ايماقتار • 04 جەلتوقسان، 2020

تۇركىستان وبلىسىندا كامەلەتكە تولماعاندار اراسىنداعى قىلمىستار 29،9 %-عا تومەندەدى

3 رەت كورسەتىلدى

جىل باسىنان بەرى كامەلەتكە تولماعاندار اراسىنداعى قىلمىستار 29،9%-عا تومەندەگەن، دەپ حابارلايدى Egemen.kz.

قۇقىق بۇزۋشىلىقتاردىڭ الدىن-الۋ ءۇشىن تۇركىستان وبلىسىندا بىرقاتار ماڭىزدى ءىس-شارالار اتقارىلدى. وسى جانە وزگە دە وزەكتى ماسەلەلەر وبلىس اكىمى ومىرزاق شوكەەۆتىڭ توراعالىعىمەن وتكەن تۇركىستان وبلىسى اكىمدىگى جانىنداعى قۇقىق بۇزۋشىلىق پروفيلاكتيكاسى جونىندەگى ۆەدومستۆوارالىق كوميسسياسى ماجىلىسىندە قارالدى.

بەلگىلى بولعانداي، بيىلعى جىلدىڭ 10 ايىنىڭ ىشىندە اتقارىلعان ءىس-شارالار ناتيجەسىندە قۇقىق بۇزۋشىلىققا بەيىم كامەلەتكە تولماعاندار جانە بالا تاربيەسىنە نەمقۇرايدى قارايتىن 332 قولايسىز وتباسى ىشكى ىستەر ورگانىنىڭ ەسەبىنە الىندى.

قوعامدىق ءتارتىپ پەن قوعامدىق قاۋىپسىزدىكتى قامتاماسىز ەتۋ ماقساتىندا بيىلعى جىلدىڭ 10 ايىندا كوپشىلىك ورىنداردى لاستاعان، بەلگىلەنبەگەن ورىنداردا تەمەكى تارتقان، سپيرتتىك ىشىمدىك ىشكەن، ۇساق بۇزاقىلىقتار جاساعان ازاماتتارعا 6799 اكىمشىلىك حاتتاما تولتىرىلعان. جۇمىس كۇشەيتىلىپ، كورسەتكىش وتكەن جىلمەن سالىستىرعاندا 3 ەسە ارتقان.

تۇركىستان وبلىسىندا قوعامدىق ورىنداردى، كوشەلەردى جانە باسقا دا قىلمىس كوپ ورىن الاتىن جەرلەردى ساپالى جانە زاماناۋي بەينەباقىلاۋ جۇيەلەرىمەن جابدىقتاۋ جۇمىستارى جالعاسادى.

قوعامدىق رەزونانس تۋدىراتىن الاياقتىق قىلمىس تۇرلەرىنىڭ ءبىرى – قارجى پيراميدالارىن قۇرۋ. ىشكى ىستەر دەپارتامەنتىنىڭ مالىمەتىنە سايكەس، بيىل  وبلىس اۋماعىندا قارجى پيراميداسىن قۇرۋدىڭ 3 دەرەگى انىقتالعان. اتاپ ايتقاندا، شامامەن 1947 سالىمشىسى بار «Gold Company LTD» (شامامەن 597 ملن تەنگەگە شىعىن كەلتىرگەن) جانە شامامەن 650 سالىمشىسى بار «ميللەنيۋم» (شامامەن 1،755 ملرد تەنگەگە شىعىن كەلتىرگەن) قارجى پيراميدا قۇرۋشىلارى قۇرىقتالىپ، قىلمىستىق ىستەرى سوتقا جولدانعان. قازىرگى تاڭدا وسى تارىزدەس «Indigo-24 Evolution» قارجى پيراميداسىن قۇرۋشىلار انىقتالىپ، سوتقا دەيىنگى تەرگەپ تەكسەرۋ جۇمىستارى جۇرگىزىلۋدە.

سوڭعى جاڭالىقتار

دوللار ارزانداپ جاتىر

ەكونوميكا • بۇگىن، 11:37

قالادا قار بورايدى...

ايماقتار • بۇگىن، 10:47

اكادەميكتىڭ دومبىراسى

رۋحانيات • بۇگىن، 08:40

ۇقساس جاڭالىقتار