قازاقستان رەسپۋبليكاسى تۇڭعىش پرەزيدەنتىنىڭ كۇنىنە وراي ەلباسى نۇرسۇلتان نازارباەۆتىڭ اتىنا الەمدىك ساراپتامالىق قاۋىمداستىقتاردىڭ, عالىمداردىڭ ەۋرازيا ەكونوميكالىق كلۋبىنىڭ قۇرمەتتى پروفەسسورلارى جانە نوبەل سىيلىعى لاۋرەاتتارى استانالىق كلۋبىنىڭ مۇشەلەرى اتىنان كوپتەگەن قۇتتىقتاۋلار تۇسۋدە.
قازاقستان رەسپۋبليكاسى تۇڭعىش پرەزيدەنتىنىڭ كۇنىنە وراي ەلباسى نۇرسۇلتان نازارباەۆتىڭ اتىنا الەمدىك ساراپتامالىق قاۋىمداستىقتاردىڭ, عالىمداردىڭ ەۋرازيا ەكونوميكالىق كلۋبىنىڭ قۇرمەتتى پروفەسسورلارى جانە نوبەل سىيلىعى لاۋرەاتتارى استانالىق كلۋبىنىڭ مۇشەلەرى اتىنان كوپتەگەن قۇتتىقتاۋلار تۇسۋدە.
مارك ۋزان,
جاڭارتىلعان برەتتون-ۆۋدس كوميتەتىنىڭ
اتقارۋشى ديرەكتورى.
سوڭعى ءۇش جىل ىشىندە مەن, نازارباەۆ مىرزا, سىزبەن كەزدەسۋگە مۇمكىندىك بەرىلگەن استانا ەكونوميكالىق فورۋمىنا قاتىسۋ قۇرمەتىنە يە بولدىم. مەن فورۋم كەزىندە يدەيا الماسۋدان ۇلكەن ءلاززات الدىم جانە وسىنداي اۋىر وتپەلى كەزەڭدە جاھاندىق قارجىلىق ساۋلەت ءىسىن رەفورمالاۋ قاجەتتىگىنە نازار اۋدارعانىڭىزعا تاڭعالدىم. مەن, سونداي-اق, ءسىزدىڭ ءبۇگىنگى كۇن مەن بولاشاقتىڭ ماسەلەلەرىن شەشۋ ءۇشىن بۇكىل الەم بويىنشا قاتىسۋشىلاردى تارتۋدىڭ ەڭ جاقسى پلاتفورماسى سانالاتىن داعدارىسقا قارسى باستاماڭىزعا (G-Global) ءتانتى بولدىم.
مەن ءسىزدى شىن جۇرەكتەن قۇتتىقتايمىن جانە سىزگە دەنساۋلىق, باقىت جانە ساتتىلىك تىلەيمىن. كەلەسى جىلى وتەتىن استانا ەكونوميكالىق فورۋمىندا سىزبەن كەزدەسۋدى اسىعا كۇتەمىن.
* * *
فيليپپ نوبەل,
نوبەل حالىقارالىق تۋىستىق توراعاسى,
توگرۋل باگيروۆ,
نوبەل مۇراسى باكۋ قورىنىڭ توراعاسى,
گۋستاۆ نوبەل,
نوبەل سەنىمى تراستىنىڭ توراعاسى.
ەۋرازيا قاۋىمداستىعى «نوبەل حالىقارالىق تۋىستىعى, نوبەل مۇراسى باكۋ قورى, نوبەل سەنىمى تراستى اتىنان ءبىز سىزگە 1 جەلتوقسان – تاريح ءۇشىن توتەنشە ماڭىزدى كۇنى ەڭ جاقسى تىلەكتەرىمىزدى بىلدىرگىمىز كەلەدى.
ەۋرازيا ەكونوميكالىق عالىمدار كلۋبى قاۋىمداستىعىنىڭ قىزمەتىنە جانە جىل سايىن استانا ەكونوميكالىق فورۋمى جۇمىسىنا قاتىسۋدىڭ ءوزى ۇلكەن ساتتىلىك, سوندىقتان ءبىز ءسىزدىڭ ەلىڭىزدىڭ حالىقارالىق قاۋىمداستىقتىڭ بولىگى بولا وتىرىپ, وركەندەپ كەلە جاتقانىنا تەك قانا ءوز تاڭدانىسىمىزدى جەتكىزەمىز.
جوعارى مارتەبەلى, ءسىزدىڭ وسىنداي قىسقا مەرزىمدە قول جەتكىزگەن جەتىستىگىڭىز – ۇلتتىق دەڭگەيدە عانا ەمەس, حالىقارالىق اۋقىمدا ماڭىزدى ءىس. ءبىزدىڭ پىكىرىمىزشە, ەۋرازيا ەكونوميكالىق عالىمدار كلۋبى قاۋىمداستىعى وسىنداي جەتىستىككە قول جەتكىزۋ جولىنداعى ماڭىزدى قۇرال مەن فاكتوردىڭ ءبىرى بولىپ تابىلادى!
ءبىزدىڭ ىنتىماقتاستىعىمىزدىڭ تەرەڭ تاريحى بار, سوندىقتان, ءسىزدىڭ رۋحتاندىراتىن باسقارۋىڭىزبەن بولاشاقتا ءارى قاراي دا ءوزارا ارەكەتتەستىگىمىزدى نىعايتاتىنىمىزعا كامىل سەنەمىز.
* * *
ريچارد روبەرتس,
پسيحولوگيا جانە مەديتسينا بويىنشا 1993 جىلعى نوبەل سىيلىعىنىڭ لاۋرەاتى.
1 جەلتوقسان – قازاقستان رەسپۋبليكاسى تۇڭعىش پرەزيدەنتى كۇنىن مەرەكەلەۋگە بايلانىستى سىزگە جانە قازاق حالقىنا ىزگى تىلەگىمدى قابىل الۋىڭىزدى سۇرايمىن.
مەن ءبىزدىڭ بولاشاقتا قايتا كەزدەسۋگە مۇمكىندىگىمىز بولادى دەپ سەنەمىن.
* * *
ۆيللەم كوك,
مادريد كلۋبىنىڭ پرەزيدەنتى, 1994-2002 جىلدار ارالىعىنداعى نيدەرلاندى پرەمەر-ءمينيسترى.
مەن 1 جەلتوقسان – قازاقستان رەسپۋبليكاسىنىڭ ۇلتتىق مەيرامىن مەرەكەلەۋگە بايلانىستى ءوزىمنىڭ شىنايى تىلەگىمدى بىلدىرگىم كەلەدى. مادريد كلۋبى مۇشەلەرى مەن حاتشىلىعى اتىنان مەن سىزگە جانە قازاقستان حالقىنا ماڭگىلىك اماندىق تىلەيمىن جانە ۇزاق جىلدار بويى وركەندەۋىنە تىلەكتەسپىن.
سونداي-اق, وسىنداي ماڭىزدى كۇنى ماعان سىزدەردىڭ قوناقجايلىقتارىڭىز بەن بارىنشا قولداۋ كورسەتكەندەرىڭىزگە العىس بىلدىرە وتىرىپ, ءوزىمنىڭ جانە ارىپتەستەرىمنىڭ اتىنان جىل سايىن وتكىزىلەتىن استانا ەكونوميكالىق فورۋمى جانە جاھاندىق جارىلىستارعا قارسى كۇرەسۋ ءۇشىن قۇرىلعان باسقا دا ماڭىزدى حالىقارالىق باستامالارعا ۇدايى قاتىساتىندىعىمىزدى جەتكىزۋگە رۇقسات ەتىڭىزدەر.
مەن ءبىزدىڭ ءوزارا ءتيىمدى جانە ءونىمدى ىنتىماقتاستىعىمىز ءارى قاراي نىعايا جانە تەرەڭدەي ءتۇسەتىنىنە سەنەمىن.
* * *
ادىلبەك جاقسىبەكوۆ,
قورعانىس ءمينيسترى.
قۇرمەتتى وتان قورعاۋشىلار!
سىزدەردى مەملەكەتتىك مەرەكە – قازاقستان رەسپۋبليكاسىنىڭ تۇڭعىش پرەزيدەنتى كۇنىمەن قۇتتىقتايمىن. بۇگىن ءبىزدىڭ ارميامىز ەل پرەزيدەنتى – قازاقستان رەسپۋبليكاسى قارۋلى كۇشتەرىنىڭ جوعارعى باس قولباسشىسى نۇرسۇلتان نازارباەۆتىڭ ۇنەمى قولداۋىنىڭ ارقاسىندا تمد ەلدەرى اسكەرلەرى اراسىندا كوش باستادى. ءبىزدىڭ قارۋلى كۇشتەرىمىزدىڭ قۋاتى مەن قاۋقارى حالىقارالىق جاتتىعۋلاردا جانە 2013 جىلى 7 مامىردا وتكىزىلگەن جاۋىنگەرلىك پارادتا كەڭىنەن كورسەتىلدى. سىزدەر وزدەرىڭىزدىڭ جوعارى اسكەري شەبەرلىكتەرىڭىزدى, جاۋىنگەرلىك ءوزارا ءىس-قيمىل تانىتۋداعى دەڭگەيلەرىڭىزدى, ءىس جۇزىندە ءوز ىستەرىڭىزدىڭ كاسىبي شەبەرى ءارى ناعىز پاتريوت ەكەندىكتەرىڭىزدى تانىتتىڭىزدار!
ءبىز جوعارعى باس قولباسشىمىزدىڭ: «قازاقستاندىق اسكەري قىزمەتشى ارقاشان ءپاتريوتيزمنىڭ ەتالونى جانە جاس ۇرپاققا ۇلگى بولۋعا ءتيىس», دەگەن كەڭەسىن ەستە ساقتاپ, كۇندەلىكتى باسشىلىققا الۋعا مىندەتتىمىز.
سىزدەرگە جانە سىزدەردىڭ تۋىستارىڭىزعا دەنساۋلىق, باقىت جانە وتانىمىزعا بەيبىت اسپان تىلەيمىن!
* * *
«نۇر وتان» پارتياسىنىڭ رەسمي پورتالى.
«قازاقستان رەسپۋبليكاسىنىڭ تۇڭعىش پرەزيدەنتى كۇنىمەن بارشا قازاقستاندىقتار مەن نۇروتاندىقتاردى شىن جۇرەكتەن قۇتتىقتايمىز!» دەپ جازادى پورتال.
1991 جىلعى 1 جەلتوقساندا تاۋەلسىز قازاقستاننىڭ العاشقى جالپىحالىقتىق سايلاۋى وتكەن ەدى. سوندىقتان بارىمىزگە ورتاق مەرەكەدە وتانىمىزدىڭ يگىلىگى مەن كوركەيۋى جولىندا اربىرىڭىزگە جەمىستى ەڭبەك پەن تولاعاي تابىس تىلەيمىز. شاڭىراقتارىڭىز شاتتىققا تولىپ, دەندەرىڭىز ساۋ, ىستەرىڭىز بەرەكەلى بولسىن, دەلىنگەن حابارلامادا.
