پرەزيدەنت • 04 جەلتوقسان، 2020

پرەزيدەنتكە ۆيرۋسقا قارسى وتاندىق ۆاكتسينانى ازىرلەۋ بارىسى باياندالدى

39 رەت كورسەتىلدى

مەملەكەت باسشىسى پرەمەر-مينيستر اسقار ءماميندى قابىلدادى، دەپ حابارلايدى Egemen.kz اقوردانىڭ ءباسپاسوز قىزمەتىنە سىلتەمە جاساپ.

قاسىم-جومارت توقاەۆقا كوروناۆيرۋس ىندەتىنە قارسى وتاندىق ۆاكتسينانىڭ ازىرلەنۋ بارىسى تۋرالى باياندالدى.

پرەمەر-مينيستر پرەزيدەنتكە 29 قاراشا كۇنى كلينيكالىق سىناقتاردىڭ 1 جانە 2-كەزەڭدەرىنىڭ اياقتالعانى تۋرالى مالىمدەدى. اسقار ءماميننىڭ ايتۋىنشا، ۆاكتسينانىڭ كەرى اسەرى انىقتالعان جوق جانە ونىڭ جوعارى تيىمدىلىگى تىركەلدى. 25 جەلتوقساننان باستاپ كلينيكالىق سىناقتاردىڭ 3-ءشى كەزەڭىندە اتالعان ۆاكتسينا 3 مىڭ ەرىكتىگە ەگىلەدى. سىناقتار تولىعىمەن 2021 جىلى ناۋرىزدىڭ سوڭىنا قاراي اياقتالادى.  

سونىمەن قاتار مەملەكەت باسشىسىنا وسى جىلدىڭ سوڭىنا دەيىن 2 ميلليون مولشەر كولەمىندەگى وتاندىق ۆاكتسينانىڭ العاشقى پارتياسى شىعارىلاتىنى تۋرالى اقپارات بەرىلدى.

مەملەكەت باسشىسىنىڭ رەسەي پرەزيدەنتى ۆلاديمير پۋتينمەن جاساعان كەلىسىمىنە سايكەس وسى جىلدىڭ 22 جەلتوقسانىنان باستاپ قازاقستاندا رەسەيلىك "سپۋتنيك V" ۆاكتسيناسىن ءوندىرۋ قولعا الىنادى. 2021 جىلدان باستاپ تۇرعىندارعا ەرىكتى تۇردە جاپپاي ۆاكتسينا ەگۋ جوسپارلانىپ وتىر. العاشقى كەزەڭدە تۇرعىنداردىڭ اۋرۋدى جۇقتىرۋ قاۋپى جوعارى توبى، ياعني دارىگەرلەر، پەداگوگتار، كۇشتىك قۇرىلىمداردىڭ قىزمەتكەرلەرى قامتىلادى.  

قاسىم-جومارت توقاەۆ اسقار مامينگە وتاندىق ۆاكتسينا وندىرىسىنە قاتىستى بەرىلگەن تاپسىرمانى جەدەل ورىنداعانى ءۇشىن العىس ءبىلدىرىپ، ءدارىنىڭ تيىمدىلىگىنە باسا ءمان بەرۋدى جانە تۇرعىندارعا قول جەتىمدى بولۋىن باقىلاۋدا ۇستاۋدى تاپسىردى.  

سوڭعى جاڭالىقتار

دوللار ارزانداپ جاتىر

ەكونوميكا • بۇگىن، 11:37

قالادا قار بورايدى...

ايماقتار • بۇگىن، 10:47

ۇقساس جاڭالىقتار