڭ جۇمىسسىز ەڭبەكپەن قامتىلدى.
سونىمەن قاتار, الماتىنىڭ يندۋستريالدى ايماعىندا 6,5 مىڭ جۇمىس ورنىن قۇرۋمەن 200 ملرد.تەڭگەگە 53 جوبا جۇزەگە اسىرىلۋدا. بۇگىنگى تاڭدا 2 348 جۇمىس ورنىن قۇرۋمەن 63,5 ملرد.تەڭگەگە 13 جوبا ىسكە اسىرىلدى. جىل سوڭىنا دەيىن 453 جۇمىس ورنىن قۇرۋمەن 17,3 ملرد تەڭگەگە 6 جوبانى ىسكە قوسۋ جوسپارلانۋدا.
سونىمەن قاتار, «يتپ» اەا بازاسىندا فارماتسەۆتيكالىق پرەپاراتتار, مەديتسينالىق بۇيىمدار مەن تەحنيكا ءوندىرىسىن قامتيتىن جوعارى تەحنولوگيالىق يندۋستريالاردى دامىتۋ بويىنشا جۇمىس جانداندىرىلۋدا. سونداي-اق, مۇندا اقپاراتتىق-كوممۋنيكاتسيالىق تەحنولوگيالار مەن ءبىلىم بەرۋ, مەديتسينا, اسپاپ جاساۋ سالاسىنداعى جوبالار ىسكە اسىرىلۋدا. بۇل جوبالاردى ىسكە اسىرۋ 400 ملرد تەڭگە ينۆەستيتسيا تارتۋعا جانە 6 مىڭ جاڭا جۇمىس ورنىن قۇرۋعا مۇمكىندىك بەرەدى.
الماتى
