مەملەكەت باسشىسىنىڭ حالىققا جولداۋىندا ايتىلعان تاپسىرماسىنا سايكەس «بالالاردى سپورتپەن, مادەنيەتپەن جانە مەكتەپتەن تىس قوسىمشا بىلىممەن جاپپاي قامتۋ ءۇشىن جاعداي جاساۋدىڭ جول كارتاسى» جاسالدى. ءبىلىم, مادەنيەت, سپورت جانە ت.ب. سالالارداعى اقىسىز ۇيىرمەلەر مەن سەكتسيالاردىڭ جۇمىسىن ۇيىمداستىرۋ كوزدەلىپ وتىر. ناتيجەسىندە بالالاردى اقىسىز قوسىمشا بىلىممەن قامتۋ 83%-عا دەيىن جەتكىزىلەدى.
سونىمەن قاتار, 2021 جىلى جەرگىلىكتى بيۋدجەت ەسەبىنەن بارلىق مەكتەپ ستاديوندارىن جاڭارتۋ جوسپارلانۋدا. بۇل ءوز كەزەگىندە بارلىق مەكتەپ وقۋشىلارىنا ساباقتان تىس ۋاقىتتا سپورتپەن تەگىن اينالىسۋعا مۇمكىندىك بەرەدى.
قوسىمشا ءبىلىم بەرۋ ۇيىمدارىنىڭ جەلىسى دامىپ كەلەدى. جاقىن ارادا الاتاۋ مەن ناۋرىزباي اۋداندارىندا ەكى وقۋشىلار سارايىنىڭ قۇرىلىسى باستالادى. بيىل پاندەمياعا بايلانىستى قولدانىستاعى وقۋشىلار سارايىن جاڭارتۋ كەيىنگە قالدىرىلدى. بۇل جۇمىس كەلەسى جىلى قايتا باستالادى.
سپورت عيماراتتارىنىڭ قولجەتىمدىلىگىنە كەلەتىن بولساق, قالاداعى سپورتتىق نىساندارىنىڭ سانى مەن ورنالاسۋىن ساراپتاي وتىرىپ, ولاردىڭ باسىم بولىگىنىڭ قالانىڭ ورتاسىندا ورنالاسقانىن انىقتادىق.
2020 جىلى سپورتپەن اينالىساتىندار سانى 588 321 ادامدى قۇرادى. سپورتتىق ينفراقۇرىلىمدى دامىتۋدىڭ ارقاسىندا كەلەر جىلى ءبىز سپورتپەن شۇعىلداناتىنداردىڭ قاتارىن تاعى 65 مىڭ ادامعا كوبەيتەمىز.
جابىق سپورت زالدارىنىڭ تاپشىلىعى 2021 جىلى 30%-دان تومەندەيدى. وسى ماقساتتا بيىلعى جىلى 700-دەن استام شاعىن سپورت نىسانى سالىندى. ولار شاعىن فۋتبول, باسكەتبول, ۆولەيبول الاڭدارى, جاتتىعۋ الاڭدارى جانە امبەباپ ويىن الاڭدارى. جەتىسۋ اۋدانىندا بىرەگەي «جەكپە-جەك ورتالىعى» جوباسى جۇزەگە استى. بۇل جوبا قالانىڭ بارلىق اۋداندارىندا جۇزەگە اساتىن بولادى.
مەملەكەتتىك-جەكەمەنشىك ارىپتەستىك اياسىندا 12 مەكتەپ ستاديونى جاڭارتىلۋدا, جالپى 100-دەن استام مەكتەپ ستاديونى جاڭارتۋدى قاجەت ەتەدى.
جالپى ءبىلىم بەرەتىن مەكتەپتەردە بالالار مەن جاسوسپىرىمدەردىڭ دەنە شىنىقتىرۋ كلۋبتارى اشىلادى.
جاڭا الماتى ىقشاماۋداندارىنداعى جابىق سپورتتىق نىساندارعا دەگەن سۇرانىستى قاناعاتتاندىرۋ ءۇشىن 2021 جىلى التى سپورتتىق-ساۋىقتىرۋ كەشەنى سالىنادى. جەتىسۋ, تۇركسىب جانە مەدەۋ اۋداندارىندا ءۇش سپورتتىق-ساۋىقتىرۋ ورتالىعىن سالۋ بويىنشا دايىندىق جۇمىستارى قازىردىڭ وزىندە اياقتالۋدا. باسسەين, ويىن زالى, جەكپە-جەك زالى, حورەوگرافيا سياقتى سپورتتىق-ساۋىقتىرۋ ورتالىقتارىنىڭ ءۇش تيپتىك جوباسى ازىرلەندى. الاتاۋ اۋدانىندا 14 كورتقا ارنالعان تەننيس ورتالىعىنىڭ قۇرىلىسى باستالدى.
بۇگىنگى كۇنى قالادا 3399 سپورت نىسانى بار.
