قازاقستان ەلشىسى اسقار جۇماعاليەۆ نيدەرلاند كورولى ۆيللەم-الەكساندرعا سالتاناتتى تۇردە سەنىم گراموتالارىن تاپسىردى.
راسىمنەن كەيىن "نوردەيندە" سارايىندا ديپلوماتتىڭ مونارحپەن ەكىجاقتى كەزدەسۋى ءوتتى, ونىڭ بارىسىندا تاراپتار قازاقستان مەن نيدەرلاند اراسىنداعى ساياسي, ساۋدا-ەكونوميكالىق ىنتىماقتاستىقتى ودان ءارى نىعايتۋعا باعىتتالعان باسىم ماسەلەلەردى تالقىلادى.
ەلشى ۇلى مارتەبەلى كورولدى قازاقستاننىڭ قازىرگى سىرتقى ساياساتىمەن جانە ەكونوميكالىق باستامالارىمەن تانىستىردى. ول سونداي-اق پرەزيدەنت قاسىم-جومارت توقاەۆ نيدەرلاندپەن كەشەندى ىنتىماقتاستىقتى دامىتۋعا ۇلكەن ءمان بەرەتىنىن جانە جوعارى دەڭگەيدەگى بايلانىستار ەكى ەل اراسىنداعى سەنىمدى ديالوگتىڭ بەرىك نەگىزىن قالاعانىن اتاپ ءوتتى.
ءوز كەزەگىندە كورول ۆيللەم-الەكساندر ەكى ەل اراسىنداعى ىنتىماقتاستىقتىڭ جوعارى دەڭگەيىن ايرىقشا اتاي وتىرىپ, نيدەرلاند قازاقستانمەن ساياسي جانە ەكونوميكالىق بايلانىستاردى ودان ءارى وربىتۋگە مۇددەلى ەكەنىن بەلگىلەپ ءوتتى. ول سونداي-اق 2014 جىلعى ناۋرىزدا گااگاداعى يادرولىق قاۋىپسىزدىك ءسامميتى اياسىندا قازاقستان رەسپۋبليكاسىنىڭ تۇڭعىش پرەزيدەنتى نۇرسۇلتان نازارباەۆپەن كەزدەسۋىن ەسكە ءتۇسىردى. ديپلومات ەلباسىنىڭ سول فورۋمدا سويلەگەن سوزىندە قازاقستاننىڭ يادرولىق سىناق پوليگونىن ءبىرىنشى بولىپ جاۋىپ, سونىمەن قاتار يادرولىق قارۋدان ەرىكتى باس تارتقانى تۋرالى ايتقانى تۋرالى قوستى.
وسىعان وراي, ول 2021 جىلى ن.نازارباەۆتىڭ الەمدەگى ەڭ ءىرى سەمەي يادرولىق سىناق پوليگونىن جابۋ ارقىلى قاۋىپسىز جانە ورنىقتى الەمنىڭ قالىپتاسۋىنا ەرەكشە ۇلەس قوسقان تاريحي شەشىمىنىڭ 30 جىلدىعى اتاپ وتىلەتىندىگى تۋرالى حابارلادى.
