قورعانىس مينيسترلىگى قازاقستاننىڭ مەملەكەتتىك ورگاندارى اراسىندا العاشقى بولىپ Korganyz.kz-ينتەرنەت-تەلەۆيدەنيەسىن ىسكە قوستى. بۇل قازاقستان اسكەرىنىڭ وڭ بەدەلىن نىعايتۋعا باعىتتالعان جاڭا جوبا بولىپ تابىلادى.
قورعانىس مينيسترلىگى قازاقستاننىڭ مەملەكەتتىك ورگاندارى اراسىندا العاشقى بولىپ Korganyz.kz-ينتەرنەت-تەلەۆيدەنيەسىن ىسكە قوستى. بۇل قازاقستان اسكەرىنىڭ وڭ بەدەلىن نىعايتۋعا باعىتتالعان جاڭا جوبا بولىپ تابىلادى.
Korganyz.kz پورتالىنا تەك اسكەري مامانداردىڭ قىزىعۋشىلىعىن وياتىپ قانا قويماي, قارۋلى كۇشتەردىڭ كەڭ اۋديتورياعا ارنالعان تىنىس-تىرشىلىگى مەن قورعانىس مينيسترلىگىنىڭ قىزمەتى تۋرالى بەينەماتەريالدار, فوتورەپورتاجدار ورنالاستىرىلعان. بەينەقىزمەت ونلاين-تاراتىلىمدار مەن بەينەكونفەرەنتسيالار جۇرگىزۋگە, سونداي-اق, زاماناۋي تەحنولوگيالار مەن كوممۋنيكاتسيالاردىڭ ادىستەرىن نەعۇرلىم كەڭىرەك قولدانۋعا مۇمكىندىك بەرەدى.
Korganyz.kz اسكەري پارادتاردى, جاۋىنگەرلىك وقۋ-جاتتىعۋلاردى جانە وزگە دە رەسمي ءىس-شارالاردى وn-line رەجىمىندە تاراتۋدى ۇيىمداستىرۋ ءۇشىن قولدانىلادى. ونى پايدالانۋشىلار اسكەري-پاتريوتتىق تاقىرىپتاعى بەينە-فوتومۇراعاتتارعا وڭاي قول جەتكىزە الادى. سونداي-اق, قازاقستاندىقتاردىڭ كوزايىمىنا اينالعان «ايرىقشا تاپسىرما» رەاليتي-شوۋىن, قورعانىس مينيسترلىگىنىڭ باستاماسىمەن جاسالعان وزگە دە ارنايى جوبالاردى تاراتۋ جوسپارلانىپ وتىر.
Korganyz.kz – بۇل قازاقستان اسكەرىنىڭ جەتىستىكتەرى مەن اسكەري ادامداردىڭ تاعدىرىنا بەيجاي قاراي المايتىن ادامدارعا ارنالعان بەينە-پورتال.
اسكەري ينتەرەت-تەلەۆيدەنيەنى ىسكە قوسۋ قازاقستان رەسپۋبليكاسىنىڭ تۇڭعىش پرەزيدەنتى – قارۋلى كۇشتەردىڭ جوعارعى باس قولباسشىسى نۇرسۇلتان نازارباەۆتىڭ كۇنىنە ورايلاستىرىلىپ وتىر. بۇل مەرەكەنىڭ نەگىزگى يدەياسى – قوعامدى قازاقستاننىڭ تۇراقتى جانە قارقىندى دامۋىنىڭ ىرگەتاسىنا اينالعان مەملەكەت باسشىسى جۇرگىزىپ وتىرعان ساياساتتىڭ ماڭىنا توپتاستىرۋ.
ءوز ءومىرىن اسكەرمەن بايلانىستىرعان جاستار تەك كونستيتۋتسيالىق بورىشتارىمەن عانا ەمەس, سانالى تۇردەگى جەكە تاڭداۋلارى ارقىلى دا جوعارعى باس قولباسشىعا ارىپتەس بولۋ كەرەك. ناعىز ەر-ازاماتتىڭ, ءوز وتانىنىڭ پاتريوتى مەن قورعاۋشىسىنىڭ تاڭداۋى – تۋعان وتانى مەن حالقىنا جانە ونىڭ ليدەرىنە ادال بولۋ.
«ەگەمەن-اقپارات».
