ايماقتار • 04 جەلتوقسان، 2020

الماتىداعى "Avtodom-دا" مامانداندىرىلعان حقو بۇرىشى اشىلدى

23 رەت كورسەتىلدى

ەندىگى جەردە "Avtodom" اۆتوكەشەنىنىڭ اۆتوكولىك ساتىپ الۋشىلارى كولىك قۇرالىن مامانداندىرىلعان حالىققا قىزمەت كورسەتۋ ورتالىعىنا بارماي-اق تىركەي الادى، دەپ حابارلايدى Egemen.kz

ويتكەنى، وڭتۇستىك استانانىڭ ساتباەۆ كوشەسى، 90/21 مەكەن-جايىنداعى "Avtodom" ساۋدا ورتالىعىندا اۆتوكولىكتى تىركەۋ بويىنشا مەملەكەتتىك قىزمەتتەردى كورسەتەتىن مامانداندىرىلعان حقو-نىڭ شاعىن بۇرىشى اشىلدى.

مامانداندىرىلعان حقو بۇرىشىنىڭ اشىلۋىنا "ازاماتتارعا ارنالعان ۇكىمەت» مەملەكەتتىك كورپوراتسياسى الماتى قالاسى بويىنشا فيليالىنىڭ ديرەكتورى دانيار قىرىقباەۆ، قر مەملەكەتتىك قىزمەت ىستەرى اگەنتتىگىنىڭ الماتى قالالىق دەپارتامەنتىنىڭ باسشىسى داستان سەكەنوۆ، "Best24" جشس (Carnac Motors) ديرەكتورى ءامىر ءورىسوۆ، "ADK Property Development" جشس ديرەكتورى المات قۇرمانعازيەۆ،  قوعامدىق بىرلەستىكتەر مەن باسقا دا "Avtodom" جشس وكىلدەرى قاتىستى.

"ازاماتتارعا ارنالعان ۇكىمەت" مەملەكەتتىك كورپوراتسياسىنىڭ الماتى قالالىق فيليالىنىڭ ديرەكتورى دانيار قىرىقباەۆتىڭ ايتۋىنشا، كولىك قۇرالدارىن قايتا تىركەۋ قىزمەتتەرى – الماتىلىقتار مەن قالا قوناقتارى اراسىندا سۇرانىسقا يە. سوندىقتان فيليال 2019 جىلدان باستاپ اۆتوسالوننان كولىك ساتىپ الۋشىلاردى مامانداندىرىلعان حقو-عا كەلتىرمەي-اق، قىزمەت كورسەتۋ ءۇردىسىن قولعا العان.

"قاناتقاقتى جوبا سالونداردان  كولىك ساتىپ الاتىن ازاماتتار ءۇشىن وتە ىڭعايلى بولعانىن كورسەتتى. وسى جوبانىڭ قولايلىلىعىن بايقاعان "Avtodom" جشس باسشىلىعى دا وزدەرىندە محقو بۇرىشىن اشۋدى ۇسىندى.ءبىز بۇل باستامانى قولداپ، بۇگىن مەملەكەتتىك قىزمەتتەردى ءوز بەتىنشە الۋ ءۇشىن 2 ورىن جانە كولىكتى قايتا تىركەۋ ءۇشىن ءبىر مامان ورنالاستىردىق"، دەيدى قىرىقباەۆ.

ۇيىمداستىرۋشىلاردىڭ ايتۋىنشا، گيپەرماركەت اۋماعىندا مەملەكەتتىك قىزمەت كورسەتۋ – كەشەننىڭقىزمەت سپەكترىن ۇلعايتادى جانە قىزمەت الۋشىلارعا قولايلى جاعداي جاسايدى، ولاردىڭ ۋاقىتى مەن قاراجاتىن ۇنەمدەيدى.

ەستەرىڭىزگە سالا كەتەيىك، وسى ۋاقىتقا دەيىن الماتى اۆتوسالوندارىندا 3 شاعىن مامانداندىرىلعان حقو جۇمىس ىستەگەن بولاتىن. ولاردىڭ ىشىندە ALLUR AUTO، Astana Motors، Aster Auto بار. وندا اتالعان قىزمەت كورسەتۋ بولىمشەلەرى اشىلعان ساتتەن باستاپ، اۆتوكولىكتى قايتا تىركەۋ بويىنشا 11 مىڭنان استام قىزمەت كورسەتىلدى.

سوڭعى جاڭالىقتار

دوللار ارزانداپ جاتىر

ەكونوميكا • بۇگىن، 11:37

قالادا قار بورايدى...

ايماقتار • بۇگىن، 10:47

ۇقساس جاڭالىقتار