ۇسىنىقتى ەتسەڭ, سۋ دا ۇلتتىق ماقتانىش

گرۋزيا پرەمەر-ءمينيسترى نيكولوز گيلاۋريدىڭ قازاق­ستانعا جۋىرداعى ساپارى جەمىسسىز بولمايتىن سىڭاي­لى. ەكى ەل كاسىپكەرلەرى اراسىندا ەكونوميكالىق قارىم-قاتىناس­تاردى ءارى قاراي دامىتۋعا قىزىعۋشىلىق بارى بايقالادى. الماتىدا وسى باستاما­لار­عا قاتىستى وتكەن ءباسپاسوز ءماسلي­حاتىندا گرۋزيانىڭ قازاق­ستانداعى ەلشىسى, سونداي-اق ەكى ەلدىڭ ىسكەر توپ وكىلدەرى ەلدەر ارا­سىنداعى ەكسپورت­تى ارتتىرۋ­دىڭ الداعى باعىتتارى تۋرالى مالىمەت بەرىپ ءوتتى. گرۋزيا­­نىڭ قازاقستان­داعى ەلشىسى پااتا كالاندادزە ەكى ەلدىڭ قارىم-قاتى­ناسى وتە ءساتتى دامىپ كەلە جاتقا­نىن ناقتى ءمالى­­مەت­­تەر­مەن اتاپ, قازاق­ستان گرۋ­زيا­نىڭ نەگىزگى ەكونو­ميكالىق ءارىپ­تەستەرىنىڭ بىرىنە اينا­لىپ وتىر, دەدى. سوڭعى ءۇش جىلدا قازاق بيز­نەسى گرۋزيادا تىكەلەي ينۆەس­تيتسيا كولەمى جونىنەن الدىڭعى شەپكە شىقتى. ەكى جاقتى ەكونوميكالىق ىن­تى­ماق­تاستىقتىڭ ناقتى مىسالى­نا قۇرىلعان ءباسپاسوز ءماسليحاتىن وتكىزۋگە قازاقستاننىڭ الكوگول­سىز سۋسىندار قاۋىمداستىعى مەن ء“ىDS بورجومي-گرۋزيا” كومپا­نيا­سى مۇرىندىق بولدى. – گرۋزيا تاۋارلارى, اسىرەسە, سۋسىندارى قازاقستاندىق تۇتىنۋ­شى­لاردىڭ سۇرانىسىنا يە. اتاپ ايتقاندا, گرۋزيننىڭ بيىلعى جىلى وندىرىسىنە 120 جىل تولاتىن “بور­جومي” اراسان سۋى قا­زاق­ستان­دا تۇراقتى ساۋدا ءوسىمى­نە قول جەتكىزىپ كەلەدى, – دەدى الكو­گول­­سىز سۋسىن­دار قاۋىمداس­تى­عى­نىڭ اتقارۋشى ديرەكتورى ءاليا ابدىراحمەتوۆا. “بورجومي” ساۋدا ماركاسىنىڭ قوجايىنى ء“ىDS بورجومي-گرۋ­زيا” كومپانياسىنىڭ باس ديرەك­تورى زازا كيكۆادزەنىڭ ايتۋىنشا, داع­دارىسقا قاراماستان قازاق­ستاندا “بورجومي” اراسان سۋىنىڭ ساۋداسى ءجۇرىپ تۇر. “قازىرگى تاڭدا “بورجومي” سۋى قازاقستاندا شەتەل­دىك اراسان سۋسىندار ءىشىن­دە ەڭ كوپ تارالدى, ول رىنوكتا 80 پايىز­دان استام كورسەتكىشكە يە. ءبىز ءۇشىن “بورجومي” – رىنوكتا ۇلكەن سۇرا­نىسقا يە ءونىم عانا ەمەس, سونىمەن بىرگە بۇكىل الەمگە تانى­مال جانە ۋاقىت سىنىنان وتكەن سۋ رەتىندە ۇلتتىڭ ماقتانىشى. ءبىز ءاربىر قۇتىعا اراسان سۋدى بورجومي القابىن­داعى بۇلاق كوزىنەن تىكەلەي قۇيامىز جانە ونى قازاقستانداعى تۇتىنۋشىعا ەرەكشە ىلتيپاتپەن ۇسى­نامىز, – دەيدى كيكۆادزە مىر­زا. – گرۋزيا “بورجو­مي” سۋى تالعا­مى كۇشتى قازاق­ستاندىق تۇتى­نۋ­شىنىڭ سۇرانىسىنا يە بولعانىمەن ماقتانا الادى”. ەلىمىزدەگى “بورجومي” سۋىنىڭ رەسمي ديستريبيۋتەرى “Food Trade House” جشس كومپانياسىنىڭ دي­رەك­تورى نۇرجان قوجا­مۇرا­توۆ­تىڭ ايتۋىنشا, وتكەن جىلى قازاق­ستاندا اراسان سۋلار رىن­وگى 250 ميلليون ءليتردى قۇرا­عان, بۇل 2008 جىل­عى كورسەتكىشتەن 11 پايىز ءتو­مەن. بىراق, اراسان سۋدى تۇتىنۋ كور­سەتكىشى ءتۇس­كەن­دىگىنە قاراماستان, “بور­جومي” برەن­دى ەلدىڭ بارلىق ايماقتارىندا ساۋداسى تۇراقتى تۇردە ءوسىپ وتىر. گرۋزيانىڭ جوعارى ساپا­لى اراسان سۋىنىڭ ءدارۋ­مەندىك قا­سيەتتەرى جايلى قازاق تاعامتانۋ اكا­دەميا­سىنىڭ ۆيتسە-پرەزيدەنتى, پرو­فەس­سور يۋري سينياۆ­سكي دە ايتىپ بەردى. سوناۋ 1890 جىلى بورجومي قالاسىندا العاشقى “بورجومي” سۋىن دايىنداپ شىعارعان اراسان سۋلار زاۋىتى جۇمىس ىستەي باستاعان. العاشقى قۇيما زاۋىتى مينەرالدى سۋلار سايابا­عىندا ورنا­لاسىپ, وعان رومانوۆ­تار اۋلەتى قو­جا­لىق ەتكەن. 1900 جىلى بور­جو­ميلىك اراسان سۋ ءوندىرىسى جىلى­نا 1 ميلليون شولمەك­تەن اسىپ جى­عىلادى. سودان بەرى سۋ دۇنيەنىڭ ءتورت بۇرىشىنا تانىمال بولىپ, قازىر ول الەمنىڭ 30 ەلىنە ەكس­پورت­تالادى. جاقىندا “بور­جو­مي” ۇلىبريتانيا, تۇركيا رىنوگى­نا شىعارىلعان. سول سياقتى, بيىل تاياۋ شىعىس ەلدەرىنە ەكسپورتتاۋ ۇلعايتىلادى دەپ جوسپارلانىپ وتىر. ءبىزدىڭ ەلىمىز بۇل سۋدى 60 جىل­دان بەرى ءىشىپ كەلەدى. تاۋەلسىز قازاق­ستانعا “بورجومي” رەسمي تۇردە 1999 جىلدان بەرى ەكسپورت­تالۋدا. عالىمداردىڭ زاماناۋي زەرت­تەۋلەرىنە كوز سالساڭىز, ادام كۇنىنە شامامەن ءۇش ليتر سۇيىق­تىق ءىشۋى كەرەكتىگى ايتىلادى. سونىڭ كوپ بولىگىن اۋىز سۋ قۇرايدى. قازاقتاندا اۋىز سۋ جانە اراسان سۋلاردى قولدانۋ كورسەت­كىشى جىلىنا جان باسىنا شاققاندا 30 ليتردەن اسپايدى. ال يتاليا تۇرعىندارى جى­لىنا شامامەن 116 ليتر اۋىز سۋ تۇتىنادى ەكەن. ايناش ەسالي.