باعدارلامالار • 03 جەلتوقسان، 2020

يۋنۋس ەمرە تۇرىك مادەنيەت ورتالىعى ولەڭ وقۋدان بايقاۋ وتكىزەدى

45 رەت كورسەتىلدى

16 جەلتوقسان باۋىرلاس ەل قازاقستاننىڭ تاۋەلسىزدىك مەرەكەسىنە وراي نۇر-سۇلتانداعى  يۋنۋس ەمرە اتىنداعى تۇرىك مادەنيەت ورتالىعى "وتان جانە تاۋەلدسىزدىك" تاقىرىپتارىنا ارنالعان مانەرلەپ ولەڭ وقۋ جارىسىن ۇيىمداستىرادى، دەپ حابارلايدى Egemen.kz

تۇركيا – ەگەمەندىككە قول سوزعان قازاقستاننىڭ تاۋەلسىزدىگىن تانىعان تۇڭعىش مەملەكەت. 1991 جىلدان باستاپ ەكى ەل اراسىندا بارلىق سالادا بايلانىستار ورناپ، قارقىندى تۇردە دامىپ كەلەدى. باۋىرلاس ەكى ەل تۇركيا مەن قازاقستان كارانتين جاعدايىندا دا ءبىر-بىرىنە قولۇشىن سوزىپ، كوپجاقتى قارىم-قاتىناستارىن بوساڭسىتپادى. COVID-19 ىندەتىنە بايلانىستى جاريالانعان كارانتين يۋنۋس ەمرە تۇرىك مادەنيەت ورتالىعىنىڭ دا جۇمىس جاعدايىن وزگەرتتى. وسى سەبەپتى ورتالىق مادەني شارالارىن "جاڭا جاعدايدىڭ" فورماتى ونلاين رەجيمدە وتكىزۋدە. ورتالىق قازاقستاننىڭ قوعامدىق ومىرىندەگى اتاۋلى وقيعالار مەن مەرەكەلەرگە  ۇنەمى بەلسەنە اتسالىسىپ كەلەدى.  16 جەلتوقسان قازاقستاننىڭ تاۋەلسىزدىك مەرەكەسىنە وراي جاستارى 16-دان جاستان اسقان  ەلوردادا تۇراتىن قازاقستان ازاماتتارى قاتىسا الاتىن مانەرلەپ ولەڭ وقۋ سايىسىن وتكىزۋدى جوسپارلاپ وتىر. سايىستىڭ ماقساتى ىندەت جاعدايىندا ازاماتتاردىڭ بەلسەندىلىكتەرىن ارتتىرۋ، كوركەمسوز وقۋ شەبەرلىگىنە باۋلۋ، ادەبي شىعارمالاردىڭ تانىتىلۋىنا ۇلەس قوسۋ جانە ادامدارعا ادەمى كوڭىل كۇي سىيلاۋ بولىپ تابىلادى.

قاتىسۋشىلار ولەڭدەردى 1 مينۋتتان اسپايتىنداي ۆيدەو فورماتىندا تۇرىك مادەنيەت ورتالىعىنىڭ ەلەكتروندىق پوشتاسىنا (astana@yee.org.tr) 6 جەلتوقسانعا دەيىن جولداۋلارى ءتيىس.

قازىلار القاسى تاراپىنان ىرىكتەلىپ العاشقى وندىققا ەنگەن  ولەڭدەر ورتالىقتىڭ فەيسبۋك پاراقشاسىندا (Nur-Sultan Yunus Emre Enstitüsü @yeenursultan) 7-13 جەلتوقسان  ارالىعىندا بولىسىلەدى. ەڭ كوپ داۋىس العان ءۇش ولەڭ  جۇلدەگە يە بولادى. بايقاۋدىڭ قورىتىنداسى 14 جەلتوقساندا جاريالانادى.

مانەرلەپ ولەڭ وقۋ بايقاۋىنا قاتىسىپ العاشقى ۇشتىككە ەنگەندەر ارنايى  جۇلدەگە يە بولادى. باس جۇلدەگە يە بولعاندار 1 دەڭگەي (144 ساعات) اقىسىز،  2 ورىن %50 جەڭىلدىكپەن، ال 3 ورىنعا يە بولعاندار %30 جەڭىلدىكپەن 1 دەڭگەي تۇرىكشە كۋرسقا قاتىسىپ، سەرتيفيكات الا الادى.

سوڭعى جاڭالىقتار

بيىل 200 جاڭا مەكتەپ سالىنادى

ءبىلىم • بۇگىن، 14:47

ۇقساس جاڭالىقتار