ماسەلەن, شىعىس قازاقستان وبلىسىندا قازاقستان جول عىلىمي-زەرتتەۋ ينستيتۋتى قىزمەتكەرلەرىمەن «سەمەي - قاينار» رەسپۋبليكالىق ماڭىزى بار تاس جولىنىڭ 143 شاقىرىمىنداعى سۋ وتكىزۋ قۇبىرىن جەڭ ءادىسى ارقىلى كۇشەيتۋ جوباسىن عىلىمي-تەحنيكالىق سۇيەمەلدەۋ جۇرگىزىلۋدە.
اتالعان ءادىس قۇرىلىمداردى جول جابىندىسىن اشىپ, كولىك قوزعالىسىن توقتاتپاي-اق جوندەۋگە مۇمكىندىك بەرەدى. گيلزا, ياعني سپيرال ءتارىزدى گوفرلەنگەن مەتالدان جاسالعان قۇبىر سۋ وتكىزۋ قۇبىرىنىڭ ىشىنە ورناتىلادى. قالعان كەڭىستىك بەتونمەن تولتىرىلادى. ناتيجەسىندە قاتتى, ءۇش قاباتتى قۇرىلىم جاسالادى. ول ەشقانداي جوندەۋسىز 50 جىلعا دەيىن شىداس بەرەدى.
بۇدان بولەك, گوفرلەنگەن مەتالل قۇرىلىمدارىنىڭ سالماعى سالىستىرمالى تۇردە جەڭىل كەلەتىنىن ايتىپ وتكەن ءجون. سوندىقتان ولاردى جيناۋ وڭاي. دەمەك, تەمىربەتوندى قۇرىلىمدارعا قاراعاندا تەز تۇرعىزىلادى.
ينستيتۋت عالىمدارى جوبانى سۇيەمەلدەۋ اياسىندا اتالعان تەحنيكالىق ءادىستى قازاقستاندىق جاعدايلاردى ەسكەرە وتىرىپ, اۆتوموبيل جولدارىن سالۋ, رەكونسترۋكتسيالاۋ جانە جوندەۋ بارىسىندا قولدانۋدىڭ ۇسىنىمدارىن جەتىلدىرۋدە.
اتاپ ءوتۋ قاجەت, سۋ وتكىزۋ قۇبىرلارى جولداعى جاساندى قۇرىلىمداردىڭ ەڭ كوپ ساناتتارىنىڭ ءبىرى بولىپ تابىلادى. قازاقستانداعى رەسپۋبليكالىق ماڭىزى بار تاسجولداردا بارلىعى 15 مىڭنان استام سۋ وتكىزۋ قۇبىرى ورناتىلعان.
