ايماقتار • 04 جەلتوقسان، 2020

ءبىر تۇندە بەس ماس جۇرگىزۋشى انىقتالدى

9 رەت كورسەتىلدى

الماتى قالاسىنىڭ پوليتسەيلەرى  مەملەكەتتىك ءنومىرى جوق، جالعان نومىرلەر تاعىلعان جانە قوزعالتقىشىنىڭ داۋىسى قاتتى شىعاتىن كولىكتەردى انىقتاۋ بويىنشا رەيدتەر وتكىزۋدە، – دەپ حابارلايدى Polisia.kz.

قالالىق اكىمشىلىك پوليتسيا قىزمەتكەرلەرىنىڭ مالىمەتتەرىنە سايكەس ساپتىق بولىنىستەر جول قوزعالىسى ەرەجەلەرىن ورەسكەل بۇزۋشىلاردى انىقتاۋ بويىنشا جۇمىستى كۇشەيتتى.

– وسى كۇندەرى قالادا رەيدتەر وتكىزىلۋدە. پاترۋلدىك پوليتسيا مەن مامانداندىرىلعان باتالوننىڭ جەكە قۇرامى جالعان نومىرلىك بەلگىلەرمەن جۇرگەن، مەملەكەتتىك تىركەۋ نومىرلەرى جوق، تەرەزەلەرىن قاراڭعىلاعان، سونداي-اق كولىكتەردى زاڭسىز قايتا جابدىقتاعانداردى ۇستاۋعا باعدارلاندى. سونىمەن قاتار كولىك قۇرالدارىن الكوگولدىك ماس كۇيىندە باسقارۋ فاكتىلەرىنە ەرەكشە نازار اۋدارىلۋدا. جۇرگىزۋشىلەردىڭ اراسىندا جول قوزعالىسىنا قاتىسۋشىلاردىڭ ءومىرى مەن دەنساۋلىعىنا قاۋىپ توندىرەتىندەر ءالى دە ازايار ەمەس، – دەدى الماتى قالالىق پوليتسيا دەپارتامەنتى باستىعىنىڭ ءبىرىنشى ورىنباسارى نۇرلان الماسبەكوۆ.

پوليتسيا قىزمەتكەرلەرى تەك وتكەن تاۋلىكتە عانا قالا جولدارىندا ماس كۇيىندە كولىك جۇرگىزگەن بەس جۇرگىزۋشىنىڭ ۇستالعاندىعىن، ولاردىڭ ەكەۋىنىڭ وسىعان دەيىن كولىك باسقارۋ قۇقىعىنان ايىرىلعانىمەن، ماس كۇيىندە كولىك تىزگىنىنە قايتا  وتىرعانىن اتاپ ءوتتى. تاعى ءبىر جۇرگىزۋشى جالعان نومىرلىك بەلگى قولدانعانى ءۇشىن جاۋاپقا تارتىلدى.

سونىمەن قاتار وتكەن تاۋلىكتە اۆتوكولىك تەرەزەلەرىن قاراڭعىلاۋدىڭ 18 فاكتىسى، اۆتوكولىك قۇرالدارىن قۇجاتسىز جۇرگىزۋدىڭ 23 فاكتىسى، اپاتتىق جاعداي تۋىنداتۋدىڭ 4 فاكتىسى، قارسى جولاققا شىعىپ كەتۋدىڭ 2 فاكتىسى جانە ت.ب. قۇقىق بۇزۋشىلىقتار انىقتالعان.

سوڭعى جاڭالىقتار

دوللار ارزانداپ جاتىر

ەكونوميكا • بۇگىن، 11:37

قالادا قار بورايدى...

ايماقتار • بۇگىن، 10:47

ۇقساس جاڭالىقتار