رەسەيلىك بوكسشى يليا بالاندينمەن (4-3-1, 2 كو) جۇدىرىقتاسقان وتانداسىمىز ءبىرىنشى راۋندتان باستاپ رينگتىڭ ورتاسىندا بيلىك جۇرگىزىپ, قارسىلاسىن سوققىنىڭ استىنا الدى. جەرلەسىمىزدىڭ ءۇشىنشى راۋندتاعى سەريالىق سوققىلارىنان كەيىن جەكپە-جەك مەرزىمىنەن بۇرىن اياقتالۋى دا مۇمكىن ەدى. الايدا سوققى كوتەرە الاتىنىن بايقاتقان بالاندين نۇرسۇلتانوۆتىڭ سوققىلارىنان وڭاي سىتىلىپ شىقتى. ءسويتىپ ەكى بوكسشى دا بەلگىلەنگەن سەگىز راۋندتا تولىق جۇدىرىقتاسىپ, تورەشىلەردىڭ ءبىراۋىز شەشىمىمەن مەيىرىم نۇرسۇلتانوۆ جەڭىسكە جەتتى. بۇل – مەيىرىمنىڭ كاسىپقوي بوكستاعى 14-ءشى جەڭىسى.
ايتا كەتەيىك, جەرلەسىمىز ەڭ كەيىنگى جەكپە-جەگىن 2019 جىلدىڭ 2 قاراشاسىندا لاس-ۆەگاستا (اقش, نەۆادا شتاتى) وتكىزىپ, مەكسيكالىق كريستيان وليۆاستان باسىم تۇسكەن ەدى.
