قازاقستان • 04 جەلتوقسان، 2020

"قازاقتەلەكوم" اتىنان جالعان سايت اشقاندار قازاقستاندىقتاردى الداعان

11 رەت كورسەتىلدى

قازاقستاندا «قازاقتەلەكوم» اق اتىنان ارەكەت ەتەتىن جاڭا فيشينگتىك سايت اشىلدى. پايدالانۋشىلارعا ەلدى مەكەندەرى، تۇرعىندارى 200 گيگابايت تەگىن ينتەرنەت-ترافيك بەرىلەتىن قالالار تىزىمىندە بار-جوعىن «تەكسەرۋ» ۇسىنىلادى. وسىدان كەيىن پايدالانۋشىلارعا بونۋس الۋ ءۇشىن تەلەفون نومەرلەرىن ەنگىزۋ ۇسىنىلادى.

شىن مانىندە، بۇل فيشينگتىك سايت. «قازاقتەلەكوم» اق رەسمي پورتالىندا مۇنداي اكتسيالار تۋرالى ەشقانداي مالىمەت جوق.

– بۇل سىلتەمە جالعان، قازىرگى ۋاقىتتا كومپانيانىڭ قاۋىپسىزدىك قىزمەتى جانە وزگە قۇرىلىمدىق بولىمشەلەر بارلىق ءتيىستى شارالاردى قابىلداپ، پورتالدى تەكسەرۋدە. كەلتىرىلگەن قولايسىزدىقتار ءۇشىن كليەنتتەرىمىزدەن كەشىرىم سۇرايمىز جانە ءبىزدىڭ كومپانيانىڭ رەسمي اقپاراتى تەك telecom.kz پورتالىندا عانا جاريالاناتىنىن ەسكە سالامىز،- دەپ حابارلادى كومپانيانىڭ PR-قىزمەتى.

ەكىنشىدەن، سايتتىڭ جالعان ەكەندىگىن ونىڭ قاراپايىم ديزاينىنان، سەرۆەرمەن قورعالعان ينتەرنەت بايلانىسىنىڭ جوقتىعىنان جانە اعىلشىن ءتىلدى پايدالانۋشىلار قالدىرعان وڭ پىكىرلەردەن بايقاۋعا بولادى. ەسەسىنە، «قازاقتەلەكوم» تەك قازاقستان اۋماعىندا عانا پروۆايدەر بولىپ تابىلادى.
فيشينگتىك سايتتار – بۇل الاياقتارعا پايدالانۋشىلاردىڭ جەكە دەرەكتەرىن، ونىڭ ىشىندە تولەم كارتالارى جانە بانكتىك شوتتارى تۋرالى اقپاراتتى ۇرلاۋعا مۇمكىندىك بەرەتىن ينتەرنەت-پلاتفورمالار. كيبەر الاياقتىقتىڭ بۇل ءتۇرى جانە ونى بولدىرماۋ جولدارى تۋرالى تولىعىراق مىنا جەردەن وقي الاسىز.

سوڭعى جاڭالىقتار

دوللار ارزانداپ جاتىر

ەكونوميكا • بۇگىن، 11:37

قالادا قار بورايدى...

ايماقتار • بۇگىن، 10:47

ۇقساس جاڭالىقتار