كوپبالالى انالارعا قولداۋ كورسەتۋ ءۇشىن وڭىرلىك «باقىتتى وتباسى» ورتالىقتارىنىڭ بازاسىندا «ىسكەر انا» باعدارلاماسى ىسكە اسىرىلۋدا. مۇندا ولاردى «ەڭبەك» مەملەكەتتىك باعدارلاماسى اياسىندا كاسىپكەرلىك نەگىزدەرىنە وقىتادى.
كوپبالالى وتباسىلاردان 888 ادام 555 مىڭ تەڭگەگە دەيىن گرانت الدى. سونىمەن قاتار, 406 ملن. تەڭگە سوماسىنا 203 كوپبالالى انا 5 ملن. تەڭگەگە دەيىنگى گرانتتى يەلەندى.
«شىڭعا ورلەۋ» الەۋمەتتىك كلۋبى جوباسى ىسكە قوسىلدى. جوبادا قوعامدىق ومىرگە اعا بۋىن وكىلدەرىن تارتۋ كوزدەلەدى. مۇندا ولار ءارتۇرلى فورماتتاعى ناتيجەلى, ەكىجاقتى قارىم-قاتىناس ارقىلى از قامتىلعان جانە كوپبالالى وتباسىلاردا تاربيەلەنەتىن باستاۋىش مەكتەپ جاسىنداعى بالالار مەن ەرەكشە قاجەتتىلىگى بار بالالارعا ومىرلىك تاجىريبە بەرىپ, ءبىلىم مەن داعدىلارعا ۇيرەتەدى.
جىلدىڭ سوڭىنا دەيىن قالانىڭ ءار اۋدانىندا وسىنداي كلۋبتار اشۋ جوسپارلانۋدا.
سونداي-اق, مۇگەدەك جانداردى الەۋمەتتەندىرۋ جانە جۇمىسقا ورنالاستىرۋ ماقساتىندا العاش رەت «Ten Qogam» الەۋمەتتىك قولداۋ ورتالىعى اشىلدى. ورتالىق مۇگەدەك ادامدارعا جانە ولاردىڭ وتباسىلارىنا اقپاراتتىق, كونسۋلتاتسيالىق, زاڭگەرلىك جانە پسيحولوگيالىق قولداۋ كورسەتەدى. جۇمىسقا ورنالاسۋعا جاردەمدەسەدى, مۇگەدەك ادامداردى قوعامعا ءتيىمدى بەيىمدەۋ ءۇشىن تۇرمىستىق جانە الەۋمەتتىك داعدىلارعا وقىتادى.
