بۇگىندە الماتىداعى قىلمىس دەڭگەيى تومەندەگەن. اتاپ ايتقاندا, قىلمىستار سانى 47,5%-دى ازايعان, ال قىلمىستاردى اشۋ 11,6%-عا (29,2% -دان 40,8%-عا دەيىن) وسكەن.
اكىمنىڭ سوزىنشە, مۇنداي ناتيجەگە قول جەتكىزۋگە كەلەسى كەشەندى شارالار ىقپال ەتكەن:
پوليتسيانىڭ ماتەريالدى-تەحنيكالىق جابدىقتالۋى 87%-عا جەتكىزىلدى, بۇل – مەملەكەت بويىنشا ەڭ جوعارعى كورسەتكىش. جاقىن ارادا پوليتسياعا 429 پلانشەت تابىستالادى, كەلەسى جىلى 33 جاڭا كولىك الۋ جوسپارلانعان.
بەينەمونيتورينگ جۇيەسى ەنگىزىلۋدە. ا.ج. باسىنان باستاپ 404 «سەرگەك» اپپاراتتىق-باعدارلامالىق كەشەنى ىسكە قوسىلدى, ونىڭ 21-ءى الماتىعا كىرۋ جانە شىعۋ جولدارىندا ورناتىلعان.
ا.ج. 10 ايى ىشىندە «سەرگەك» ابك 650 مىڭنان استام جول ەرەجەسىن بۇزۋ فاكتىلەرىن تىركەدى. 4,5 ملرد-تان استام تەڭگەگە ايىپپۇل سالىنىپ, 2,6 ملرد نەمەسە 57,7% ءوندىرىلدى.
مودۋلدىك پوليتسيا پۋنكتىلەرىن ورناتۋ جوباسى ءوزىن اقتادى. بۇعان دالەل – پۋنكتىلەر ورنالاسقان اۋداندارداعى قىلمىس دەڭگەيىنىڭ تومەندەۋى. سونىمەن قاتار, بۇل تۋرالى جەرگىلىكتى تۇرعىندار دا ايتۋدا. وتكەن جىلى قىلمىس دەڭگەيى جوعارى ايماقتاردا 37 مودۋلدىك پوليتسيا پۋنكتى ورنالاستىرىلىپ, جىل باسىنان بەرى شامامەن 40 مىڭ ارىز كەلىپ ءتۇستى.
قوعامدىق قاۋىپسىزدىكتى قامتاماسىز ەتۋ ءۇشىن كۇندەلىكتى 2 مىڭنان استام پوليتسيا قىزمەتكەرى مەن قر ىىمۇلتتىق گۆاردياسىنىڭ اسكەري قىزمەتكەرلەرى جۇمىلدىرىلادى. ولار 550 باعىت بويىنشا جۇمىس جاسايدى, ونىڭ ىشىندە 300 كولىك جانە 250 جاياۋ باعىت.
اشىقتىلىقتى قامتاماسىز ەتۋ ءۇشىن قالانىڭ بارلىق اۋداندارىندا 11 پوليتسيا فرونت-كەڭسەسى جۇمىس جاسايدى. بۇل جەردە حالىققا ء«بىر تەرەزە» قاعيداسى بويىنشا قىزمەت كورسەتىلەدى.
