ۇزاق ىرىكتەۋ جانە كەلىسۋ پروتسەسىنىڭ قورىتىندىلارى بويىنشا كونسەنسۋسقا قول جەتكىزىلدى جانە ونلاين-رەجيمدە ءوتىپ جاتقان ەقىۇ سىمك بارىسىندا جاڭا باسشىلار سايلاندى.
سايلاۋ پروتسەسىنىڭ باسىنان باستاپ نەگىزگى لاۋازىمداردىڭ ءبىرى – ەقىۇ از ۇلتتار ىستەرى جونىندەگى جوعارعى كوميسسارى (ەىقۇ اۇجك) – قازاقستان ءوزىنىڭ شۆەتسياداعى ەلشىسى قايرات ءابدىراحمانوۆتىڭ كانديداتۋراسىن ۇسىندى.
ەلشى ق.ءابدىراحمانوۆتىڭ كانديداتۋراسىن ەقىۇ-عا قاتىسۋشى ەلدەر وڭ قابىلدادى, بۇل ءبىزدىڭ ەلىمىزگە باسقا ۇمىتكەرلەرمەن اشىق كونكۋرستا ءبىزدىڭ كانديداتۋرامىزدىڭ اينالاسىندا كەڭ كونسەنسۋس قالىپتاستىرۋعا مۇمكىندىك بەردى. قازاقستاندىق ديپلوماتتىڭ سىرتقى ىستەر ءمينيسترى, بۇۇ جانىنداعى جانە ەقىۇ جانىنداعى قر تۇراقتى وكىلى لاۋازىمىندا ايتارلىقتاي ديپلوماتيالىق جۇمىس تاجىريبەسى بار.
بۇعان دەيىن تمد جانە ورتالىق ازيانى قوسا العاندا, «ۆەنادان شىعىسقا» قاراي ورنالاسقان ەلدەردىڭ وكىلدەرى ەشقاشان ەقىۇ باسشىلىعىنىڭ قۇرامىندا بولماعانىن اتاپ ءوتۋ ماڭىزدى. قازاقستاننىڭ كوپۇلتتى جانە كوپكونفەسسيالى قوعامداعى بەيبىتشىلىك پەن كەلىسىمدى قولداۋ جونىندەگى تاجىريبەسى ناق وسى قازاقستاندىق كانديداتتى تاڭداۋعا ىقپال ەتكەنى ءسوزسىز.
