تاعايىنداۋ • 04 جەلتوقسان، 2020

ماڭعىستاۋ وبلىسىنىڭ تج دەپارتامەنتىندە جاڭا باسشى تاعايىندالدى

30 رەت كورسەتىلدى

ماڭعىستاۋ وبلىسىنا قازاقستان رەسپۋبليكاسىنىڭ توتەنشە جاعدايلار ۆيتسە-ءمينيسترى مەرەكە پشەمباەۆ جۇمىس ساپارىمەن كەلدى، دەپ حابارلايدى Egemen.kz توتەنشە جاعدايلار مينيسترلىگىنىڭ ءباسپاسوز قىزمەتىنە سىلتەمە جاساپ.

مەرەكە پشەمباەۆتىڭ قاتىسۋىمەن ماڭعىستاۋ وبلىسى توتەنشە جاعدايلار دەپارتامەنتىنىڭ جاڭادان تاعايىندالعان باستىعى ازاماتتىق قورعاۋ پودپولكوۆنيگى مۇرات مۋحانوۆتى جەكە قۇرامىنا تانىستىرۋ جونىندەگى كەڭەس بولىپ ءوتتى. سونداي-اق اتالعان كەڭەسكە ماڭعىستاۋ وبلىسى اكىمىنىڭ ورىنباسارى باقىتجان  كاچاكوۆ قاتىستى.

مۇرات سەيتمولدا ۇلى مۇحانوۆ ماڭعىستاۋ وبلىسىندا تۋىپ، وسكەن. 2006 جىلى قر تجم كوكشەتاۋ تەحنيكالىق ينستيتۋتىن ءبىتىرىپ، 2020 جىلى رف تج جانە اپات سالدارىن جويۋ، ازاماتتىق قورعاۋ ءىسى بويىنشا  رف مينيسترلىگىندەگى مەملەكەتتىك ورتكە قارسى قىزمەتىنىڭ  سانكت–پەتەربۋرگ ۋنيۆەرسيتەتىن ءبىتىرىپ شىقتى. 

ءوز قىزمەتىن 2006 جىلى ماڭعىستاۋ وبلىسى توتەنشە جاعدايلار دەپارتامەنتىنىڭ ينجەنەرى قىزمەتىنەن باستادى. 2006 جىلدان 2010 جىلعا دەيىن مەملەكەتتىك ءورتتى باقىلاۋ باعىتى بويىنشا ءارتۇرلى لاۋازىمدا جۇمىس جاسادى. 2010 جىلى مەملەكەتتىك ءورتتى باقىلاۋ ءبولىمىنىڭ باستىعى لاۋازىمىنا، 2016 جىلى مەملەكەتتىك ءورتتى باقىلاۋ باسقارماسىنىڭ باستىعى لاۋازىمىنا جانە 2017 جىلى دەپارتامەنت باستىعىنىڭ ورىنباسارى لاۋازىمىنا  تاعايىندالدى.

جۇمىس ساپارى بارىسىندا ۆيتسە-مينيستر رەسپۋبليكالىق بيۋدجەتتەن بولىنگەن قارجى ەسەبىنەن الىنعان جاڭا ءورت ءسوندىرۋ تەحنيكاسىمەن تانىسۋ ءۇشىن اقتاۋ قالاسىنىڭ № 1 مامانداندىرىلعان ءورت ءسوندىرۋ بولىمىنە باردى. سونىمەن قاتار اقتاۋ قالاسى پريمورسكي-1 شاعىن اۋدانى № 11 تەلىمدە ورنالاسقان 1-ساناتتى سۋدا-قۇتقارۋ ستانتسياسىنىڭ جانە مۇنايلى اۋدانى باسقۇدىق اۋىلىنداعى 2 شىعىسقا ارنالعان جاڭا ءورت ءسوندىرۋ دەپوسىنىڭ قۇرىلىسىمەن تانىستى. 

سوڭعى جاڭالىقتار

دوللار ارزانداپ جاتىر

ەكونوميكا • بۇگىن، 11:37

قالادا قار بورايدى...

ايماقتار • بۇگىن، 10:47

ۇقساس جاڭالىقتار