قوعام • 03 جەلتوقسان، 2020

ەل تۇرعىندارى ازىق-ت ۇلىككە قانشا اقشا جۇمسايدى؟

18 رەت كورسەتىلدى

جىلدىڭ ەكىنشى توقسانىندا ءۇي شارۋاشىلىعىنا جۇمسالعان شىعىندار 566،3 مىڭ تەڭگەنى قۇراعان. بۇل بىلتىرمەن سالىستىرعاندا 4،2 پايىزعا ءوسىم بار ەكەنىن بايقاتادى، دەپ حابارلايدى Egemen.kz.

Ranking.kz دەرەگىنشە 500 مىڭنان استام قاراجاتتىڭ جارتىسىنان كوبى تاماق ونىمدەرىنە جۇمسالعان. ناقتىلاپ ايتار بولساق، 301،1 مىڭ تەڭگەنى ازاماتتار ازىق-ت ۇلىك الۋعا جاراتقان. بۇل دەگەنىڭىز جوعارىدا كورسەتىلگەن سومانىڭ 53،2 پايىزى.

ساراپشىلاردىڭ ايتۋىنشا، شىعىنداردىڭ باسىم بولىگىنىڭ ازىق-ت ۇلىككە جۇمسالۋى وڭ كورسەتكىش ەمەس. ويتكەنى اقش، سينگاپۋر، ۇلىبريتانيا، يرلانديا، كانادا، شۆەيتساريا، اۆستريا سياقتى ەلدەردە ازىق-ت ۇلىك كورزيناسى شىعىنداردىڭ 10 پايىزىنا دا جەتپەيتىن ورىن الادى. دامىعان ءارى باي ەلدەردە تاماققا جۇمسالعان شىعىن مولشەرى مۇلدە از بولادى. ازىرگە قازاقستان اتالعان تىزىمگە ەنە الماي كەلە جاتىر. جاقىن ارادا باسا-كوكتەپ ەنە قويار سىڭايى دا بايقالمايدى.

وڭىرلىك كورسەتكىشتەر بويىنشا، تاماققا ەڭ از اقشا جۇمسايتىن ايماق – نۇر-سۇلتان قالاسى ەكەن. ەلوردا تۇرعىندارى بۇكىل شىعىننىڭ 44،3 پايىزىن عانا ازىق-ت ۇلىككە بولگەن. سونىمەن قاتار سولتۇستىك قازاقستان جانە قوستاناي وبلىستارىندا دا كورسەتكىش جامان ەمەس: 45،3 جانە 45،5 پايىز. جالپى الىپ قاراعاندا 17 ايماقتىڭ بەسەۋى عانا شىعىنداردىڭ جالپى سوماسىنىڭ جارتىسىنان ازىن تاماققا جۇمساعان.

ال ازىق-ت ۇلىككە ەڭ كوپ اقشا جۇمسايتىن ايماقتار – تۇركىستان (65،6)، ماڭعىستاۋ (62،5) جانە اتىراۋ (61،5) وبلىستارى.

سوڭعى جاڭالىقتار

جىلجىمالى زەرتحانالار جولعا شىقتى

مەديتسينا • بۇگىن، 21:25

بيىل 200 جاڭا مەكتەپ سالىنادى

ءبىلىم • بۇگىن، 14:47

ۇقساس جاڭالىقتار