تəۋەلسىزدىك كۇنى مەرەكەسىنە وراي ءوڭىردىڭ بارلىق دەپارتامەنت, باسقارما قىزمەتكەرلەرى اراسىندا وتكەن ءىس-شاراعا وبلىس اكىمىنىڭ ورىنباسارى ساكەن قالقامانوۆ قاتىسىپ, سپورتشىلارعا ساتتىلىك تىلەدى. جاسىل الاڭعا شىققان 100-گە جۋىق مەملەكەتتىك قىزمەتشى وزدەرىنىڭ سپورتتا دا وسال ەمەس ەكەندىكتەرىن كورسەتتى. سايىسقا قاتىسۋشىلار اراسىندا بارلىق ساقتىق شارالارى قاتاڭ ساقتالعانىن ايتا كەتەلىك. ءتورت اشىق الاڭدا قاتار وتكەن كىشى فۋتبول دوداسىندا بارلىق كوماندا جەڭىمپاز اتانۋعا بارىن سالدى. تارتىستى وتكەن ويىندار ناتيجەسىندە وبلىستىق ادامي الەۋەتتى دامىتۋ باسقارماسىنىڭ قۇراما كومانداسى ءبىرىنشى ورىندى جەڭىپ السا, كۇمىس جۇلدەنى وبلىستىق جۇمىسپەن قامتۋدى ۇيلەستىرۋ جəنە əلەۋمەتتىك باعدارلامالار باسقارماسى قىزمەتكەرلەرى يەلەندى. ال, قوعامدىق دەنساۋلىق باسقارماسىنىڭ كومانداسى قولا جۇلدەگەر اتاندى. جۇلدەگەرلەر مەن ۇزدىكتەرگە ارنايى ديپلومدار جانە مەدالدار تابىس ەتىلدى. جارىس جەڭىمپازدارىن ماراپاتتاعان وبلىسى اكىمىنىڭ ورىنباسارى ساكەن قالقامانوۆ مۇنداي سپورتتىق سايىستاردىڭ ءار اپتا سايىن ءداستۇرلى تۇردە وتكىزىلىپ تۇراتىنىن جەتكىزدى. «الەمدى شارپىعان پاندەميا بيىلعى جىلى بىرقاتار سپورتتىق شارالاردى ۇيىمداستىرۋعا كەرى ءاسىرىن تيگىزدى. سونىڭ سالدارىنان مەملەكەتتىك قىزمەتكەرلەر اراسىندا بۇقارالىق سپورت تۇرلەرىنەن وتكىزىلەتىن جارىستار كەيىنگە شەگەرىلىپ كەلگەنىن جاقسى بىلەسىزدەر. مىنە, بۇگىن وبلىسىمىزدىڭ باس سانيتارىنىڭ قاۋلىسىنا سايكەس, وسىنداي سپورتتىق شارالاردى وتكىزۋگە رۇقسات ەتىلىپ وتىر. مەملەكەتتىك قىزمەتكەرلەردىڭ دەنساۋلىعىن جاقسارتۋ, سالاۋاتتى ءومىر سالتىن قالىپتاستىرۋ ماقساتىندا مۇنداي سپورتتىق سايىستار الداعى اپتالاردا دا ءوز جالعاسىن تاباتىن بولادى. ناقتىراق ايتساق, الداعى اپتادا مەملەكەتتىك قىزمەتكەرلەردىڭ قىزدار كوماندالارى اراسىندا ۆولەيبولدان وبلىس بىرىنشىلىگىن وتكىزۋدى جوسپارلاپ وتىرمىز», دەدى ساكەن امانگەلدى ۇلى.
