امان الىپ قالدى

قىرعىزستان – بىزگە باۋىر­لاس, اعايىن ەل, سوندىقتان ءبىز بۇل ەلدەگى كۇردەلى جاعدايدى, ونىڭ دامۋ بارىسىن ەرەكشە كۇيزەلىسپەن باقىلاۋدامىز. الاي­دا, قازاقستاننىڭ ارا­اعايىن­دىق ارەكەتى قىرعىز­ستاندى ازامات سوعىسىنان امان الىپ قالدى. قازاقستاننىڭ بىتىمگەرشىلىك ارەكەتى ەلىمىزدىڭ باسشىسى نۇر­سۇلتان ءابىش ۇلى نازارباەۆتىڭ قالىپتاسقان جاعدايعا تىكەلەي ارالاسۋىنىڭ ارقاسىندا ءناتي­جەلى بولدى. ءبىزدىڭ پرەزيدەنتى­مىز­دىڭ حالىقارالىق جوعارى بەدەلىنىڭ جانە ازاماتتىق ەرلىگى­نىڭ ارقا­سىندا بۇگىن قىرعىز­ستان­داعى ساياسي داعدارىس شەشى­مىن تاپتى. بۇل ەلباسىمىزدىڭ قىرعىزستان­داعى ىشكى ساياسي جاعدايدىڭ ودان بەتەر ۋشىعۋى­نىڭ الدىن الۋعا قوسقان ۇلەسى عانا ەمەس, سونداي-اق ونىڭ تۇتاس ءبىر ايماقتاعى بەيبىتشىلىك پەن تىنىشتىقتى ساقتاۋعا باعىتتال­عان تۇراقتى دا جۇيەلى قىزمەتىنىڭ ايقىن كورىنىسى. سونىمەن قاتار, قىرعىزستان­داعى احۋالدى تۇراقتاندىرۋدا قازاقستاننىڭ قوسقان ماڭىزدى ۇلەسى ءبىزدىڭ ەلىمىزدىڭ ەقىۇ توراعاسى تۇعىرىندا اتقارعان ءتيىمدى قىزمەتىنىڭ ايعاعى بولىپ تابىلادى. نۇرلان نىعماتۋلين, “نۇر وتان” حدپ توراعاسى­­نىڭ ءبىرىنشى ورىنباسارى.