قوعام • 05 جەلتوقسان، 2020

الماتىدا كارانتين تالابىن بۇزعاندارعا 70 ملن تەڭگەدەي ايىپپۇل سالىندى

16 رەت كورسەتىلدى

كارانتين رەجىمى مەن سانيتارلىق-ەپيدەميالىق نورمالارىنىڭ ساقتالۋىن باقىلايتىن الماتىنىڭ 32 مونيتورينگتىك توبى كۇن سايىن زاڭ بۇزۋشىلىقتاردى انىقتاپ وتىر، دەپ حابارلايدى Egemen.kz.

8 قاراشا مەن 3 جەلتوقسان ارالىعىندا 504 مونيتورينگ شارالارى جۇرگىزىلدى، ونىڭ باراسىندا مونيتورينگ جۇيەسىنە كىرەتىن جالپى سانى 4 108 نىسان قامتىلدى. سونىڭ ناتيجەسىندە كارانتين شارالارىن بۇزۋدىڭ 945 فاكتىسى انىقتالدى.

سونىمەن قاتار مونيتورينگتىك توپتاردىڭ جۇمىسى دەمالىس كۇندەرى كۇشەيەدى: شەكتەۋ شارالارىن بۇزۋ فاكتىلەرىن انىقتاۋ ماقساتىندا كەيبىر جەكەلەگەن جەرلەردى قاداعالاۋ جۇمىستارى جۇرگىزىلەدى.

مونيتورينگتىك توپتار جۇرگىزگەن تەكسەرىستەر ناتيجەسىندە كەلەسى شارالار قابىلداندى: كارانتين شارالارى ساقتالماعانى ءۇشىن اكىمشىلىك قۇقىقبۇزۋشىلىق جونىندە 770 حاتتاما تولتىرىلدى. جالپى سوماسى 67،5 ملن تەڭگەگە زاڭدى تۇلعالارعا 170 جانە جەكە تۇلعالارعا 530 ايىپپۇل سالىندى. جۇيەلى بۇزۋشىلىقتار بويىنشا 13 ماتەريال سوتقا بەرىلدى.

الماتى قالاسىنىڭ مامانداندىرىلعان اۋدانارالىق اكىمشىلىك سوتىنا اۋداندار بويىنشا تومەندەگىدەي ماتەريالدار جىبەرىلدى:
- مەدەۋ اۋدانىندا 9 شۇعىل حابارلاما بويىنشا 5 ماتەريال («مانانا» مەيرامحاناسى، «وترار بار» جشس، «تسەنترال» ءدامحاناسى، «Hookah Dreams» لاۋندج-بارى، «نەبو» رەستو-بارى);
- تۇركسىب اۋدانى بويىنشا 3 ماتەريال («رايانا» مەيرامحاناسى يلاحۋنوۆ جك، «اتلانتيس» بيليارد كلۋبى بيجانوۆ ر.م. جك، «پروۆانس» ءدامحاناسى);
- المالى اۋدانى بويىنشا 3 ماتەريال («اراگوستا»، «دەگيرمەن» ءدامحاناسى، «دورەمي» كاراوكەسى);
- اۋەزوۆ اۋدانى بويىنشا 2 ماتەريال («مياتا» لاۋندج-بارى، «الماتى» كاراوكە-بارى).

ەستەرىڭىزگە سالا كەتەيىك، شەكتەۋ شارالارى مەن سانيتارلىق ەرەجەلەردى جۇيەلى تۇردە (2-3 رەت) جانە قاساقانا بۇزۋ فاكتىلەرى انىقتالعان جاعدايدا ماتەريالدار اۋماقتىق پروكۋرورلارعا اقبتك-ءنىڭ 462-بابىنىڭ 3-تارماعى بويىنشا قۇقىق بۇزۋشىلاردى تارتۋ جانە سوتقا بەرىپ، ءىس قوزعاۋ ءۇشىن بەرىلەدى. زاڭناماعا سايكەس، قۇقىق بۇزۋشىلاردىڭ جاۋاپكەرشىلىگى ۇيىمنىڭ قىزمەتىن توقتاتۋعا دەيىن قاراستىرىلعان.

سوڭعى جاڭالىقتار

ۇقساس جاڭالىقتار