ايماقتار • 04 جەلتوقسان، 2020

سولتۇستىك قازاقستاندا قار ۇستىنە اسفالت توسەلگەن

17 رەت كورسەتىلدى

سولتۇستىك قازاقستان وبلىسىنىڭ جولاۋشىلار كولىگى جانە اۆتوموبيل جولدارى باسقارماسى قار ۇستىنە اسفالت توسەلگەنىن مالىمدەدى، دەپ حابارلايدى Egemen.kz

بيىل 27 قاراشادا قوعامدىق باقىلاۋ اياسىندا وبلىستىڭ ارنايى باقىلاۋ توبى مەن سىبايلاس جەمقورلىققا قارسى قىزمەت وكىلدەرى وبلىستىق جولداردىڭ ءۇش ۋچاسكەسىن قاراپ شىقتى.

"باقىلاۋ توبى كەپىلدىك مىندەتتەمەلەر اياسىندا مەردىگەرلەر جوياتىن كەيبىر كەمشىلىكتەردى قوسپاعاندا، كورسەتىلگەن ۋچاسكەلەردە ەلەۋلى ەرەجەبۇزۋشىلىقتاردى انىقتاعان جوق. بارلىق قابىلدانعان ۋچاسكەدە تەحنيكالىق قاداعالاۋدى جۇزەگە اسىراتىن جشس وكىلدەرى مەردىگەرلەردىڭ ەسكەرتۋلەردى جويۋ بويىنشا جۇمىسىن باقىلايدى. ايىرتاۋ اۋدانى كامەنىي برود اۋىلىنىڭ ماڭىنداعى جول ۋچاسكەسىندە اۋا رايىنىڭ قولايسىزدىعىنا بايلانىستى اسفالت توسەۋ دەرەگىنە قاتىستى وسى ۋچاسكەدەگى بارلىق جۇمىس تولىق كولەمدە جانە قۇرىلىس نورمالارىن ساقتاي وتىرىپ، وڭ تەمپەراتۋرالىق رەجيمدە شارتتا بەلگىلەنگەن مەرزىمدە ورىندالعانىن ءتۇسىندىرۋ قاجەت"، دەلىنگەن باسقارما حابارلاماسىندا.

سوڭعى جاڭالىقتار

ۇقساس جاڭالىقتار